БҰЙЫРАМЫН:

1. «Цифрлық майнинг бойынша қызметті лицензиялау қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің 2023 жылғы 28 сәуірдегі № 169/НҚ бұйрығына (Нормативтік құқықтық актілерді мемлекеттік тіркеу тізілімінде № 32431 болып тіркелген) мынадай өзгерістер мен толықтыру енгізілсін:
көрсетілген бұйрықпен бекітілген Цифрлық майнинг бойынша қызметті лицензиялау қағидаларында:
1-тармақ мынадай редакцияда жазылсын:
«1. Осы «Цифрлық майнинг бойынша қызметті жүзеге асыруға лицензия беру» Мемлекеттік қызмет көрсету Қағидалары (бұдан әрі – Қағидалар) «Қазақстан Республикасындағы цифрлық активтер туралы» Қазақстан Республикасы Заңының (бұдан әрі – Заң) 4-бабы 1-тармағының 6) тармақшасына, «Мемлекеттік көрсетілетін қызметтер туралы» Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабының 1-тармақшасына, «Рұқсаттар және хабарламалар туралы» Қазақстан Республикасы Заңының (бұдан әрі – Рұқсаттар және хабарламалар туралы заң) 12-бабы 1-тармағының 4) тармақшасына сәйкес әзірленді және цифрлық майнинг бойынша қызметті лицензиялау (бұдан әрі – мемлекеттік көрсетілетін қызмет) тәртібін айқындайды.»;
8-тармақ мынадай редакцияда жазылсын:
«8. Көрсетілетін қызметті алушы құжаттардың және (немесе) мәліметтердің толық топтамасын ұсынған кезде көрсетілетін қызметті берушінің қызметкері 13 (он үш) жұмыс күні ішінде көрсетілетін қызметті алушы ұсынған құжаттардың Рұқсаттар және хабарламалар туралы заңның 12-бабы 1-тармағының 1-1) тармақшасына сәйкес Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2023 жылғы 26 сәуірдегі № 165/НҚ бұйрығымен бекітілген Цифрлық майнинг жөніндегі қызметті жүзеге асыру үшін біліктілік талаптарына және оларға сәйкестікті растайтын құжаттар тізбесіне (Нормативтік құқықтық актілерді мемлекеттік тіркеу тізілімінде № 32416 болып тіркелген) сәйкестігін тексереді.»;
11-тармақ мынадай редакцияда жазылсын:
«11. Цифрлық майнинг қызметін жүзеге асыру жөніндегі лицензияны қайта ресімдеу Рұқсаттар және хабарламалар туралы заңның 33 және 34-баптарында белгіленген негіздер бойынша және тәртіппен жүргізіледі.»;
мынадай мазмұндағы 18-1-тармақпен толықтырылсын:
«18-1. Цифрлық майнинг бойынша қызметті жүзеге асыруға лицензияның және (немесе) лицензияға қосымшаның қолданысын тоқтата тұру, қалпына келтіру, одан айыру Заңның 9-бабында және Рұқсаттар және хабарламалар туралы заңның 45-бабында көзделген негіздер бойынша жүзеге асырылады.»;
21-тармақ мынадай редакцияда жазылсын:
«21. Көрсетілетін қызметті берушінің атына келіп түскен көрсетілетін қызметті алушының шағымы Мемлекеттік көрсетілетін қызметтер туралы заңының 25-бабының 2-тармағына сәйкес ол тіркелген күннен бастап 5 (бес) жұмыс күні ішінде қаралуға тиіс»;

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

«КЕЛІСІЛДІ»
Қазақстан Республикасының
Ұлттық экономика министрлігі
«КЕЛІСІЛДІ»
Қазақстан Республикасының
Энергетика министрлігі