О внесении изменений в приказ Председателя Комитета национальной безопасности Республики Казахстан от 4 июня 2024 года № 75/қе «Об утверждении Правил отчисления сотрудников и военнослужащих органов национальной безопасности Республики Казахстан из военных, специальных учебных заведений или организаций образования иностранных государств»
Деректемелер және дереккөз
- Толық атауы
- О внесении изменений в приказ Председателя Комитета национальной безопасности Республики Казахстан от 4 июня 2024 года № 75/қе «Об утверждении Правил отчисления сотрудников и военнослужащих органов национальной безопасности Республики Казахстан из военных, специальных учебных заведений или организаций образования иностранных государств»
- Атауы (қаз.)
- «Қазақстан Республикасы ұлттық қауіпсіздік органдарының қызметкерлері мен әскери қызметшілерін әскери, арнаулы оқу орындарынан немесе шет мемлекеттердің білім беру ұйымдарынан шығарып жіберу қағидаларын бекіту туралы» Қазақстан Республикасы Ұлттық қауіпсіздік комитеті Төрағасының 2024 жылғы 4 маусымдағы № 75/қе бұйрығына өзгерістер енгізу туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 70/қе
- Қабылданған күні
- 23.07.2026
- Қолданысқа енгізілген күні
- 07.08.2026
- Көрсетілген редакция
- 23.07.2026 228053_837244.kaz
- Соңғы өзгеріс
- 23.07.2026
- Мәтін тілі
- қазақша
- НҚА мемлекеттік тіркеу нөмірі
- V2600039380
- ЭКБ идентификаторы
- 228053
- Редакция идентификаторы
- 228053_837244
- Бастапқы дереккөз
- ЭКБ zan.gov.kz (API)
- Деректер жаңартылды
- 19.09.2026 03:45
0
«Қазақстан Республикасы ұлттық қауіпсіздік органдарының қызметкерлері мен әскери қызметшілерін әскери, арнаулы оқу орындарынан немесе шет мемлекеттердің білім беру ұйымдарынан шығарып жіберу қағидаларын бекіту туралы» Қазақстан Республикасы Ұлттық қауіпсіздік комитеті Төрағасының 2024 жылғы 4 маусымдағы
№ 75/қе бұйрығына өзгерістер енгізу туралы
БҰЙЫРАМЫН:
1. «Қазақстан Республикасы ұлттық қауіпсіздік органдарының қызметкерлері мен әскери қызметшілерін әскери, арнаулы оқу орындарынан немесе шет мемлекеттердің білім беру ұйымдарынан шығарып жіберу қағидаларын бекіту туралы» Қазақстан Республикасы Ұлттық қауіпсіздік комитеті Төрағасының 2024 жылғы 4 маусымдағы № 75/қе бұйрығына (Қазақстан Республикасының нормативтік құқықтық актілерін мемлекеттік тіркеу тізілімінде № 34454 болып тіркелген) мынадай өзгерістер енгізілсін:
көрсетілген бұйрықпен бекітілген Қазақстан Республикасы ұлттық қауіпсіздік органдарының қызметкерлері мен әскери қызметшілерін әскери, арнаулы оқу орындарынан немесе шет мемлекеттердің білім беру ұйымдарынан шығарып жіберу қағидаларында:
2-тармақ мынадай редакцияда жазылсын:
«2. Қазақстан Республикасының Ұлттық қауіпсіздік комитеті (бұдан әрі – ҰҚК), білім алушы және шет мемлекеттердің білім беру ұйымдары арасында жасалған халықаралық шарттарда (келісімшарттарға) көзделген тәртіпте білім алушы шет мемлекеттердің білім беру ұйымынан шығарып жіберілген жағдайда кадр бөлімшесі:
курсанттар (тыңдаушылар) үшін – шығару және жеке құрам тізімінен алып тастау туралы бұйрық дайындайды;
магистранттар, докторанттар мен адъюнкттер үшін – органның тиісті кадр бөлімшесіне лауазымынан босату және ол жіберілген бөлімше бастығының қарамағына қабылдау туралы ұсыну жібереді.
Білім алушыны шет мемлекеттердің білім беру ұйымынан шығарып жіберу туралы бұйрық шығарылғаннан кейін кадр бөлімшесі «Қазақстан Республикасының ұлттық қауіпсіздік органдарының қызметкерлері мен әскери қызметшілерінің әскери, арнаулы оқу орындарында немесе шет мемлекеттердің білім беру ұйымдарында оқытуға жұмсалған бюджет қаражатын мемлекетке өтеу қағидаларын бекіту туралы» ҰҚК Төрағасының 2017 жылғы 27 қыркүйектегі № 85 қе бұйрығында (Нормативтік құқықтық актілерді мемлекеттік тіркеу тізілімінде № 15917 болып тіркелген) (бұдан әрі – № 85 қе бұйрық) көзделген тәртіппен оқытуға жұмсалған нақты шығындардың жиынтық есебін дайындайды.»;
15-тармақ мынадай редакцияда жазылсын:
«15. ӘАОО кадр бөлімшесі екі жұмыс күні ішінде:
курсанттар (тыңдаушылар) үшін – шығару және жеке құрам тізімінен алып тастау туралы бұйрық шығарады;
магистранттар, докторанттар мен адъюнкттер үшін – органның тиісті кадр бөлімшесіне лауазымынан босату және ол жіберілген бөлімше бастығының қарамағына қабылдау туралы ұсыну жібереді.
Білім алушылардың жеке істері ӘАОО кадр бөлімшелерінде білім алушы ӘАОО-дан шығарылған сәттен бастап бір жыл бойы сақталады.»;
21 және 22-тармақтар мынадай редакцияда жазылсын:
«21. ӘАОО кадр бөлімшесі екі жұмыс күні ішінде:
курсанттар (тыңдаушылар) үшін – шығару және жеке құрам тізімінен алып тастау туралы бұйрық шығарады;
магистранттар, докторанттар мен адъюнкттер үшін – органның тиісті кадр бөлімшесіне лауазымынан босату және ол жіберілген бөлімше бастығының қарамағына қабылдау туралы ұсыну жібереді.
Білім алушылардың жеке істері ӘАОО кадр бөлімшелерінде білім алушы ӘАОО-дан шығарылған сәттен бастап бір жыл бойы сақталады.
22. ӘАОО-дан шығарылған магистранттар, докторанттар мен адъюнкттер осы тарауда көзделген негіз бойынша олар жіберілген бөлімшелерге қайтарылады.».