Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабының 2-3 тармағына, Қазақстан Республикасының 2008 жылғы 4 желтоқсандағы № 95 Бюджет кодексінің 56 бабының 1 тармағының 4) тармақшасына сәйкес Мәртөк аудандық мәслихаты ШЕШІМ ҚАБЫЛДАДЫ:

1. Мәртөк аудандық мәслихаттың 2013 жылғы 25 желтоқсандағы № 102 «Әлеуметтік көмек көрсетудің және Мәртөк ауданы аумағында тұратын мұқтаж азаматтардың жекелеген санаттарының тізбесін айқындаудың Қағидаларын бекіту туралы» шешіміне (Нормативтік құқықтық актілерді мемлекеттік тіркеу тізілімінде тіркелген № 3745, 2014 жылғы 6 ақпанда «Мәртөк тынысы» газетінің № 7-9 жарияланған) мынадай толықтыру енгізілсін:
жоғарыда көрсетілген шешіммен бекітілген Қағидалары келесі мазмұндағы 6-1 тармақпен толықтырылсын:
«6-1. Табыстарын есепке алмай ай сайынғы әлеуметтік көмек алушылар санатының тізбесі:
1) Ұлы Отан соғысының қатысушылары мен мүгедектері – әлеуметтік-тұрмыстық қажеттілігіне айына 8000 (сегіз мың) теңге мөлшерінде;
2) әлеуметтік маңызы бар аурулармен (онкологиялық ауруы, адамның иммунитет тапшылығы вирусы және туберкулездің түрлі нысандары) ауыратын азаматтар – медициналық мекемелердің берілген тізімдері бойынша, жылына алты айға дейінгі амбулаториялық ем алу мерзіміне ай сайын 10 (он) айлық есептік көрсеткіш мөлшерінде.».