О внесении изменений в решение маслихата Зыряновского района от 30 ноября 2017 года № 23/6-VI «Об утверждении правил управления бесхозяйными отходами, признанными решением суда поступившими в коммунальную собственность Зыряновского района»
Деректемелер және дереккөз
- Толық атауы
- О внесении изменений в решение маслихата Зыряновского района от 30 ноября 2017 года № 23/6-VI «Об утверждении правил управления бесхозяйными отходами, признанными решением суда поступившими в коммунальную собственность Зыряновского района»
- Атауы (қаз.)
- Зырян ауданының мәслихатының 2017 жылғы 30 қарашадағы № 23/6-VI «Сот шешімімен Зырян ауданының коммуналдық меншігіне түскен болып танылған иесіз қалдықтарды басқару қағидаларын бекіту туралы» шешіміне өзгерістер енгізу туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 73/4-VI
- Қабылданған күні
- 27.11.2020
- Көрсетілген редакция
- 21.10.2021 149459_566168.kaz
- Соңғы өзгеріс
- 21.10.2021
- Мәтін тілі
- қазақша
- НҚА мемлекеттік тіркеу нөмірі
- V20VL007932
- ЭКБ идентификаторы
- 149459
- Редакция идентификаторы
- 149459_566168
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 11:31
0 Зырян ауданының мәслихатының 2017 жылғы 30 қарашадағы № 23/6-VI «Сот шешімімен Зырян ауданының коммуналдық меншігіне түскен болып танылған иесіз қалдықтарды басқару қағидаларын бекіту туралы» шешіміне өзгерістер енгізу туралы
Қазақстан Республикасы Президентінің 2018 жылғы 28 желтоқсандағы № 821 «Шығыс Қазақстан облысының Зырян ауданын және Зырян қаласын Шығыс Қазақстан облысының Алтай ауданы және Алтай қаласы деп қайта атау туралы» Жарлығының негізінде, Қазақстан Республикасының 2007 жылғы 9 қаңтардағы Экологиялық кодексінің 19-1- бабының 3) тармақшасына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін – өзі басқару туралы» Заңының 6- бабына сәйкес, Алтай ауданының мәслихаты ШЕШІМ ҚАБЫЛДАДЫ:
1
1. Зырян ауданының мәслихатының 2017 жылғы 30 қарашадағы № 23/6-VI «Сот шешімімен Зырян ауданының коммуналдық меншігіне түскен болып танылған иесіз қалдықтарды басқару қағидаларын бекіту туралы» (нормативтік құқықтық актілерді мемлекеттік тіркеу Тізілімінде № 5339 тіркелген, Қазақстан Республикасы нормативтік құқықтық актілерінің Эталондық бақылау банкінде электрондық түрде 2017 жылғы 21 желтоқсанда жарияланған) шешіміне мынадай өзгерістер енгізілсін:
шешімнің атауы келесі редакцияда жазылсын:
«Сот шешімімен Алтай ауданының коммуналдық меншігіне түскен болып танылған иесіз қалдықтарды басқару қағидаларын бекіту туралы»;
аталған шешіммен бекітілген, сот шешімімен коммуналдық меншікке түскен болып танылған иесіз қалдықтарды басқару қағидалары осы шешімнің қосымшасына сәйкес келесі редакцияда жазылсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі
2 Сот шешімімен Алтай ауданының коммуналдық меншігіне түскен болып танылған иесіз қалдықтарды басқару қағидалары
Алтай ауданының мәслихатының
2020 жылғы 27 қарашасы
№ 73/4-VI шешіміне
қосымша
Сот шешімімен Алтай ауданының коммуналдық меншігіне
түскен болып танылған иесіз қалдықтарды басқару
қағидалары
1
1. Осы сот шешімімен Алтай ауданының коммуналдық меншігіне түскен болып танылған иесіз қалдықтарды басқару қағидалары, Қазақстан Республикасының 2007 жылғы 9 қаңтардағы Экологиялық кодексіне сәйкес әзірленді және сот шешiмiмен Алтай ауданының коммуналдық меншiгіне түскен болып танылған иесiз қалдықтарды (бұдан әрі – қалдықтар) басқару тәртiбiн айқындайды.
2 2. Қалдықтарды коммуналдық меншікке беру сот шешімінің негізінде жүзеге асырылады.
3 3. Қалдықтарды басқару - бұл қалдықтарды бағалау, есепке алу, одан әрі пайдалану, сату, кәдеге жарату және жою бойынша қызмет.
4 4. Қалдықтарды басқару ауданның жергілікті атқарушы органымен жүзеге асырылады (бұдан әрі – жергілікті атқарушы орган).
5 5. Қалдықтарды басқару мақсатында жергілікті атқарушы орган мүдделі мемлекеттік органдардың өкілдерінен комиссия құрады (бұдан әрі - Комиссия).
Қалдықтарды басқару бойынша жұмыстарды ұйымдастыратын орган ретінде аудан әкімдігі коммуналдық мүлікті басқару саласында қызмет атқаруға уәкілеттілік берген, жергілікті бюджеттен қаржыландырылатын атқарушы орган белгіленеді.
6
6. Бағалау, есепке алу, одан әрі пайдалану және сату Қазақстан Республикасы Үкіметінің 2002 жылғы 26 шілдедегі № 833 «Жекелеген негіздер бойынша мемлекет меншiгiне айналдырылған (түскен) мүлiктi есепке алудың, сақтаудың, бағалаудың және одан әрi пайдаланудың кейбiр мәселелерi» қаулысына сәйкес жүзеге асырылады.