Об утверждении Положения о порядке проведения конкурса на замещение вакантной должности государственной службы
Деректемелер және дереккөз
- Толық атауы
- Об утверждении Положения о порядке проведения конкурса на замещение вакантной должности государственной службы
- Атауы (қаз.)
- Мемлекеттiк қызметтегi бос лауазымға орналастыру конкурсын өткiзу тәртiбi туралы Ереженi бекiту туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 6-214а
- Қабылданған күні
- 24.06.1998
- Көрсетілген редакция
- 24.06.1998 1008_242141.kaz
- Соңғы өзгеріс
- 24.06.1998
- Мәтін тілі
- қазақша
- НҚА мемлекеттік тіркеу нөмірі
- V98D000026_
- ЭКБ идентификаторы
- 1008
- Редакция идентификаторы
- 1008_242141
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 01:40
0 Мемлекеттiк қызметтегi бос лауазымға орналастыру конкурсын өткiзу тәртiбi туралы Ереженi бекiту туралы
📌 Ескерту. Күші жойылды - Алматы облысы әкімінің 29.09.2004 № 9-96 шешімімен.
Қазақстан Республикасы Президентiнiң Заң күшi бар "Мемлекеттiк қызмет туралы" Жарлығын және Қазақстан Республикасы Үкiметiнiң 1996 жылғы мамырдың 27-гi "Мемлекеттiк қызметтегi бос лауазымға орналастыру конкурсын өткiзу тәртiбi туралы Ережесiн бекiту туралы" Қаулысын орындау барысында облыс әкiмi шешім қабылдады:
1. Облыс әкiмi аппаратының мемлекеттiк қызметтегi бос лауазымға орналастыру конкурсын өткiзу тәртiбi туралы Ереже бекiтiлсiн (N 1 Қосымша).
2. Мемлекеттiк қызметтегi бос лауазымға орналастыру конкурсын өткiзу жөнiндегi комиссия бекiтiлсiн.
3. Облыс әкiмiнiң 1996 жылғы қазанның 28-гi "Мемлекеттiк қызметтегi бос лауазымға орналастыру конкурсының комиссиясы туралы" шешiмi күшiн жойған болып есептелсiн.
4. Осы шешiмнiң орындалуын бақылау жасау облыс әкiмiнiң аппарат басшысы С.Т. Жүсiповаға жүктелсiн.
5 Облыс әкiмiнiң
1998 ж. 25 маусымдағы
N 6-214а шешiмiне
N 1 қосымша
Мемлекеттiк қызметтегi бос лауазымға
орналастыру конкурсын өткiзудiң тәртiбi туралы
ЕРЕЖЕ
Осы Ереже мемлекеттiк қызметтегi бос лауазымға орналастыру конкурсын өткiзудiң тәртiбiн белгiлейдi.
Конкурс:
- азаматтардың мемлекеттiк қызметке бiрдей қол жеткiзу құқығын қамтамасыз етедi;
- мемлекеттiк қызмет лауазымдарының үшiншiден бастап жетiншiге дейiнгi санаттардағы бос лауазымға орналасу үшiн өткiзiледi.
Конкурс өткiзу тәртiбi
1. Лауазымға орналасу конкурсын жариялау туралы шешiмдi облыс әкiмi қабылдайды.
2. Конкурс:
- жарияланған сәттен бастап бiр айдан аспайтын мерзiм iшiнде оған қатысуға өтiнiш берген азаматтар арасында;
- құжаттар конкурсы нысанында өткiзiледi.
3. Конкурс қатысушылар арасында мемлекеттiк қызметшiлерге қойылатын талаптарға неғұрлым сай келетiн адамдарды анықтау үшiн өткiзiледi.
4. Мемлекеттiк қызметшiлер конкурс өткiзiлетiн сәтте өздерiнiң қандай
лауазым атқаратындарына қарамастан оған қатысуға хақылы.
5. Конкурсты өткiзу күнi мен орны, өтiнiш беру тәртiбi мен мерзiмi
туралы ақпарат бұқаралық ақпарат құралдарында жарияланады.
6. Конкурсқа қатысушылар мынадай талаптарға сай болуға тиiс:
- Қазақстан Республикасының азаматы болуға;
- жасы он сегiз жастан кем болмауға;
- бiлiктiлiк талаптарына сай келетiн қажеттi бiлiмi мен
кәсiптiк даярлығының деңгейi болуы тиiс.
7. Конкурсқа қатысқысы келетiндер облыс әкiмiнiң атына келесi
құжаттарды бередi:
- өтiнiш;
- кадрлар есебi жөнiндегi жеке iс парағы;
- өмiрбаяны;
- бiлiмi, ғылыми атағы туралы құжаттардың және ғылыми атақ тағайындау жөнiндегi аттестаттың көшiрмелерi.
8. Конкурсқа түскен құжаттарды облыс әкiмi алдын ала қарайды және тиiстi қорытындыны конкурстық комиссияға жiберiледi.
9. Конкурстық комиссия конкурсқа қатысушыларды бiлiмi туралы, мемлекеттiк қызметтегi немесе өзге еңбек жолын өткеруi туралы құжаттардың негiзiнде бағалайды.
10. Конкурсқа қатысушы адамдар конкурстық комиссияның мәжiлiсiне қатыса алады.
11. Конкурстық комиссияның шешiмi тиiстi мемлекеттiк лауазымға ұсынылған азаматпен контракт жасауға немесе осындай контракт жасаудан бас тартуға негiз болып табылады.
12. Дауыс беруге комиссияның жалпы құрамының кемiнде 2/3 мүшесi қатысса, конкурсты өткiзуде конкурстық комиссияның шешiмi заңды болып табылады. Конкурстық комиссияның қатысушы мүшелерiнiң көпшiлiк дауысын алған кандидат конкурстан өткен болып саналады.
Егер екi немесе одан да көп кандидат қатысқан конкурсты өткiзгенде дауыстар теңдей бөлiнсе, конкурстық комиссия төрағасының дауысы шешушi болып табылады.
Конкурс өткiзiлмей қалған жағдайда облыс әкiмi бос лауазымға орналастыру туралы шешiмдi өз бетiнше қабылдайды.
13. Конкурстық комиссияның шешiмi, егер ол осы Ереженiң талаптарын сақтай отырып қабылданған болса, түпкiлiктi болып табылады. Комиссияның шешiмi заңда белгiленген тәртiппен жойылуы мүмкiн.
14. Конкурсқа қатысушылардың әрқайсысына конкурстың нәтижелерi туралы хабарланады.
20 Облыс әкімінің
1998 ж. маусым «25»
№ 6-214 шешіміне
№ 2 қосымша
Мемлекеттік қызметтегі бос лаауазымға орналастыру конкурсын өткізу КОМИССИЯСЫ
1. Жүсіпова С.Т. – аппарат басшысы, комиссия төрағасы
Комиссия мүшелері:
2. Әлімғазиева А.С. – ұйымдастыру-кадрмен жұмыс бөлімі кадрмен жқмыс секторының меңгерушісі, комиссия хатшысы
Комиссия мүшелері: