О внесении дополнений в постановление акимата от 5 марта 2014 года № 418 "Об утверждении Положения о государственном учреждении (государственном органе) "Аппарат акима города Рудного"
Деректемелер және дереккөз
- Толық атауы
- О внесении дополнений в постановление акимата от 5 марта 2014 года № 418 "Об утверждении Положения о государственном учреждении (государственном органе) "Аппарат акима города Рудного"
- Атауы (қаз.)
- Әкімдіктің 2014 жылғы 5 наурыздағы № 418 "Рудный қаласы әкімінің аппараты" мемлекеттік мекемесі (мемлекеттік органы) туралы Ережені бекіту туралы" қаулысына толықтырулар енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 54
- Қабылданған күні
- 16.01.2015
- Көрсетілген редакция
- 16.05.2016 86317_118283.kaz
- Соңғы өзгеріс
- 16.05.2016
- Мәтін тілі
- қазақша
- НҚА мемлекеттік тіркеу нөмірі
- V15NB005341
- ЭКБ идентификаторы
- 86317
- Редакция идентификаторы
- 86317_118283
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 17:01
0 «Әкімдіктің 2014 жылғы 5 наурыздағы № 418 «Рудный қаласы әкімінің аппараты» мемлекеттік мекемесі (мемлекеттік органы) туралы Ережені бекіту туралы» қаулысына толықтырулар енгізу туралы»
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабына, Қазақстан Республикасының 2014 жылғы 29 қыркүйектегі «Қазақстан Республикасының кейбір заңнамалық актілеріне мемлекеттік басқару деңгейлері арасындағы өкілеттіктердің аражігін ажырату мәселелері бойынша өзгерістер мен толықтырулар енгізу туралы» Заңына және Қазақстан Республикасы Президентінің 2014 жылғы 25 тамыздағы № 898 «Қазақстан Республикасының мемлекеттік басқару деңгейлері арасында өкілеттіктердің аражігін ажырату жөніндегі шаралар туралы» Жарлығына сәйкес, Рудный қаласының әкімдігі ҚАУЛЫ ЕТЕДІ:
1
1. Рудный қаласы әкімдігінің 2014 жылғы 5 наурыздағы № 418 «Рудный қаласы әкімінің аппараты» мемлекеттік мекемесі (мемлекеттік органы) туралы Ережені бекіту туралы» қаулысына (Нормативтік құқықтық актілерді мемлекеттік тіркеу тізілімінде № 4575 болып тіркелген, 2014 жылғы 25 сәуірдегі «Рудненский рабочий» газетінде жарияланған) мынадай толықтырулар енгізілсін:
көрсетілген қаулымен бекітілген «Рудный қаласы әкімінің аппараты» мемлекеттік мекемесі (мемлекеттік органы) туралы ережеде:
16-тармақ мынадай мазмұндағы 24-1), 24-2) тармақшалармен толықтырылсын:
«24-1) Қазақстан Республикасының заңнамасында белгіленген тәртіппен азаматтық хал актілерін тіркеуді жүзеге асырады және тіркеу туралы мәліметтерді Жеке тұлғалар туралы мемлекеттік дерекқорға енгізеді;
24-2) туу туралы куәліктерді беру кезінде жеке сәйкестендіру нөмірлерін қалыптастыру;»;
3-тарау мынадай мазмұндағы 21-1-тармағымен толықтырылсын:
«21-1. Рудный қаласы әкімінің аппаратын Қазақстан Республикасының қолданыстағы заңнамасына сәйкес қызметке тағайындалатын және қызметтен босатылатын Рудный қаласы әкімінің аппаратын басшысы басқарады.».