"Табиғи монополиялар және реттелетін нарықтар туралы" Қазақстан Республикасы Заңының 18-1-бабына , Қазақстан Республикасы Үкіметінің 2007 жылғы 12 қазандағы N 943 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 21-тармағының 6) тармақшасына сәйкес БҰЙЫРАМЫН:

1. "Табиғи монополия субъектісінің мәмілелер жасау жөнінде өтініштер беру және оны қарау ережесін бекіту туралы" Қазақстан Республикасы Табиғи монополияларды реттеу агенттігі төрағасының 2005 жылғы 4 наурыздағы N 71-НҚ бұйрығына (Нормативтік құқықтық актілерді тіркеу тізілімінде N 3515 нөмірімен тіркелген, "Ресми газетте" 2005 жылғы 30 сәуірде N 18 нөмірінде жарияланған), (Нормативтік құқықтық актілерді мемлекеттік тіркеу тізілімінде N 4786 нөмірімен тіркелген, "Заң газетінің" 2007 жылғы 27 шілдедегі N 114 нөмірінде жарияланған) "Табиғи монополия субъектісінің мәмілелер жасау жөнінде өтініштер беру және оны қарау ережесін бекіту туралы" Қазақстан Республикасы Табиғи монополияларды реттеу агенттігі төрағасының 2005 жылғы 4 наурыздағы N 71-НҚ бұйрығына өзгерістер мен толықтырулар енгізу туралы" Қазақстан Республикасы Табиғи монополияларды реттеу агенттігі төрағасының 2007 жылғы 18 маусымдағы 167-НҚ, (Нормативтік құқықтық актілерді мемлекеттік тіркеу тізілімінде N 5557 нөмірімен тіркелген, Қазақстан Республикасының нормативтік құқықтық актілер Бюллетенінде 2009 жылғы наурызда N 3 жарияланған) "Табиғи монополиялар салаларында және реттелетін нарықтардағы басшылықты жүзеге асыратын уәкілетті органның кейбір бұйрықтарына өзгерістер мен толықтырулар енгізу туралы" Қазақстан Республикасы Табиғи монополияларды реттеу агенттігі төрағасының 2009 жылғы 5 ақпандағы N 30-НҚ бұйрықтарымен енгізілген өзгерістермен және толықтырулармен мынадай өзгерістер мен толықтыру енгізілсін:
көрсетілген бұйрықпен бекітілген Табиғи монополия субъектісінің мәмілелер жасау жөнінде өтініштер беру және оны қарау ережесінде:
4-тармақтың 1) және 4) тармақшалары мынадай редакцияда жазылсын:
"1) мүлікпен мәмілелер келісуді көздейтін Субъектінің мүлкі (бұдан әрі - Субъектінің мүлкі) – ақшаны, оның ішінде шетелдік валютаны қоспағанда, Субъектінің иесіндегі жылжитын және жылжымайтын мүлік;
4) Субъектінің мүлкімен мәмілелер – Қазақстан Республикасы Азаматтық кодексінің 193-1-бабына сәйкес стратегиялық объект болып табылатын мүлікпен мәмілені қоспағанда, Субъектінің мүлкіне құқықтар мен міндеттерді белгілеуге, өзгертуге немесе тоқтатуға бағытталған іс-әрекеттер.";
5-тармақтың 3) тармақшасы мынадай редакцияда жазылсын:
"3) өзінің тұтынуы үшін емес субъектінің оған тасымалданатын мұнайды, мұнай өнімдерін, газды, газ конденсатын немесе берілетін электр және жылу энергиясын сатып алуы;
6-тармақтағы "тауарларды (жұмыстарды, қызметтерді), оларға тасымалданатын немесе берілетін" деген сөздер "оған тасымалданатын мұнайды, мұнай өнімдерін, газды, газ конденсатын немесе берілетін электр және жылу энергиясын," деген сөздермен ауыстырылсын;
23-тармақ 5) тармақшасы "мүлікті" деген сөздің алдынан "тендер нысанында өткізілетін сауда-саттықта Субъектінің мүлікін иеліктен айыру жағдайларын қоспағанда," деген сөздермен толықтырылсын;
4-тараудың атауындағы және 25-тармақтың бірінші абзацындағы "тасымалданатын немесе берілетін тауарларды (жұмыстарды, қызметтерді ) деген сөздер "оларға тасымалданатын мұнайды, мұнай өнімдерін, газды, газ конденсатын немесе берілетін электр және жылу энергиясын" деген сөздермен ауыстырылсын;
25-тармақтың 2), 5) тармақшалары мынадай редакцияда жазылсын:
"2) мәміленің мәні болып табылатын Субъект тасымалдайтын мұнайды, мұнай өнімдерін, газды, газ конденсатын немесе ол беретін электр және жылу энергиясын сатып алу қажеттігінің негіздемесі;";
"5) Субъект тасымалдайтын, сатып алатын мұнайдын, мұнай өнімдерінің, газдың, газ конденсатының немесе ол беретін электр және жылу энергиясының тізімі;".