О внесении дополнений в постановление акимата Созакского района от 8 января 2015 года №33 «Об утверждении Положения о государственном учреждении «Аппарат акима Созакского района»
Деректемелер және дереккөз
- Толық атауы
- О внесении дополнений в постановление акимата Созакского района от 8 января 2015 года №33 «Об утверждении Положения о государственном учреждении «Аппарат акима Созакского района»
- Атауы (қаз.)
- «Созақ ауданы әкімі аппараты» мемлекеттік мекемесі туралы ережені бекіту туралы» Созақ ауданы әкімдігінің 2015 жылғы 8 қаңтардағы №33 қаулысына толықтырулар енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 125
- Қабылданған күні
- 15.03.2016
- Көрсетілген редакция
- 26.05.2016 101007_87684.kaz
- Соңғы өзгеріс
- 26.05.2016
- Мәтін тілі
- қазақша
- НҚА мемлекеттік тіркеу нөмірі
- V16UL003671
- ЭКБ идентификаторы
- 101007
- Редакция идентификаторы
- 101007_87684
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 10:03
0 «Созақ ауданы әкімі аппараты»
мемлекеттік мекемесі туралы
ережені бекіту туралы» Созақ
ауданы әкімдігінің 2015 жылғы
8 қаңтардағы №33 қаулысына
толықтырулар енгізу туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына, «Қазақстан Республикасының кейбір заңнамалық актілеріне Қазақстан Республикасындағы жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы» Қазақстан Республикасының 2015 жылғы 2 қарашадағы Заңына және «Қазақстан Республикасы мемлекеттік органының үлгі ережесін бекіту туралы» Қазақстан Республикасы Президентінің 2012 жылғы 29 қазандағы Жарлығына сәйкес, Созақ ауданының әкімдігі ҚАУЛЫ ЕТЕДІ:
1
1. Созақ ауданы әкімдігінің 2015 жылғы 8 қаңтардағы №33 «Созақ ауданы әкімі аппараты» мемлекеттік мекемесі туралы ережені бекіту туралы» қаулысына (Нормативтік құқықтық актілерді мемлекеттік тіркеу тізілімінде №3003 тіркелген, 2015 жылғы 29 сәуірдегі «Созақ үні» газетінде жарияланған) мынадай толықтырулар енгізілсін:
көрсетілген қаулының қосымшасына сәйкес бекітілген «Созақ ауданы әкімі аппараты» мемлекеттік мекемесі туралы ережеде:
16 тармақ мынадай мазмұндағы 49-1), 49-2), 49-3) тармақшаларымен толықтырылсын:
«49-1) жергілікті өзін-өзі басқарудың аумақтық кеңестерін құру бойынша ұйымдастыру жұмысын жүргізеді және жергілікті өзін-өзі басқарудың аумақтық кеңестері туралы ережелерді әзірлейді;
49-2) аудан әкімдігі «Қоғамдық кеңестер туралы» Қазақстан Республикасының Заңына сәйкес құрылатын қоғамдық кеңестің отырысында аудандық бюджетінің жобасын талқылауды жүргізеді;
49-3) аудан әкімдігі «Қоғамдық кеңестер туралы» Қазақстан Республикасының Заңына сәйкес құрылатын қоғамдық кеңестің отырысында аудандық бюджетінің атқарылуы туралы жылдық есепті талқылауды жүргізеді.».