Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:

1. «Ерікті зейнетақы жарналары есебінен зейнетақымен қамсыздандыру туралы шартты жасасу қағидаларын және оның үлгілік нысанын бекіту туралы» Қазақстан Республикасы Қаржы нарығын реттеу және дамыту агенттігі Басқармасының 2023 жылғы 26 мамырдағы № 27 қаулысына (Нормативтік құқықтық актілерді мемлекеттік тіркеу тізілімінде № 32661 болып тіркелген) мынадай өзгерістер енгізілсін:
кіріспесі мынадай редакцияда жазылсын:
«Қазақстан Республикасының Әлеуметтік кодексі 41-бабының 1-тармағына және 45-бабына сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:»;
1-тармақтың 2) тармақшасы мынадай реакцияда жазылсын:
«2) осы қаулыға 2-қосымшаға сәйкес ерікті зейнетақы жарналары есебінен зейнетақымен қамсыздандыру туралы шарттың үлгілік нысаны бекітілсін.»;
көрсетілген қаулымен бекітілген Ерікті зейнетақы жарналары есебінен зейнетақымен қамсыздандыру туралы шартты жасасу қағидаларында:
1-тармақ мынадай редакцияда жазылсын:
«1. Осы Ерікті зейнетақы жарналары есебінен зейнетақымен қамсыздандыру туралы шартты жасасу қағидалары (бұдан әрі – Қағидалар) Қазақстан Республикасының Әлеуметтік кодексі (бұдан әрі – Әлеуметтік кодекс) 41-бабының 1-тармағына және 45-бабына сәйкес әзірленді және ерікті зейнетақы жарналары есебінен зейнетақымен қамсыздандыру туралы шартты жасасу тәртібін айқындайды.»;
5-тармақ мынадай редакцияда жазылсын:
«5. Ерікті зейнетақы жарналары есебінен зейнетақымен қамсыздандыру туралы шарттың үлгілік нысаны бірыңғай жинақтаушы зейнетақы қорының және ерікті жинақтаушы зейнетақы қорының интернет-ресурсында орналастырылады.»;
көрсетілген қаулымен бекітілген ерікті зейнетақы жарналары есебінен Зейнетақымен қамсыздандыру туралы шарттың үлгілік нысанында (қосылу шарты):
тақырыбы мынадай редакцияда жазылсын:
«Ерікті зейнетақы жарналары есебінен зейнетақы қамсыздандыру туралы шарттың үлгілік нысаны»;
кіріспесі мынадай редакцияда жазылсын:
«Ерікті зейнетақы жарналары есебінен Зейнетақымен қамсыздандыру туралы шарт (бұдан әрі – Шарт)_________ (бұдан әрі – Қор) және ерікті зейнетақы жарналарын салымшы (ерікті зейнетақы жарналары есебінен зейнетақы төлемдерін алушы) (бұдан әрі – Салымшы (Алушы)) Салымшыны Шарт талаптарына қосу арқылы жасалды және тараптардың құқықтарын, міндеттері мен жауапкершілігін, сондай-ақ Қор мен Салымшы (Алушы) арасындағы құқықтық қатынастардың өзге де ерекшеліктерін белгілейді.»;
2-тармақтың бірінші бөлігі мынадай редакцияда жазылсын:
«2. Шарт Қазақстан Республикасы Азаматтық кодексінің 389-бабының, Қазақстан Республикасы Әлеуметтік кодексінің (бұдан әрі – Әлеуметтік кодекс), Қордың ішкі құжатымен бекітілген Қордың Зейнетақы қағидаларының (бұдан әрі – Қордың зейнетақы қағидалары) талаптарына сәйкес жасалатын қосылу шарты болып табылады.»;
9-тармақ мынадай редакцияда жазылсын:
«9. Зейнетақы төлемдері Әлеуметтік кодекстің 223-бабына сәйкес жүргізіледі. Зейнетақы төлемдерін алу тәртібі Шартқа және Қордың зейнетақы қағидаларына сәйкес айқындалады.
Қордың интернет-ресурсында және Қордың филиалдарында көруге қолжетімді жерде орналастырылған Қордың ішкі құжатымен бекітілген тәртіппен Қор Әлеуметтік кодекстің 207-бабы 1-тармағына сәйкес зейнеткерлік жасқа толған, ерікті зейнетақы жарналары есебінен зейнетақы жинақтары бар және оларды төлеу үшін Қорға жүгінбеген адамдарға Қор Әлеуметтік кодекстің 223-бабы 1-тармағының 1) және 2) тармақшаларында көзделген жағдайларда Салымшының (Алушының) өтінішінсіз зейнетақы төлемдерін жүзеге асырады.»;
10-тармақ мынадай редакцияда жазылсын:
«10. Зейнетақы жинақтарын бірыңғай жинақтаушы зейнетақы қорынан ерікті жинақтаушы зейнетақы қорына, ерікті жинақтаушы зейнетақы қорынан бірыңғай жинақтаушы зейнетақы қорына, бір ерікті жинақтаушы зейнетақы қорынан басқа ерікті жинақтаушы зейнетақы қорына, сондай-ақ сақтандыру ұйымына аудару тәртібі мен талаптары Әлеуметтік кодексте және Қордың зейнетақы қағидаларында айқындалған.».