О внесении дополнения в приказ Министра финансов Республики Казахстан от 4 декабря 2014 года № 540 «Об утверждении Правил исполнения бюджета и его кассового обслуживания»
Деректемелер және дереккөз
- Толық атауы
- О внесении дополнения в приказ Министра финансов Республики Казахстан от 4 декабря 2014 года № 540 «Об утверждении Правил исполнения бюджета и его кассового обслуживания»
- Атауы (қаз.)
- «Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Қаржы министрінің 2014 жылғы 4 желтоқсандағы № 540 бұйрығына толықтыру енгізу туралы
- Акт түрі
- Бұйрық
- Заңдық күші
- Мәртебесі расталмаған
- Тізілімдегі мәртебе коды
- vexp
- Нөмірі
- 895
- Қабылданған күні
- 19.08.2019
- Көрсетілген редакция
- 31.12.2019 134217_686664.kaz
- Соңғы өзгеріс
- 31.12.2019
- Мәтін тілі
- қазақша
- НҚА мемлекеттік тіркеу нөмірі
- V1900019266
- ЭКБ идентификаторы
- 134217
- Редакция идентификаторы
- 134217_686664
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 18:46
0 «Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Қаржы министрінің 2014 жылғы 4 желтоқсандағы № 540 бұйрығына толықтыру енгізу туралы
2008 жылғы 4 желтоқсандағы Қазақстан Республикасы Бюджет кодексінің 82-бабы 8-тармағына сәйкес БҰЙЫРАМЫН:
1. «Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Қаржы министрінің 2014 жылғы 4 желтоқсандағы № 540 бұйрығына (Нормативтік құқықтық актілерді мемлекеттік тіркеу тізілімінде № 9934 болып тіркелген) мынадай толықтыру енгізілсін:
көрсетілген бұйрықпен бекітілген Бюджеттің атқарылуы және оған кассалық қызмет көрсету ережесі:
мынадай мазмұндағы 187-3-тармақпен толықтырылсын:
«187-3. Мемлекеттік мекеменің берешекті өтеуге шарт жасасу жолымен мемлекеттік мекеменің есептілігінде оларды көрсеткен жағдайда ағымдағы қаржы жылында қосымша бөлінген қаражат есебінен жол қозғалысы және оның қауіпсіздігін қамтамасыз ету саласында халыққа көрсетілген мемлекеттік қызмет үшін ағымдағы қаржы жылының берешегін төлеуіне жол беріледі.
Ол үшін мемлекеттік мекеме аумақтық қазынашылық бөлімшесіне берешекті өтеуге шарт пен берешек өтелетін айдың 1-не берешектің бар екенін және сомасын растайтын салыстырып тексеру актісінің түпнұсқасы мен көшірмелерін («Қазынашылық-клиент» АЖ бойынша қызмет көрсету кезінде түпнұсқадан сканерленген түрін) қоса бере отырып (тіркей отырып) берешек сомасына азаматтық-құқықтық мәмілені тіркеуге өтінім ұсынады. Салыстырып тексеру актісіне мемлекеттік мекеме мен өнім берушінің басшылары қол қоюы тиіс.
Сондай-ақ жол қозғалысы және оның қауіпсіздігін қамтамасыз ету саласында халыққа көрсетілген мемлекеттік қызметтер бойынша берешектің қалыптасу себебін көрсете отырып, түсіндірме жазба қоса беріледі.
Жол қозғалысы және оның қауіпсіздігін қамтамасыз ету саласында халыққа көрсетілген мемлекеттік қызметтер бойынша берешектің өтелуі берешек пайда болған ерекшелік бойынша жүргізіледі.».
2. Қазақстан Республикасы Қаржы министрлiгiнiң Бюджет заңнамасы департаменті (Ерназарова З.А.) заңнамада белгіленген тәртіппен:
1) осы бұйрықтың Қазақстан Республикасы Әділет министрлiгiнде мемлекеттiк тiркелуін;
2) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынылуын қамтамасыз етсін.
3. Осы бұйрық мемлекеттік тіркелген күнінен бастап қолданысқа енгізіледі, 2019 жылдың 31 желтоқсанына дейін әрекет етеді және ресми жариялануға жатады.
«КЕЛІСІЛДІ»
Қазақстан Республикасы
Ұлттық экономика министрлігі