2015 жылғы 26 наурыздағы № 207 бұйрығына
өзгеріс пен толықтырулар енгізу туралы
БҰЙЫРАМЫН:

1. «Мемлекеттік органдардың өзара іс-қимыл жасау және пайдаланушыларға одан мәліметтер ұсыну тәртібін қоса алғанда, мемлекеттік мүлік тізілімін жүргізу қағидаларын бекіту туралы» Қазақстан Республикасы Қаржы министрінің 2015 жылғы 26 наурыздағы № 207 бұйрығына (Нормативтік құқықтық актілерді мемлекеттік тіркеу тізілімінде № 10801 болып тіркелген) мынадай өзгеріс пен толықтырулар енгізілсін:
осы бұйрықпен бекітілген мемлекеттік мүлік тізілімін жүргізу қағидаларында:
4-тармақ мынадай мазмұндағы 4-1) тармақшамен толықтырылсын:
«4-1) мемлекеттік мүліктің өтінімдік тізбесі - әлеуетті сатып алушылар (сатып алушылар) жекешелендіру процесіне бастамашылық жасайтын мемлекеттік мүлік тізілімінің веб-порталында орналастырылатын, акцияларының (жарғылық капиталға қатысу үлестерінің) бақылау пакеті мемлекетке тиесілі заңды тұлғалардың тізімі;»;
14-тармақ мынадай мазмұндағы 1-1) тармақшамен толықтырылсын:
«1-1) «Мемлекеттік мүлік туралы» Қазақстан Республикасы Заңының 199-бабының 2-1-тармағына сәйкес мемлекеттік жоспарлау жөніндегі орталық уәкілетті орган қалыптастыратын мемлекеттік мүліктің өтінімдік тізбесі;»;
34-тармақ мынадай редакцияда жазылсын:
«34. Тізілім веб-порталына қолжетімділік деңгейі бойынша пайдаланушылар мынадай санаттарға бөлінеді:
1) жеке және заңды тұлғалар;
2) мемлекеттік заңды тұлғалар;
3) тиісті саланың уәкілетті органдары;
4) мемлекеттік мүлікті басқару жөніндегі уәкілетті орган;
5) сыртқы мемлекеттік аудиттің және қаржылық бақылаудың уәкілетті органдары;
6) мемлекеттік жоспарлау жөніндегі уәкілетті орган;
7) облыстық уәкілетті орган және облыстық бюджеттің атқарылуын бақылау жөніндегі мемлекеттік орган;
8) аудандық уәкілетті орган және аудандық бюджеттің атқарылуын бақылау жөніндегі мемлекеттік орган;
9) акционерлік қоғамдар акцияларының мемлекеттік пакеті мен жауапкершілігі шектеулі серіктестіктердегі қатысу үлестерін иелену және пайдалану құқықтарын жүзеге асыруға және коммуналдық заңды тұлғаларды басқаруға өкілеттілік берілген жергілікті бюджеттен қаржыландырылатын атқарушы органдар;
10) монополияға қарсы орган және оның аумақтық бөлімшелері;
11) Бас прокуратура, облыстардың және оларға теңестірілген прокуратуралардың (республикалық маңызы бар қалалардың және астананың) прокуратуралары.».

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

«КЕЛІСІЛДІ»
Қазақстан Республикасының
Бас прокуратурасы
«КЕЛІСІЛДІ»
Қазақстан Республикасының
Бәсекелестікті қорғау
және дамыту агенттігі
«КЕЛІСІЛДІ»
Қазақстан Республикасының
Ішкі істер министрлігі
«КЕЛІСІЛДІ»
Қазақстан Республикасының
Жоғары аудиторлық палатасы
«КЕЛІСІЛДІ»
Қазақстан Республикасының
Мәдениет және ақпарат министрлігі
«КЕЛІСІЛДІ»
Қазақстан Республикасының
Өнеркәсіп және құрылыс министрлігі
«КЕЛІСІЛДІ»
Қазақстан Республикасының
Ұлттық экономика министрлігі
«КЕЛІСІЛДІ»
Қазақстан Республикасының
Цифрлық даму, инновациялар
және аэроғарыш өнеркәсібі
министрлігі