Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 2008 жылғы 4 желтоқсандағы № 95-IV Бюджет кодекісінің 56 бабының 1 тармағының 4) тармақшасына және Қазақстан Республикасының Үкіметінің 2013 жылғы 21 мамырдағы № 504 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» қаулысына сәйкес, Шалқар аудандық мәслихаты ШЕШІМ ҚАБЫЛДАДЫ:

1. Аудандық мәслихаттың 2015 жылғы 25 желтоқсандағы № 255 «Шалқар ауданында әлеуметтік көмек көрсету, мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» (нормативтік құқықтық актілердің мемлекеттік тіркеу Тізілімінде № 4723 санымен тіркелген, 2016 жылы 29 ақпандағы «Шежірелі өлке» газетінде жарияланған) шешіміне мынадай өзгерістер енгізілсін:
көрсетілген шешіммен бекітілген, Шалқар ауданында әлеуметтік көмек көрсету, мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларында:
«1. Жалпы ережелер» тарауында:
2 тармақтың 8) тармақшасында:
«Қазақстан Республикасы Еңбек және халықты әлеуметтiк қорғау министрлiгiнiң Зейнетақы төлеу жөнiндегi мемлекеттiк орталығы» республикалық мемлекеттiк қазыналық кәсiпорнының Ақтөбе облыстық филиалының Шалқар аудандық бөлімшесі (бұдан әрі - зейнетақы төлеу орталығы)» сөздері «Азаматтарға арналған үкімет» мемлекеттік корпорациясы» - коммерциялық емес акционерлік қоғамының Ақтөбе облысы бойынша филиалы - «Зейнетақы төлеу жөніндегі мемлекеттік орталығы» департаменті Шалқар аудандық бөлімшесі» сөздерімен ауыстырылсын;
«3. Әлеуметтік көмекті көрсету тәртібі» тарауында:
15 тармақтың 6) тармақшасы алынып тасталсын;
16 тармақтағы :
«2) және 4) тармақшалары» сөздері «2) және 5) тармақшалары» сөздерімен ауыстырылсын:
26 тармақ алынып тасталсын.
«4. Отбасының белсенділігін арттырудың әлеуметтік келісімшартын жасау» тарауында:
29 тармақтың екінші абзацындағы:
«2 тармағында» сөздері «31 тармағында» сөздерімен ауыстырылсын;
«5. Көрсетiлетiн әлеуметтiк көмектi тоқтату және қайтару үшiн негiздемелер» тарауында:
36 тармақтың 5) тармақшасы алынып тасталсын;
көрсетілген шешімнің 5-қосымшасында:
«Денсаулық сақтау және әлеуметтік даму министрлігінің Зейнетақы төлеу жөніндегі мемлекеттік орталығының» сөздері «Азаматтарға арналған үкімет» мемлекеттік корпорациясы» - коммерциялық емес акционерлік қоғамының «Зейнетақы төлеу жөніндегі мемлекеттік орталығының» сөздерімен ауыстырылсын.

______________ А. Әмірғалиев