«Арнаулы әлеуметтік қызметтер туралы» Қазақстан Республикасы 2008 жылғы 29 желтоқсандағы Заңының 8-бабы 2) тармақшасына сәйкес БҰЙЫРАМЫН:

1. «Халықты әлеуметтік қорғау саласындағы әлеуметтік қызметкерлерге қойылатын біліктілік талаптарын және оларды аттестаттау ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 26 қаңтардағы № 25-ө бұйрығына(Нормативтік құқықтық актілерді мемлекеттік тіркеу тізілімінде № 5565 болып тіркелген, Қазақстан Республикасының орталық атқарушы және өзге де орталық мемлекеттік органдарының актілер жинағының 2009 жылғы № 7 жарияланған) мынадай толықтырулар мен өзгерістер енгізілсін:
аталған бұйрықпен бекітілген Халықты әлеуметтік қорғау саласындағы әлеуметтік қызметкерлерге қойылатын біліктілік талаптарында:
1-тармақ мынадай мазмұндағы 2-1) тармақшамен толықтырылсын:
«2-1) әлеуметтік жұмыс жөніндегі консультант;»;
4-тармақтың бірінші абзацындағы «маманның» деген сөзден кейін «және әлеуметтік қызмет жөніндегі консультанттың» деген сөздермен толықтырылсын;
мынадай мазмұндағы 5-1-тармақпен толықтырылсын:
«5-1. Күтім жөніндегі әлеуметтік қызметкердің біліктілігіне қойылатын талаптар «Арнаулы әлеуметтік қызметтер туралы» Қазақстан Республикасының 2008 жылғы 29 желтоқсандағы Заңы қолданысқа енгізілгенге дейін лауазымына кіріскен адамдарға қолданылмайды».»;
аталған бұйрықпен бекітілген Халықты әлеуметтік қорғау саласындағы әлеуметтік қызметкерлерді аттестаттау ережесінде:
1-тармақта «бұдан әрі – Ереже» деген сөздерден кейін «Арнаулы әлеуметтік қызметтер туралы» Қазақстан Республикасының 2008 жылғы 29 желтоқсандағы Заңына сәйкес әзірленді және» деген сөздермен толықтырылсын;
2-тармақта:
«Аттестаттауға» деген сөздің алдынан «Халықты әлеуметтік қорғау саласындағы әлеуметтік қызметкерлерді» деген сөздермен, кейін «(бұдан әрі – аттестаттау)» деген сөздермен толықтырылсын»;
«әлеуметтік жұмыс жөніндегі мамандар,» деген сөздерден кейін «әлеуметтік жұмыс жөніндегі консультанттар,» деген сөздермен толықтырылсын;
6-тармақта «қызметкерлерді» сөзінен кейін «, сондай-ақ, медициналық-әлеуметтік мекемедегі әлеуметтік қызмет жөніндегі мамандарды» сөздерімен толықтырылсын;
7-тармақта «мамандар» деген сөздерден кейін «әлеуметтік жұмыс жөніндегі консультанттар» деген сөздермен толықтырылсын;
мынадай мазмұндағы 10-1-тармақпен толықтырылсын:
«10-1. Аттестаттау комиссиясының отырысы, егер оның құрамының үштен екі бөлігі оған қатысса заңды болып есептеледі.
Аттестаттау комиссиясының шешімі Комиссия мүшелерінің көпшілік даусымен ашық дауыс беру арқылы қабылданады. Дауыс тең болған жағдайда Төрағаның дауысы шешуші болып табылады.»;
12-тармақ мынадай мазмұндағы екінші абзацпен толықтырылсын:
«Аттестатталатын адам комиссия отырысына келе алмаған жағдайда, дәлелді себептер бойынша (еңбекке уақытша қабілетсіздік кезеңінде, демалыста болған кезеңінде, кәмелетке толмаған балалардың сырқаты кезінде, жақын туыстары қайтыс болған кезде) келе алмаған жағдайды қоспағанда, ол аттестатталмаған болып есептеледі.»;
мынадай мазмұндағы 12-1-тармақпен толықтырылсын:
«12-1. Аттестаттаудан өту үшін арнаулы әлеуметтік қызметке қажеттілікті бағалау және айқындау жөніндегі әлеуметтік қызметкерлер және медициналық-әлеуметтік мекемелердің әлеуметтік жұмыс жөніндегі мамандары облыстың уәкілетті органына, ал әлеуметтік жұмыс жөніндегі консультанттар мен күтім жөніндегі әлеуметтік қызметкерлер ауданның уәкілетті органына мынадай құжаттарды тапсырады:
1) еркін нысанда жазылған өтініш;
2) кадрларды есепке алу жеке парағының көшірмесі;
3) нотариуспен расталған білімі туралы дипломының көшірмесі;
4) ұйымның кадр қызметімен расталған еңбек кітапшасының көшірмесі.»;
13-тармақ мынадай редакцияда жазылсын:
«13. Тестілеу аттестатталатын адамның таңдауы бойынша мемлекеттік және орыс тілдерінде өткізіледі. Тестілер әлеуметтік қызметкерлердің негізгі қызмет түрлерін қамтуға және облыстың уәкілетті органы әлеуметтік қызметке қажеттілікті бағалау және айқындау жөніндегі әлеуметтік қызметкерлер, әлеуметтік жұмыс жөніндегі мамандар, әлеуметтік жұмыс жөніндегі мамандар, әлеуметтік жұмыс жөніндегі консультанттар, күтім жөніндегі әлеуметтік қызметкерлер үшін жеке әзірлеген және бекіткен 80 сұрақтан тұруға тиіс. Тестілерді орындауға берілген уақыт 60 минуттан аспайды.»;
23-тармақ мынадай мазмұндағы екінші абзацпен толықтырылсын:
«Сертификат берілген күнінен бастап Қазақстан Республикасының аумағында 5 жылға дейін жарамды.»;
24-тармақта «уәкілетті орган» деген сөздер «облыстың уәкілетті органы» деген сөздермен ауыстырылсын;
25-тармақ мынадай редакцияда жазылсын:
«25. Медициналық-әлеуметтік мекеменің әлеуметтік жұмыс жөніндегі мамандарына хаттамалық шешімнің көшірмесін облыстың уәкілетті органы береді.
Әлеуметтік жұмыс жөніндегі мамандарға, әлеуметтік жұмыс жөніндегі консультанттарға және күтім жөніндегі әлеуметтік қызметкерлерге хаттамалық шешімнің көшірмесін ауданның уәкілетті органы береді.»;
Халықты әлеуметтік қорғау саласындағы әлеуметтік қызметкерлерді аттестаттау ережесіне 1-қосымшаның жоғары оң жақ бұрышындағы «1» саны алынып тасталсын.

3. Әлеуметтік көмек және әлеуметтік қызметтер департаменті (Қ.А. Манабаева) Қазақстан Республикасының заңнамасында белгіленген тәртіппен Қазақстан Республикасы Әділет министрлігінде осы бұйрықтың мемлекеттік тіркелуін және оның кейінен ресми бұқаралық ақпарат құралдарында жариялануын қамтамасыз етсін.

«КЕЛІСІЛДІ»
Қазақстан Республикасы
Денсаулық сақтау министрі
__________ Ж. Досқалиев
2010 жылғы 27 қаңтар
«КЕЛІСІЛДІ»
Қазақстан Республикасы
Білім және ғылым министрі
__________ Ж. Түймебаев
2010 жылғы 28 қаңтар