Об утверждении Правил осуществления рекламы биологически активных добавок к пище

Күшін жойған Бұйрық ·№ 284 · 13.08.2026 жағдай бойынша

Деректемелер және дереккөз

Толық атауы: Об утверждении Правил осуществления рекламы биологически активных добавок к пище
Атауы (қаз.): Тағамға биологиялық активті қоспаларды жарнамалауды жүзеге асыру қағидаларын бекіту туралы
Акт түрі: Бұйрық
Заңдық күші: Күшін жойған
Тізілімдегі мәртебе коды: yts
Нөмірі: 284
Қабылданған күні: 24.06.2016
Көрсетілген редакция: 27.10.2020 105251_489111.kaz
Соңғы өзгеріс: 27.10.2020
Мәтін тілі: қазақша
НҚА мемлекеттік тіркеу нөмірі: V1600013998
ЭКБ идентификаторы: 105251
Редакция идентификаторы: 105251_489111
Бастапқы дереккөз: ЭКБ zan.gov.kz (API)
Деректер жаңартылды: 02.08.2026 08:37

0 Тағамға биологиялық активті

қоспаларды жарнамалауды жүзеге асыру
қағидаларын бекіту туралы
«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 18-бабының 1-тармағына сәйкес БҰЙЫРАМЫН:

1 1. Қоса беріліп отырған Тағамға биологиялық активті қоспаларды жарнамалауды жүзеге асыру қағидалары бекітілсін.

2 2. Қазақстан Республикасы Ұлттық экономика министрлігінің Тұтынушылардың құқықтарын қорғау комитеті заңнамада белгіленген тәртіппен:

1 1) осы бұйрықтың Қазақстан Республикасы Әділет министрлігінде мемлекеттік тіркелуін;

2

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін баспа және электрондық түрде ресми жариялауға мерзімді баспа басылымдарына және «Әділет» ақпараттық-құқықтық жүйесіне, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы нормативтік құқықтық актілерінің Эталондық бақылау банкіне енгізу үшін Республикалық құқықтық ақпарат орталығына жіберуді;

3 3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын;

4

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне ұсынуды қамтамасыз етсін.

3 3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

0 Тағамға биологиялық активті қоспаларды жарнамалауды жүзеге асыру қағидалары

Қазақстан Республикасы
Ұлттық экономика министрінің
2016 жылғы 24 маусымдағы
№ 284 бұйрығымен бекітілген
Тағамға биологиялық активті қоспаларды жарнамалауды
жүзеге асыру қағидалары

1 1-тарау. Жалпы ережелер

1

1. Осы Тағамға биологиялық активті қоспаларды жарнамалауды жүзеге асыру қағидалары (бұдан әрі – Қағидалар) «Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 18-бабына, «Жарнама туралы» 2003 жылғы 19 желтоқсандағы Қазақстан Республикасының Заңына сәйкес әзірленді және Қазақстан Республикасында тағамға биологиялық активті қоспаларды жарнамалауды жүзеге асыру тәртібін айқындайды.

2 2. Осы Қағидаларда мынадай ұғым пайдаланылады:

тағамға биологиялық активті қоспалар (бұдан әрі - ББҚ) – табиғи жолмен алынған немесе жасанды жолмен алынған заттармен бірдей тағам және (немесе) биологиялық активті заттарды (олардың концентраттарын), сондай-ақ адам рационын оңтайландыру мақсатында тамақпен бірге жеуге арналған және тамақтың немесе диеталық тамақтанудың жалғыз көзі болып табылмайтын пребиотикалық құрамдауыштар мен пробиотикалық микроорганизмдерді қамтитын өнімдер.

3 3. Қазақстан Республикасында тағамға биологиялық активті қоспалар жарнамасын бақылауды халықтың санитариялық-эпидемиологиялық саламаттылығы саласындағы уәкілетті органның тағамға биологиялық активті қоспалардың жарнамасын жүзеге асыратын ведомтствосы және оның аумақтық бөлімшелері жүзеге асырады.

