архивтер және құжаттама басқармасы»
мемлекеттік мекемесі туралы ережені
бекіту туралы» Оңтүстік Қазақстан
облысы әкімдігінің 2015 жылғы
28 желтоқсандағы №432 қаулысына
өзгерістер мен толықтырулар енгізу туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабының 2-тармағына, «Мемлекеттік мүлік туралы» Қазақстан Республикасының 2011 жылғы 1 наурыздағы Заңының 17-бабының 7) тармақшасына және Оңтүстік Қазақстан облысы әкімдігінің 2016 жылғы 18 қаңтардағы №12 «Мемлекеттік мекемелер туралы» қаулысына сәйкес Оңтүстік Қазақстан облысының әкімдігі ҚАУЛЫ ЕТЕДІ:

1. Оңтүстік Қазақстан облысы әкімдігінің 2015 жылғы 28 желтоқсандағы №432 «Оңтүстік Қазақстан облысының архивтер және құжаттама басқармасы» мемлекеттік мекемесі туралы ережені бекіту туралы» (Нормативтік құқықтық актілерді мемлекеттік тіркеу тізілімінде №3543 тіркелген, 2016 жылғы 2 ақпанда «Оңтүстік Қазақстан» газетінде жарияланған) қаулысына мынадай өзгерістер мен толықтырулар енгізілсін:
көрсетілген қаулының және оған қосымшаның бүкіл мәтіні бойынша:
«Оңтүстік Қазақстан облысының архивтер және құжаттама басқармасы» деген сөздер «Оңтүстік Қазақстан облысының тілдерді дамыту, архивтер мен құжаттама басқармасы» деген сөздермен ауыстырылсын;
көрсетілген қаулының «Оңтүстік Қазақстан облысының архивтер және құжаттама басқармасы» мемлекеттік мекемесі туралы ереже» деген қосымшасында:
«1. Жалпы ережелер» деген тарауда:
1-тармақ мынадай редакцияда жазылсын:
«1. Оңтүстік Қазақстан облысының тілдерді дамыту, архивтер мен құжаттама басқармасы» мемлекеттік мекемесі тілдерді дамыту, архив ісін жүргізу және басқару саласында басшылықты жүзеге асыратын Қазақстан Республикасының мемлекеттік органы болып табылады.»;
«2. Мемлекеттік органның миссиясы, негізгі міндеттері, функциялары, құқықтары мен міндеттері» деген тарауда:
14-тармақ мынадай мазмұндағы абзацпен толықтырылсын:
«тілдерді оқып-үйрену мен дамыту үшін жағдай жасау, Қазақстан Республикасында қолданылатын барлық тілге бірдей құрметпен қарауды қамтамасыз ету.»;
15-тармақтың 1)-тармақшасы мынадай редакцияда жазылсын:
«1) облыстың аумағында тілдерді дамыту саласында, архив ісінде және құжат жасауда бірыңғай мемлекеттік саясатты іске асыру;»;
16-тармақта:
мынадай мазмұндағы 7-1) – 7-4) тармақшалармен толықтырылсын:
«7-1) орталық атқарушы органдардың аумақтық бөлімшелерінің және аудандық атқарушы органдардың Қазақстан Республикасының тіл туралы заңдарын сақтауын бақылауды жүзеге асыру;
7-2) деректемелер мен көрнекі ақпаратты орналастыру бөлігінде Қазақстан Республикасының тiл туралы заңнамасының сақталуын бақылауды жүзеге асыру;
7-3) Қазақстан Республикасының тiл туралы заңнамасында белгiленген талаптардың бұзылуын жою туралы ұсынымдар беру, Қазақстан Республикасының әкімшілік құқық бұзушылық туралы заңнамасында көзделген негізде және тәртіппен әкімшілік ықпал ету шараларын қолдану;
7-4) облыстық ономастика комиссиясының қызметін қамтамасыз ету;»;
17-тармақ мынадай мазмұндағы 6-1), 6-2) тармақшалармен толықтырылсын:
«6-1) облыста мемлекеттік тілді барынша дамытады, оның халықаралық беделін нығайтады;
6-2) Қазақстан Республикасының барша азаматтарының мемлекеттік тілді еркін және тегін меңгеруіне қажетті барлық ұйымдастырушылық, материалдық-техникалық жағдайлардың жасалуына ықпал жасайды.»;
«3. Мемлекеттік органның қызметін ұйымдастыру» деген тарауда:
мынадай мазмұндағы 19-1-тармақпен толықтырылсын:
«19-1. «Оңтүстік Қазақстан облысының тілдерді дамыту, архивтер мен құжаттама басқармасы» мемлекеттік мекемесінің бірінші басшысының Қазақстан Республикасының заңнамасына сәйкес қызметке тағайындалатын және қызметтен босатылатын орынбасары болады.»;
20-тармақ мынадай мазмұндағы 11-1), 11-2) тармақшалармен толықтырылсын:
«11-1) бюджеттік бағдарламаларды жоспарлауға, негіздеуге, іске асыруға және нәтижелерге қол жеткізуге жауапты болады;
11-2) «Оңтүстік Қазақстан облысының тілдерді дамыту, архивтер мен құжаттама басқармасы» мемлекеттік мекемесінің қаржылық-шаруашылық қызметіне және оған берілген мүліктің сақталуына дербес жауапты болады;».

Д.Сатыбалды
Б.Жылқышиев
С.Қаныбеков
Е.Садыр
С.Тұяқбаев
А.Абдуллаев
К.Мендебаев