О внесении изменений в постановление Правительства Республики Казахстан от 30 декабря 2011 года № 1718 "Об утверждении Правил оказания услуг связи"
Деректемелер және дереккөз
- Толық атауы
- О внесении изменений в постановление Правительства Республики Казахстан от 30 декабря 2011 года № 1718 "Об утверждении Правил оказания услуг связи"
- Атауы (қаз.)
- "Байланыс қызметтерін көрсету қағидаларын бекіту туралы" Қазақстан Республикасы Үкіметінің 2011 жылғы 30 желтоқсандағы № 1718 қаулысына өзгерістер енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 1388
- Қабылданған күні
- 31.10.2012
- Көрсетілген редакция
- 10.08.2015 AI68339_2.kaz
- Соңғы өзгеріс
- 10.08.2015
- Мәтін тілі
- қазақша
- НҚА мемлекеттік тіркеу нөмірі
- P1200001388
- ЭКБ идентификаторы
- 68339
- Редакция идентификаторы
- AI68339_2
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 01:02
0 "Байланыс қызметтерін көрсету қағидаларын бекіту туралы" Қазақстан Республикасы Үкіметінің 2011 жылғы 30 желтоқсандағы № 1718 қаулысына өзгерістер енгізу туралы
Қазақстан Республикасының Үкіметі ҚАУЛЫ ЕТЕДІ:
1 1. «Байланыс қызметтерін көрсету қағидаларын бекіту туралы» Қазақстан Республикасы Үкіметінің 2011 жылғы 30 желтоқсандағы № 1718 қаулысына (Қазақстан Республикасының ПҮАЖ-ы, 2012 ж., № 17, 279-құжат) мынадай өзгерістер енгізілсін:
1) көрсетілген қаулымен бекітілген Телефон байланысы қызметтерін көрсету қағидаларында:
3-тармақтың 15) және 16) тармақшалары мынадай редакцияда жазылсын:
«15) байланыс операторы – байланыс қызметтерін көрсететін жеке немесе заңды тұлға;
16) байланыс операторының әрекет ету аймағы – байланыс операторының телефон байланысы қызметтерін көрсету аумағы;»;
40-тармақтың 4) тармақшасы мынадай редакцияда жазылсын:
«4) байланыс операторына қалааралық және/немесе халықаралық телефон байланысы қызметтерін көрсетуге берілген лицензия деректемелері;»;
42-тармақтың екінші бөлігі мынадай редакцияда жазылсын:
«Өтініш тиісті аумақта байланыс қызметтерін көрсететін байланыс операторына беріледі.»;
2) көрсетілген қаулымен бекітілген Интернет желісіне қол жеткізу қызметтерін көрсету қағидаларында:
2-тармақтың 6) тармақшасы мынадай редакцияда жазылсын:
«6) Интернет желісіне қол жеткізу операторы – Интернет желісіне қол жеткізу қызметтерін көрсететін байланыс операторы;»;
9-тармақ мынадай редакцияда жазылсын:
«9. Интернет желісіне қол жеткізу операторы абоненттерге көрсететін байланыс қызметтерінің тізбесі оның телекоммуникация желісінің техникалық мүмкіндіктерімен айқындалады.»;
15-тармақтың 4) тармақшасы алынып тасталынсын;
19-тармақта:
9) тармақша мынадай редакцияда жазылсын:
«9) өз желісінің жұмысын осы Қағидаларға сәйкес қамтамасыз етеді;»;
20) тармақша алынып тасталынсын;
20-тармақтың 2) тармақшасы алынып тасталынсын.