О внесении изменения в приказ Министра по инвестициям и развитию Республики Казахстан от 30 апреля 2015 года № 544 «Об утверждении Правил технической эксплуатации железнодорожного транспорта»
Деректемелер және дереккөз
- Толық атауы
- О внесении изменения в приказ Министра по инвестициям и развитию Республики Казахстан от 30 апреля 2015 года № 544 «Об утверждении Правил технической эксплуатации железнодорожного транспорта»
- Атауы (қаз.)
- «Темiржол көлiгiн техникалық пайдалану қағидаларын бекіту туралы» Қазақстан Республикасы Инвестициялар және даму министрінің 2015 жылғы 30 сәуірдегі № 544 бұйрығына өзгерістер енгізу туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 323
- Қабылданған күні
- 01.10.2025
- Қолданысқа енгізілген күні
- 18.10.2025
- Көрсетілген редакция
- 01.10.2025 215144_779300.kaz
- Соңғы өзгеріс
- 01.10.2025
- Мәтін тілі
- қазақша
- НҚА мемлекеттік тіркеу нөмірі
- V2500037032
- ЭКБ идентификаторы
- 215144
- Редакция идентификаторы
- 215144_779300
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 01:49
0 «Темiржол көлiгiн техникалық пайдалану қағидаларын бекіту туралы» Қазақстан Республикасы Инвестициялар және даму министрінің
2015 жылғы 30 сәуірдегі № 544 бұйрығына өзгерістер енгізу туралы
БҰЙЫРАМЫН:
1 1. «Теміржол көлігін техникалық пайдалану қағидаларын бекіту туралы» Қазақстан Республикасы Инвестициялар және даму министрінің 2015 жылғы 30 сәуірдегі № 544 бұйрығына (Нормативтік құқықтық актілерін мемлекеттік тіркеу тізілімінде № 11897 болып тіркелген) мынадай өзгеріс енгізілсін:
көрсетілген бұйрықпен бекітілген Теміржол көлігін техникалық пайдалану қағидаларында:
27-тармақ мынадай редакцияда жазылсын:
«27. Пойыздарға теміржол жылжымалы құрамы қойылмайды:
тексеріліп, пайдаланылуға жарамды деп танылғанға дейін рельстен шыққан;
тасымалданатын жүктердің сақталуын қамтамасыз етпейтін, сондай-ақ олардың жүк көтергіштігінен тыс тиелген немесе тиеудің техникалық шарттарын бұза отырып тиелген вагондардың жай-күйі;
2025 жылғы 1 қазаннан кейін қызмет мерзімін ұзарту бойынша жұмыстар орындалған жүк вагондарын қоспағанда:
1) шаруашылық поездарға қосылатын және теміржол жолдарының құрылыстары мен құрылыстарын күтіп ұстау, оларға қызмет көрсету, жөндеу жөніндегі жұмыстарды жүргізуге арналған арнайы теміржол жылжымалы құрамы;
2) өрт сөндіру және қалпына келтіру поездарының вагондары;
3) тасымалдауға арналған вагон-цистерналар: фосфор шикізаты, Ұнтақ тәрізді жүктер, қышқылдар, балқытылған күкірт; меласса; шарап материалдары; гептил; амил; сірке қышқылы; улы химикаттар; алкилбензолсульфоқышқылдары; Меланж; сүт; поливинилхлорид; каплорактам; суперфосфор қышқылы; сульфанол; тамақ майы; көмірқышқыл газы;
4) думпкар вагондары;
5) тасымалдаушылар вагондары;
6) теміржол жылжымалы құрамын жаңғырту жолымен қызмет мерзімдерін ұзарту бойынша жұмыстар орындалған жүк вагондары;
7) автомобиль тасымалдаушы вагондары (тор).».
2 2. Қазақстан Республикасы Көлік министрлігінің Теміржол және су көлігі комитеті заңнамада белгіленген тәртіппен:
1 1) осы бұйрықты Қазақстан Республикасы Әділет министрлігінде мемлекеттік тіркелуін;
2 2) осы бұйрықты ресми жариялағаннан кейін оны Қазақстан Республикасы Көлік министрлігінің интернет-ресурсында орналастыруды қамтамасыз етсін.
3 3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін;
4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасы
Ұлттық экономика министрлігі
«КЕЛІСІЛДІ»
Қазақстан Республикасының
Ішкі істер министрі