«Сыбайлас жемқорлыққа қарсы қызметтің ұсталғандарды және күзетпен қамауға алынған адамдарды айдауылмен алып жүру қағидаларын бекіту туралы» Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 3 қарашадағы № 41 бұйрығына өзгерістер енгізу туралы
БҰЙЫРАМЫН:

1. «Сыбайлас жемқорлыққа қарсы қызметтің ұсталғандарды және күзетпен қамауға алынған адамдарды айдауылмен алып жүру қағидаларын бекіту туралы» Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 3 қарашадағы № 41 бұйрығына (Нормативтік құқықтық актілерді мемлекеттік тіркеу тізілімінде № 14487 болып тіркелген) мынадай өзгерістер енгізілсін:
көрсетілген бұйрықпен бекітілген Сыбайлас жемқорлыққа қарсы қызметтің ұсталғандарды және күзетпен қамауға алынған адамдарды айдауылмен алып жүру қағидаларында:
7-тармақтың 1) тармақшасы мынадай редакцияда жазылсын:
«1) арнайы көлік құралдарынан не қызметтік жеңіл көлік құралдарынан соттардың ғимараттарындағы ұстауға арналған камераларға, уақытша ұстау изоляторының (бұдан әрі – УҰИ), тергеу изоляторының (бұдан әрі – ТИ) режимдік аймағына, тергеу әрекеттерін жүргізу орындарына, емдеу мекемелеріне дейін;»;
67-тармақ мынадай редакцияда жазылсын:
«67. Ұсталған адамды және күзетпен қамауға алынған адамды соттың ғимараттарында уақытша ұстау бөлмесіне орналастырғаннан кейін айдауылшы оны үнемі қағалайды, оның басқа тұлғалармен (туыстары, қорғаушылары) сөйлесуіне, қандай да бір заттарды қабылдауына немесе беруіне рұқсат етпейді.»;
69-тармақ мынадай редакцияда жазылсын:
«69. Сыбайлас жемқорлыққа қарсы қызметтің аумақтық органының әкімшілік ғимаратына тұлғаны алып келгеннен кейін, айдауыл басшысы алып келген ұсталғандарды және күзетпен қамауға алынған адамдарды кезекші бөлімде тіркейді, кететін кезінде шыққаны туралы белгі қояды.
Тергеу әрекеттерін жүргізу үшін айдауыл тек ұсталғандарды және күзетпен қамауға алынған адамдарды осы Қағидаларға 6-қосымшаға сәйкес форма бойынша қабылдау-тапсыру журналына тіркеп, арнайы үй-жайлар – тергеу әрекеттерін жүргізуге арналған бөлмеге жеткізу талабын жіберген тергеушіге береді.
Тергеу әрекеттерін жүргізуге арналған бөлмелер ғимараттың бірінші қабатында (шатырасты, жертөле қабаттарында орналасуына үзілді-кесілді жол берілмейді) орналастырылады, қауіпсіздік жүйелерімен (терезелерінде металл торлары, кезекші бөлімнің мониторына шығарылған бейне-бақылау, нарядты шақыратын дабыл тетігі), сондай-ақ тергеушінің, қорғаушының (қоғамдық өкілдің) жұмыс орнымен, сезікті, айыпталушыға арналған жеке орындармен, тергеу әрекетінің екі қатысушысының, айдауылдың жеке орындарымен жабдықталған болуға тиіс.
Айдауыл басшысы тергеу әрекеттерін жүргізуге арналған бөлмені тексереді, анықталған кемшіліктерді жоюға шаралар қабылдайды.
Тергеушінің талабы бойынша айдауылшы өзінің қатысуын қамтамасыз етеді, бұл ретте, айдауылшылар терезелердің, айдауыл басшысы есіктің жанында тұрады.
Жергілікті жерде тергеу әрекеттерін жүргізу кезінде айдауыл басшысы тергеу әрекеттерін жүргізу белгіленген жергілікті жерді (үй-жайды) қарап шығады және оны жүргізетін адамның келісуі бойынша ұсталғандарды және күзетпен қамауға алынған адамдарды қорғау тәртібін белгілейді, айдауылшылар ешқайда кетпестен айдауылмен жүрушілердің қасында болады, қолкісендерді қолданады, әрбір ұсталған адамды және күзетпен қамауға алынған адамды тергеу әрекеттеріне байланысты олардың барлық орын ауыстыруларында еріп жүреді, арнайы көлік құралына отырғызу алдында жеке басын тінтуді жүргізеді.
Тергеу әрекеттерінің аяқталғаны туралы тергеуші (анықтау жүргізетін тұлға) айдауылмен алып жүруге берілген өтінімге белгі қояды және оған өзі қол қойып бекітеді.»;
70-тармақ мынадай редакцияда жазылсын:
«70. Сыбайлас жемқорлыққа қарсы қызмет органының ғимаратында тергеу әрекеттері аяқталғаннан кейін айдауыл басшысы ұсталғандарды және күзетпен қамауға алынған адамдарды, арнаулы мекемелерге (УҰИ, ТИ) қайта айдауылдау үшін тергеушіден қабылдап алады.»;
71-тармақ алып тасталсын.