О внесении изменений в приказ Министра сельского хозяйства Республики Казахстан от 30 апреля 2015 года № 7-1/394 «Об утверждении Правил ведения, представления ветеринарного учета и отчетности»
Деректемелер және дереккөз
- Толық атауы
- О внесении изменений в приказ Министра сельского хозяйства Республики Казахстан от 30 апреля 2015 года № 7-1/394 «Об утверждении Правил ведения, представления ветеринарного учета и отчетности»
- Атауы (қаз.)
- «Ветеринариялық есепке алу мен есептілікті жүргізу, ұсыну қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 30 сәуірдегі № 7-1/394 бұйрығына өзгерістер енгізу туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 456
- Қабылданған күні
- 24.12.2019
- Көрсетілген редакция
- 24.12.2019 137947_440652.kaz
- Соңғы өзгеріс
- 24.12.2019
- Мәтін тілі
- қазақша
- НҚА мемлекеттік тіркеу нөмірі
- V1900019836
- ЭКБ идентификаторы
- 137947
- Редакция идентификаторы
- 137947_440652
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 17:07
0 «Ветеринариялық есепке алу мен есептілікті жүргізу, ұсыну қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 30 сәуірдегі № 7-1/394 бұйрығына өзгерістер енгізу туралы
БҰЙЫРАМЫН:
1
1. «Ветеринариялық есепке алу мен есептілікті жүргізу, ұсыну қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 30 сәуірдегі № 7-1/394 бұйрығына (Нормативтік құқықтық актілерді мемлекеттік тіркеу тізілімінде № 11265 болып тіркелген, 2015 жылғы 16 маусымда «Әділет» ақпараттық-құқықтық жүйесінде жарияланған) мынадай өзгерістер енгізілсін:
көрсетілген бұйрықпен бекітілген Ветеринариялық есепке алу мен есептілікті жүргізу, ұсыну қағидаларында:
21-тармақ мынадай редакцияда жазылсын:
«21. ЖАО бөлiмшелерi есептiлiктiң мынадай түрлерiн ұсынады:
1) осы Қағидалардың 10-тармағының 1) тармақшасында көрсетiлген есеп;
2) осы Қағидалардың 18-тармағының 1) - 3) тармақшаларында көрсетiлген есептер;
3) ветеринариялық-санитариялық объектiлердi салу, лицензиялау мәселелері, ветеринария және ауыл шаруашылығы жануарларын бiрдейлендiру саласында қызмет көрсететін ветеринариялық дәрігерлер саны туралы есеп
(№ 7-вет нысан).»;
24-тармақ мынадай редакцияда жазылсын:
«24. Ведомствоның аумақтық бөлiмшелерi, оның ішінде ветеринариялық бақылау бекеттері есептiлiктiң мынадай түрлерiн ұсынады:
1) мемлекеттiк шекара арқылы алып өтілетін мемлекеттiк ветеринариялық-санитариялық бақылау және қадағалау бақылауындағы орны ауыстырылатын (тасымалданатын) объектiлердi қарап тексерiп туралы есеп (№ 11-вет нысан);
2) жануарларды, жануарлардан алынатын өнiмдер мен шикiзатты дайындауды (союды), сақтауды, қайта өңдеудi және өткiзудi жүзеге асыратын өндiрiс объектiлерiндегi жануарлардың, жануарлардан алынатын өнiмдер мен шикiзаттың мемлекеттiк ветеринариялық-санитариялық бақылау және қадағалау және ветеринариялық-санитариялық сараптау нәтижелерi туралы есеп (№ 12-вет нысан);
3) ветеринария саласындағы қызметтi жүзеге асыратын заңды және жеке тұлғалар мен жергiлiктi атқарушы органдар бөлiмшелерiнiң тексеруi, сондай-ақ ветеринария саласындағы заңнаманың бұзылуы анықталғандығы туралы есеп (№ 13-вет нысан).».