О внесении изменений в постановление акимата города Алматы от 9 сентября 2015 года № 3/539 «Об утверждении регламентов государственных услуг в сфере социальной защиты, предоставляемых в городе Алматы»
Деректемелер және дереккөз
- Толық атауы
- О внесении изменений в постановление акимата города Алматы от 9 сентября 2015 года № 3/539 «Об утверждении регламентов государственных услуг в сфере социальной защиты, предоставляемых в городе Алматы»
- Атауы (қаз.)
- Алматы қаласы әкімдігінің «Алматы қаласында көрсетілетін әлеуметтік қорғау саласындағы мемлекеттік көрсетілетін қызметтердің регламенттерін бекіту туралы» 2015 жылғы 9 қыркүйектегі № 3/539 қаулысына өзгерістер енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 4/588
- Қабылданған күні
- 23.10.2019
- Көрсетілген редакция
- 20.10.2020 135592_491119.kaz
- Соңғы өзгеріс
- 20.10.2020
- Мәтін тілі
- қазақша
- НҚА мемлекеттік тіркеу нөмірі
- V19R0001593
- ЭКБ идентификаторы
- 135592
- Редакция идентификаторы
- 135592_491119
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 18:08
0 Алматы қаласы әкімдігінің «Алматы қаласында көрсетілетін әлеуметтік қорғау саласындағы мемлекеттік көрсетілетін қызметтердің регламенттерін бекіту туралы» 2015 жылғы
9 қыркүйектегі № 3/539 қаулысына өзгерістер енгізу туралы
Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» және 2016 жылғы 6 сәуірдегі «Құқықтық актілер туралы» заңдарына сәйкес, Алматы қаласының әкімдігі ҚАУЛЫ ЕТЕДІ:
1
1. Алматы қаласы әкімдігінің «Алматы қаласында көрсетілетін әлеуметтік қорғау саласындағы мемлекеттік көрсетілетін қызметтердің регламенттерін бекіту туралы» 2015 жылғы 9 қыркүйектегі № 3/539 (Нормативтік құқықтық актілерді мемлекеттік тіркеу тізілімінде № 1207 болып тіркелген, 2015 жылғы 20 қазанда «Алматы ақшамы» және «Вечерний Алматы» газеттерінде жарияланған) қаулысына келесі өзгерістер енгізілсін:
аталған қаулымен бекітілген «Мемлекеттік атаулы әлеуметтік көмек тағайындау» мемлекеттік көрсетілетін қызмет регламентіндегі:
4 тармақ келесі редакцияда мазмұндалсын:
«4. Көрсетілетін қызметті берушінің Стандарттың 9 тармағында көзделген өтінішті алуы мемлекеттік қызметті көрсету бойынша рәсімді (іс-әрекетті) бастауға негіз болып табылады.»;
5 тармақтың 1 тармақшасы келесі редакцияда мазмұндалсын:
«1) Орталықтың маманы 45 (қырық бес) минут ішінде Стандарттың 1 қосымшасына сәйкес нысан бойынша өтініштерді тіркейді, «электрондық үкімет» шлюзі арқылы тиісті ақпараттық жүйелерге (бұдан әрі - АЖ) сұрау салуларды қалыптастырады, қағаз жеткізгіште құжаттар топтамасын немесе өтініш берушінің электронды құжаттар топтамасын қалыптастырады және оны өзінің қолтаңбасымен немесе электронды цифрлық қолтаңбасымен (бұдан әрі – ЭЦҚ) куәландырады және Орталық басшысына бұрыштама қою үшін береді.
АЖ-де мәліметтер болмаған жағдайда Орталық тиісті мемлекеттік органға жазбаша сұрау салуды ресімдейді, сұрау салу жүзеге асырылған күннен бастап 2 (екі) жұмыс күні ішінде өтініш иесін осы туралы жазбаша хабардар ете отырып, құжаттар топтамасын қалыптастыру мерзімі күнтізбелік 30 (отыз) күнге дейін ұзартылады;»;
6 тармақтың 1 тармақшасы келесі редакцияда мазмұндалсын:
«1) өтінішті тіркеу, сұрау салуды, құжаттар топтамасын қалыптастыру және Орталық басшысына қарауға жіберу;»;
8 тармақтың 1 тармақшасы келесі редакцияда мазмұндалсын:
«1) Орталықтың маманы 45 (қырық бес) минут ішінде Стандарттың 1 қосымшасына сәйкес нысан бойынша өтініштерді тіркейді, «электрондық үкімет» шлюзі арқылы тиісті АЖ-ға сұрау салуларды қалыптастырады, қағаз жеткізгіште құжаттар топтамасын немесе өтініш берушінің электронды құжаттар топтамасын қалыптастырады және оны өзінің қолтаңбасымен немесе ЭЦҚ-мен куәландырады және Орталық басшысына бұрыштама қою үшін береді.
АЖ-де мәліметтер болмаған жағдайда Орталық тиісті мемлекеттік органға жазбаша сұрау салуды ресімдейді, сұрау салу жүзеге асырылған күннен бастап 2 (екі) жұмыс күні ішінде өтініш иесін осы туралы жазбаша хабардар ете отырып, құжаттар топтамасын қалыптастыру мерзімі күнтізбелік 30 (отыз) күнге дейін ұзартылады;».