О внесении изменений и дополнений в решение городского маслихата от 28 мая 2007 года № 37/323 "О назначении и оказании социальных выплат отдельным категориям граждан"
Деректемелер және дереккөз
- Толық атауы
- О внесении изменений и дополнений в решение городского маслихата от 28 мая 2007 года № 37/323 "О назначении и оказании социальных выплат отдельным категориям граждан"
- Атауы (қаз.)
- Қалалық мәслихаттың 2007 жылғы 28 мамырдағы № 37/323 "Азаматтардың жекелеген санаттарына әлеуметтік төлемдерді тағайындау және көрсету туралы" шешіміне өзгерістер мен толықтырулар енгізу туралы
- Акт түрі
- Өзге акт
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 15/141
- Қабылданған күні
- 23.12.2008
- Көрсетілген редакция
- 12.12.2013 42916_186252.kaz
- Соңғы өзгеріс
- 12.12.2013
- Мәтін тілі
- қазақша
- НҚА мемлекеттік тіркеу нөмірі
- V08MA000101
- ЭКБ идентификаторы
- 42916
- Редакция идентификаторы
- 42916_186252
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 12:18
0 Қалалық мәслихаттың 2007 жылғы 28 мамырдағы N 37/323 "Азаматтардың
жекелеген санаттарына әлеуметтік төлемдерді тағайындау және көрсету туралы" шешіміне өзгерістер мен толықтырулар енгізу туралы
Қазақстан Республикасы Бюджет кодексінің 53 бабы 1 тармағының 4 тармақшасына, Маңғыстау облысы әкімдігінің 2008 жылғы 28 ақпандағы N 164"Азаматтардың әлеуметтік қорғалатын санаттарына әлеуметтік көмектердің жекелеген түрлері туралы" қаулысына (нормативтік құқықтық кесімдерді мемлекеттік тіркеу Тізілімінде 2008 жылдың 28 наурызында N 2007 болып тіркелген) және қалалық мәслихаттың 2007 жылғы 13 желтоқсандағы N 5/34 "2008 жылға арналған қалалық бюджет туралы" шешіміне (нормативтік құқықтық кесімдерді мемлекеттік тіркеу Тізілімінде 2007 жылдың 26 желтоқсанында N 11-1-72 болып тіркелген, 2007 жылы 27 желтоқсандағы N 213-214 "Маңғыстау" газетінде жарияланған) сәйкес қалалық мәслихат ШЕШІМ ЕТТІ:
1
1. Қалалық мәслихаттың 2007 жылғы 28 мамырдағы N 37/323 "Азаматтардың жекелеген санаттарына әлеуметтік төлемдерді тағайындау және көрсету туралы" (нормативтік құқықтық кесімдерді мемлекеттік тіркеу Тізілімінде N 11-1-57 болып тіркелген, 2007 жылғы 14 шілдедегі N 121- 122 "Маңғыстау" газетінде жарияланған), 2008 жылғы 1 сәуірдегі N 7/68 "Қалалық мәслихаттың 2007 жылғы 28 мамырдағы N 37/323 "Азаматтардың жекелеген санаттарына әлеуметтік төлемдерді тағайындау және көрсету туралы" шешіміне өзгерістер енгізу туралы" (нормативтік құқықтық кесімдерді мемлекеттік тіркеу Тізілімінде N 11-1-81 болып тіркелген, 2008 жылғы 15 мамырдағы N 74-75 "Маңғыстау" газетінде жарияланған) шешімдеріне төмендегідей өзгерістер мен толықтырулар енгізілсін:
осы шешімнің 1 қосымшасында:
8 тармақтағы "Афған соғысында қайтыс болып кеткен жауынгерлердің отбасы" деген сөздер мынадай редакцияда жазылсын: "Ауғанстандағы ұрыс қимылдары кезінде жараланудың, контузия алудың, зақымданудың немесе ауруға шалдығудың салдарынан қаза тапқан (хабар-ошарсыз кеткен) немесе қайтыс болған әскери қызметшілердің отбасы";
11 тармақтағы "Мемлекеттік әлеуметтік жәрдемақы алатын 1 және 2 топ мүгедектері және 16 жасқа дейінгі мүгедек балалар" деген сөздер мынадай редакцияда жазылсын: "Барлық топтағы мүгедектер, бала кезден мүгедектер, мүгедек балалар және мүгедектігі бойынша арнаулы мемлекеттік жәрдемақы алушылар";
12 тармақтағы "Асыраушысынан айырылуына байланысты мемлекеттік әлеуметтік жәрдемақы алушылар" деген сөздер мынадай редакцияда жазылсын: "Асыраушысынан айырылу жағдайы бойынша мемлекеттік әлеуметтік жәрдемақы алушылар (балаларға)";
Мынадай мазмұндағы 14 және 15-тармақтарымен толықтырылсын:
"14. Жеңіс Күніне (9 мамыр) – жеңілдіктер мен кепілдіктер жағынан Ұлы Отан соғысының мүгедектеріне теңестірілген адамдардың басқа да санаттары";
"15. Жеңіс Күніне (9 мамыр) – жеңілдіктер мен кепілдіктер жағынан Ұлы Отан соғысының қатысушыларына теңестірілген адамдардың басқа да санаттары".
2 2. Осы шешім алғаш рет ресми жарияланғаннан кейін он күнтізбелік күн өткен соң қолданысқа енгізіледі.
"КЕЛІСІЛДІ":
"Ақтау қалалық жұмыспен қамту
және әлеуметтік бағдарламалар
бөлімі" ММ-нің бастығы
_________________ К.Айтбатырова
2008 жылы 23 желтоқсан