О создании фонда социального медицинского страхования
Деректемелер және дереккөз
- Толық атауы
- О создании фонда социального медицинского страхования
- Атауы (қаз.)
- Әлеуметтік медициналық сақтандыру қорын құру туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 389
- Қабылданған күні
- 01.07.2016
- Көрсетілген редакция
- 17.02.2017 103907_283626.kaz
- Соңғы өзгеріс
- 17.02.2017
- Мәтін тілі
- қазақша
- НҚА мемлекеттік тіркеу нөмірі
- P1600000389
- ЭКБ идентификаторы
- 103907
- Редакция идентификаторы
- 103907_283626
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 08:31
0 Әлеуметтік медициналық сақтандыру қорын құру туралы
«Міндетті әлеуметтік медициналық сақтандыру туралы» 2015 жылғы 16 қарашадағы Қазақстан Республикасының Заңы 10-бабының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1 1. Жарғылық капиталына мемлекет жүз пайыз қатысатын «Әлеуметтік медициналық сақтандыру қоры» коммерциялық емес акционерлiк қоғамы (бұдан әрi – қор) құрылсын.
2
2. Қор қызметiнiң негізгi нысанасы аударымдар мен жарналарды шоғырландыру, медициналық көрсетілетін қызметтерді сатып алу шартында көзделген көлемдерде және талаптармен медициналық көмек көрсететін денсаулық сақтау субъектілері көрсететін қызметтерді сатып алу және оларға ақы төлеуді жүзеге асыру болып айқындалсын.
3 3. Қазақстан Республикасының Денсаулық сақтау және әлеуметтік даму министрлігі заңнамада белгіленген тәртіппен республикалық бюджет қаражатының есебінен 106050000 (бір жүз алты миллион елу мың) теңге мөлшерінде қордың жарғылық капиталын қалыптастыруды қамтамасыз етсін.
4 4. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi Қазақстан Республикасының Денсаулық сақтау және әлеуметтік даму министрлігімен бірлесіп, заңнамада белгіленген тәртіппен:
1 1) әділет органдарында қорды мемлекеттік тіркеуді және қордың жарғысын бекітуді;
2 2) Қазақстан Республикасының Денсаулық сақтау және әлеуметтік даму министрлігіне қор акцияларының мемлекеттік пакетіне иелік ету және пайдалану құқықтарын беруді;
3 3) осы қаулыдан туындайтын өзге де шараларды қабылдауды қамтамасыз етсін.
5 5. Қоса беріліп отырған Қазақстан Республикасы Үкіметінің кейбір шешімдеріне енгізілетін толықтырулар бекітілсін.
6 6. Осы қаулы қол қойылған күнінен бастап қолданысқа енгізіледі және ресми жариялануға тиіс.
0 Қазақстан Республикасы
Үкіметінің
2016 жылғы 1 шілдедегі
№ 389 қаулысымен
бекітілген
Қазақстан Республикасы Үкіметінің кейбір шешімдеріне
енгізілетін толықтырулар
1 1. «Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы» Қазақстан Республикасы Үкіметінің 1999 жылғы 12 сәуірдегі № 405 қаулысында (Қазақстан Республикасының ПҮАЖ-ы, 1999 ж., № 13, 124-құжат):
көрсетілген қаулымен бекітілген акцияларының мемлекеттік пакеттері мен қатысу үлестері республикалық меншікте қалатын акционерлік қоғамдар
мен шаруашылық серіктестіктердің тізбесінде:
«Астана қаласы» деген бөлiм мынадай мазмұндағы реттiк нөмiрi
21-176-жолмен толықтырылсын:
«21-176. «Әлеуметтік медициналық сақтандыру қоры» КЕАҚ».
2 2. «Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелік ету және пайдалану жөнiндегi құқықтарды беру туралы» Қазақстан Республикасы Үкiметiнiң 1999 жылғы 27 мамырдағы № 659 қаулысында:
иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:
«Қазақстан Республикасы Денсаулық сақтау және әлеуметтік даму министрлiгiне» деген бөлім мынадай мазмұндағы реттік нөмірі 227-16-жолмен толықтырылсын:
227-16. «Әлеуметтік медициналық сақтандыру қоры» КЕАҚ».