Магистрлерді даярлаудың сапасын одан әрі арттыру мақсатында Бұйырамын:

1. "Қазақстан Республикасының жоғары оқу орындарының магистратурасына қабылдаудың типтік ережелерін бекіту туралы" Қазақстан Республикасы Білім және ғылым министрлігінің 2003 жылғы 29 мамырдағы N 354 бұйрығына (Қазақстан Республикасының нормативтік құқықтық актілерін мемлекеттік тіркеудің тізбесінде N 2383 тіркелген, "Қазақстан Республикасының орталық атқарушы және басқа да мемлекеттік органдардың нормативтік құқықтық актілерінің бюллетені" журналында, 2003 ж., 23-24, 860-бет жарияланған) мынадай өзгерістер мен толықтырулар енгізілсін:
Көрсетілген бұйрықпен бекітілген Қазақстан Республикасының жоғары оқу орындарының магистратурасына қабылдаудың типтік ережелерінде:
2-тармақтағы "жоғары базалық және арнайы жоғары" деген сөздер "кәсіптік жоғары" деген сөздермен ауыстырылсын;
6-тармақтағы "даярлау бағыты" деген сөздері "мамандықтар" деген сөзбен ауыстырылсын;
10-тармақтағы:
2-абзацтағы "даярлау бағыттарының" сөздері "мамандықтар" сөзімен ауыстырылсын;
3-абзацтағы "даярлау бағыттары" сөздері "мамандық" сөзімен ауыстырылсын;
4-абзацтағы "даярлау бағытына" сөздері "мамандыққа" сөзімен ауыстырылсын;
11-тармақ мынадай редакцияда жазылсын:
"Өтініштерді қабылдау 15-ші шілдеден 1-і тамызға дейін, түсу емтихандары тамыздың 16-нан 25-не дейін";
12-тармақтағы "студенттерді" деген сөз "магистранттарды" деген сөзбен ауыстырылсын;
13-тармақ алынып тасталсын;
15-тармақ мынадай редакцияда жазылсын:
"Магистратураға түсушілер шет тілінен және арнайы пәннен емтихан тапсырады.
Шет тілі бойынша түсу емтихандарын білім беру саласындағы орталық атқарушы органдар құрған орталықтарда тестілеу нысанында тапсырады.
Арнайы пән бойынша емтихан кәсіптік жоғары білімнің әрекеттегі деңгейінің оқу бағдарламалары көлемінде жоғары оқу орындарының қабылдау комиссияларымен өткізіледі.
Емтихандарды қайта тапсыруға рұқсат берілмейді.";
17-тармақ алынып тасталсын;
18-тармақ алынып тасталсын;
23-тармақ мынадай мазмұндағы екінші және үшінші абзацтармен толықтырылсын:
"Шет тілінен және арнайы пәннен түсу емтихандарының қорытындылары бойынша 8-ден төмен балл жинаған (бес баллдық шкала бойынша) азаматтар магистранттар қатарына қабылдауға жіберілмейді.
Балдары бірдей болған жағдайда кәсіптік жоғары білімі туралы үздік дипломы бар азаматтарға айрықша құқық беріледі.";
24-тармақ мынадай редакцияда жазылсын:
"Магистранттар қатарына қабылдау тамыздың 26-нан 30-на дейін жоғары оқу орындарының қабылдау комиссияларымен жүргізіледі.".

Осы бұйрықтың орындалуын бақылауды өзіме қалдырамын.