Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 2016 жылғы 6 сәуірдегі «Құқықтық актілер туралы» Заңының 50 бабына сәйкес, Ырғыз аудандық мәслихаты ШЕШІМ ҚАБЫЛДАДЫ:

1. Ырғыз аудандық мәслихатының 2016 жылғы 29 ақпандағы № 245 «Ырғыз ауданында әлеуметтік көмек көрсетудің, мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» (нормативтік құқықтық актілерді мемлекеттік тіркеу тізілімінде № 4807 тіркелген, 2016 жылдың 12 сәуірдегі аудандық «Ырғыз» газетінде жарияланған) шешіміне мынадай өзгерістер енгізілсін:
көрсетілген шешіммен бекітілген Ырғыз ауданында әлеуметтік көмек көрсету, мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларында:
8 тармақтың 1) тармақшасы жаңа редакцияда жазылсын:
«1) Ұлы Отан соғысының қатысушылары мен мүгедектеріне коммуналдық қызметтерге, айына 8000 (сегіз мың) теңге мөлшерінде уәкілетті ұйымның ұсынған тізімдері негізінде;»;
қазақ тіліндегі 8 тармақтың 2), 3), 4) тармақшаларында «берген тізімдеріне сәйкес», «тізімі негізінде», «берген тізімдерге сәйкес» сөздері «ұсынған тізімдері негізінде», «тізімдері негізінде», «ұсынған тізімдері негізінде» сөздерімен ауыстырылсын.
18 тармақ жаңа редакцияда жазылсын:
«18. Осы Қағидалардың 8 тармағының 1), 2), 3), 4) тармақшаларында көрсетілген адамдарға ай сайынғы әлеуметтік көмек алушылардың өтініштері талап етілмей көрсетіледі.».

Ақтөбе облысының жұмыспен қамтуды
үйлестіру және әлеуметтік бағдарламалар
басқармасының басшысы
___________________________ Қ. Отаров