О порядке пользования сотовой связью государственными органами Республики Казахстан
Деректемелер және дереккөз
- Толық атауы
- О порядке пользования сотовой связью государственными органами Республики Казахстан
- Атауы (қаз.)
- Қазақстан Республикасы мемлекеттiк органдарының ұялы байланысты пайдалануының тәртiбi туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 757
- Қабылданған күні
- 09.08.1998
- Көрсетілген редакция
- 23.02.1999 AI1028_2.kaz
- Соңғы өзгеріс
- 23.02.1999
- Мәтін тілі
- қазақша
- НҚА мемлекеттік тіркеу нөмірі
- P980000757_
- ЭКБ идентификаторы
- 1028
- Редакция идентификаторы
- AI1028_2
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 01:35
0 Қазақстан Республикасы мемлекеттiк органдарының ұялы байланысты пайдалануының тәртiбi туралы
📌 Ескерту. Күші жойылды - ҚР
Үкiметiнің 23.02.1999 № 149 қаулысымен.
Мемлекеттiк қаражатты үнемдеу режимiн күшейту және Қазақстан Республикасы мемлекеттiк органдарының ұялы байланысты пайдалануын тәртiпке келтiру мақсатында Қазақстан Республикасының Үкiметi қаулы етедi:
1. Ұялы байланысты пайдалану құқығы министрлiктердiң, мемлекеттiк комитеттердiң, Қазақстан Республикасы Үкiметiнiң құрамына кiрмейтiн орталық атқарушы органдарының және басқа да мемлекеттiк органдардың басшыларына, олардың орынбасарларына; орталық атқарушы органдар департаменттерiнiң, агенттiктерiнiң, комитеттерiнiң басшыларына; Қазақстан Республикасы Президентiнiң бiрiншi көмекшiсiне, Қазақстан Республикасы Президентi Кеңсесiнiң меңгерушiсiне, Қазақстан Республикасы Президентiнiң Хаттама бастығы мен Баспасөз хатшысына, Қазақстан Республикасының Премьер-Министрi Хатшылығының жетекшiсiне, Қазақстан Республикасы Премьер-Министрiнiң Баспасөз қызметiнiң жетекшiсiне, Қазақстан Республикасы Премьер-Министрiнiң көмекшiсiне, облыстардың, республикалық маңызы бар қалалардың, астананың әкiмдерiне және олардың орынбасарларына берiлсiн.
📌 Ескерту. 1-тармақ өзгердi - ҚР
Үкiметiнің 10.11.1998 № 1143 қаулысымен.
2. Министрлiктер, мемлекеттiк комитеттер, Қазақстан Республикасы Үкiметiнiң құрамына кiрмейтiн орталық атқарушы органдар мен басқа да мемлекеттiк органдар ұялы телефондардың санын осы қаулыға сәйкестендiрсiн.
3. Қазақстан Республикасының Қаржы министрлiгi:
Қазақстан Республикасының мемлекеттiк органдарын ұстауға арналған
шығыстарды осы қаулыда белгiленген ұялы байланысты пайдаланудың
тәртiбiн ескере отырып қарастырсын;
мемлекеттiк органдар аппаратын ұстауға арналған қаражаттың
жұмсалуына тұрақты бақылау орнатсын.