2 2-тарау. Тағамға биологиялық активті қоспаларды жарнамалауды жүзеге асыру тәртібі

4 4. Тағамға биологиялық активті қоспалар жарнамасын орналастыру ол денсаулық сақтау және жарнама саласындағы заңнамаларға сәйкес келген кезде жүзеге асырылады.

5 5. Биологиялық активті қоспалар жарнамасы:

1 1) мерзімді баспасөз басылымдарын қоспағанда, қазақ және орыс тілдерінде, сондай-ақ жарнама берушінің қалауы бойынша басқа да тілдерде таратылады;

2 2) аудио жарнаманың жарнамалық мәтіндерін қоспағанда, жеңіл оқылатын, түсінікті және анық қаріппен басылады;

3 3) дәрілік заттармен салыстыруға болмайды;

4 4) емдік қасиеттерінің болуы туралы мәліметтерді қамтуға болмайды;

5 5) дұрыс және түсінікті болып табылады (арнайы білімді қолданбай немесе арнайы құралдарды қолданбай);

6 6) тұтынушыларды олардың сенімін асыра пайдалану арқылы, оның ішінде сипаттамаларына, құрамына, тұтынушылық қасиеттеріне, құнына (бағасына), қолданылуының болжамды нәтижелеріне, зерттеулер мен сынақтар нәтижелеріне қатысты жаңылыстырмайды;

7 7) ұтымды қолданылуына ықпал етеді;

8 8) мазмұнында жарнамаланатын тағамға биологиялық активті қоспаларды басқа жеке немесе заңды тұлғалардың тауарларымен салыстыру, сондай-ақ олардың абыройына, қадiр-қасиетiне және iскерлiк беделiне нұқсан келтіретін сөздер, бейнелер болмайды;

9 9) жарнамада өзінің танымалдығына байланысты биологиялық активті қоспаларды қолдануды және (немесе) тағайындауды көтермелеуі мүмкін ғалымдардың, денсаулық сақтау мамандарының, сондай-ақ мемлекеттік органдардың лауазымды адамдарының ұсынымдарына сілтеме жасауға болмайды.

6 6. Тағамға биологиялық активті қоспаларға жарнама мынадай ақпаратты:

1 1) сауда атауын;

2 2) құрамына кіретін активті құрамдауыштар туралы мәліметтерді;

3 3) қолдануға берілетін негізгі ұсынымдарды;

4 4) қолдану тәсілі мен дозасын;

5 5) негізгі жанама әсерлерін;

6 6) негізгі қарсы айғақтарын;

7 7) балаларға, жүкті әйелдерге қатысты, сондай-ақ емізу кезеңіндегі айрықша нұсқауларды;

8 8) сату шарттарын;

9 9) қолдануға көрнекі және түсінікті ұсынымды;

10 10) өндірушінің атауын, мекенжайын және Қазақстан Республикасында наразылықтарды қабылдауға өндіруші уәкілеттік берген тұлғаның атын;

11 11) мемлекеттік тіркеу туралы куәліктің нөмірін, берілген күнін қамтуы тиіс.

Теле- және радиоарналарына, интернет-ресурстарға арналған жарнама осы тармақтың 1), 7), 9) және 11) тармақшаларында көрсетілген ақпаратты қамтиды.

7 7. Мыналарға:

1 1) Қазақстан Республикасында және Еуразиялық экономикалық одағында тіркелмеген тағамға биологиялық активті қоспаларды жарнамалауға;

2 2) қоғамдық көлікте, тағамға биологиялық активті қоспалардың тағайындалуына, пайдаланылуына және босатылуына қатысы жоқ ұйымдарда олардың жарнамасын таратуға және орналастыруға;

3 3) тағамға биологиялық активті қоспаларды бірегей, барынша тиімді және қауіпсіз етіп жарнамада көрсетуге;

4 4) жарнамаланатын тағамға биологиялық активті қоспамен емдеудің тиімділігі кепілдендірілген болып табылады, оны қолдану жанама әсерлердің дамуымен ұштаспайды деген болжам туғызуға тыйым салынады.

8 8. Биологиялық активті қоспаларды жарнамалау әрбір жағдайда жарнамалау объектісі дәрілік зат болып табылмайтыны туралы ескертумен ілесе жүреді.