«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 574-бабына сәйкес БҰЙЫРАМЫН:

1. «Құжаттар нысандарын бекіту туралы» Қазақстан Республикасы Қаржы министрінің 2008 жылғы 30 желтоқсандағы № 633 бұйрығына (Нормативтік құқықтық актілерді мемлекеттік тіркеу тізілімінде № 5448-мен тіркелген, «Заң газеті» газетінде 2009 жылғы 10 сәуірдегі № 53 (1476) ресми жарияланған) мынадай өзгерістер мен толықтырулар енгізілсін:
7-қосымшада:
23) тармақтағы «бюджеттік» деген сөзден кейін «.» деген белгі «;» белгімен ауыстырылсын;
мынадай мазмұндағы 24)-27) тармақтармен толықтырылсын:
«24) ыдыстарда орналасқан: (меншік құқығындағы/жалдау шарты бойынша);
25) жалдау шартының нөмірі;
26) жалдау шартын жасау күні;
27) жалдау шартының қолданыс мерзімі.»;
ескерту:
бірінші абзацтағы «13» және «23» деген сандар «13)» және «27)» деген сандармен ауыстырылсын;
екінші абзацтағы «2),» деген сан алынып тасталсын;
үшінші абзац мынадай редакцияда жазылсын:
«Салық кодексінің 279-бабының 6) тармақшасында көрсетілген этил спиртін және алкоголь өнімін өндіру, алкоголь өнімін көтерме және (немесе) бөлшек саудада өткізу, темекі бұйымдарын өндіру және (немесе) көтерме саудада өткізу, акциздік тауарларды өндіру, жинау (құрамдау) бойынша тіркеу карточкасын берген кезде 8)-10), 14), 16)-21), 24) тармақтар толтырылмайды.».