Об утверждении ставок сбора за государственную регистрацию юридических лиц
Деректемелер және дереккөз
- Толық атауы
- Об утверждении ставок сбора за государственную регистрацию юридических лиц
- Атауы (қаз.)
- Заңды тұлғаларды мемлекеттік тіркеу үшін алым төлеу ставкаларын бекіту туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 1660
- Қабылданған күні
- 19.12.2001
- Көрсетілген редакция
- 31.12.2008 AI10693_8.kaz
- Соңғы өзгеріс
- 31.12.2008
- Мәтін тілі
- қазақша
- НҚА мемлекеттік тіркеу нөмірі
- P010001660_
- ЭКБ идентификаторы
- 10693
- Редакция идентификаторы
- AI10693_8
- Бастапқы дереккөз
- ЭКБ zan.gov.kz (API)
- Деректер жаңартылды
- 04.08.2026 23:25
0 Заңды тұлғаларды мемлекеттік тіркеу үшін алым төлеу ставкаларын бекіту туралы
📌 Ескерту. Күші жойылды - ҚР Үкіметінің 2008 жылғы 31 желтоқсандағы N 1332 (2009 жылғы 1 қаңтардан бастап қолданысқа енгізіледі) Қаулысымен.
"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы N 209 Кодексiне (Салық кодексi) сәйкес Қазақстан Республикасының Yкiметi қаулы етеді:
1 1. Қоса берiлiп отырған заңды тұлғаларды мемлекеттiк тiркеу үшiн алым төлеу ставкалары бекiтiлсiн.
2 2. Мыналардың күшi жойылды деп танылсын:
1 1) "Заңды тұлғаларды мемлекеттік тiркеу үшiн алым төлеу тәртiбi туралы Ереженi бекiту туралы" Қазақстан Республикасы Үкiметінiң 1996 жылғы 19 қарашадағы N 1405 қаулысы (Қазақстан Республикасының ПYКЖ-ы, 1996 ж., N 47, 457-құжат);
2 2) "Қазақстан Республикасы Yкiметiнiң 1996 жылғы 19 қарашадағы N 1405 қаулысына өзгерiстер енгiзу туралы" Қазақстан Республикасы Yкiметiнiң 1997 жылғы 19 тамыздағы N 1264 қаулысы (Қазақстан Республикасының ПYКЖ-ы, 1997 ж., N 37, 360-құжат);
3 3) "Қазақстан Республикасы Үкiметiнiң 1996 жылғы 19 қарашадағы N 1405 қаулысына толықтырулар енгiзу туралы" Қазақстан Республикасы Yкiметiнiң 2001 жылғы 15 мамырдағы N 640 қаулысы (Қазақстан Республикасының ПYКЖ-ы, 2001 ж., N 18, 226-құжат).
3 3. Осы қаулы 2002 жылдың 1 қаңтарынан бастап күшiне енедi.
7 Заңды тұлғаларды мемлекеттiк тiркеу үшiн алым төлеу ставкалары
Қазақстан Республикасы
Yкiметiнiң
2001 жылғы 19 желтоқсандағы
N 1660 қаулысымен
бекiтiлген
Заңды тұлғаларды мемлекеттiк тiркеу үшiн алым төлеу ставкалары
1 1. Заңды тұлғаларды, олардың филиалдары мен өкiлдiктерiн құру мен олардың қызметiн тоқтатуды мемлекеттiк (есептiк) тiркеу (соның iшiнде заңнамада көзделген жағдайларда қайта ұйымдастыру кезiнде), қайта тiркеу кезiнде заңды тұлғаларды мемлекеттiк тiркеу үшiн алым төлеу ставкалары:
1 1) заңды тұлғалардан, олардың филиалдары мен өкiлдiктерiнен осы тармақтың 2), 3) тармақшаларында, сондай-ақ 2 және 3-тармақтарында көрсетiлгендердi қоспағанда, 7600 теңгенi құрайды;
2 2) шағын кәсiпкерлiк субъектiлерi болып табылатын заңды тұлғалардан, олардың филиалдары мен өкiлдiктерiнен 2280 теңгенi құрайды;
3 3) саяси партиялардан, олардың филиалдары мен өкiлдiктерiнен 15960 теңгенi құрайды.
📌 Ескерту. 1-тармақ жаңа редакцияда - ҚР Үкіметінің 2005.12.30. N 1324 (2006 жылғы 1 қаңтардан бастап қолданысқа енгiзiледi) қаулысымен.
2 2. Бюджет қаражатынан қаржыландырылатын мекемелердi, қазыналық кәсiпорындарды және үй-жай (пәтер) иелерi кооперативтерiн, олардың филиалдары мен өкiлдiктерiн мемлекеттiк тiркеу үшiн алым төлеу ставкалары:
1 1) құруды мемлекеттiк (есептiк) тiркеу кезiнде - алым төленген күнге қолданылатын бiр айлық есептiк көрсеткiштi;
2 2) мемлекеттiк қайта тiркеу (есептiк) кезiнде - осы тармақтың 1) тармақшасында белгiленген тиiстi ставканың елу пайызын;
3 3) қызметi тоқтатылған кезде (соның iшiнде заңнамада көзделген жағдайларда қайта ұйымдастыру кезiнде) - алым төленген күнге қолданылатын бiр айлық есептiк көрсеткiштi құрайды.
📌 Ескерту. 2-тармақ жаңа редакцияда - ҚР Үкіметінің 2005.12.30. N 1324 (2006 жылғы 1 қаңтардан бастап қолданысқа енгiзiледi) қаулысымен.
3 3. Балалар мен жастардың қоғамдық бiрлестiктерiн, сондай-ақ мүгедектердiң қоғамдық бiрлестiктерiн, олардың филиалдары мен өкiлдiктерiн, республикалық және өңiрлiк ұлттық-мәдени қоғамдық бiрлестiктер филиалдарын мемлекеттiк тiркеу үшiн алым төлеу ставкалары:
1 1) құруды мемлекеттiк (есептiк) тiркеу кезiнде - алым төленген күнге қолданылатын екi айлық есептiк көрсеткiштi;
2 2) мемлекеттiк қайта тiркеу - (есептiк) кезiнде - осы тармақтың 1) тармақшасында белгiленген тиiстi ставканың елу пайызын;
3 3) қызметi тоқтатылған кезде (соның iшiнде заңнамада көзделген жағдайларда қайта ұйымдастыру кезiнде) - алым төленген күнге қолданылатын бiр айлық есептiк көрсеткiштi құрайды.
📌 Ескерту. 3-тармақ жаңа редакцияда - ҚР Үкіметінің 2005.12.30. N 1324 (2006 жылғы 1 қаңтардан бастап қолданысқа енгiзiледi) қаулысымен.
4 4. Заңды тұлғаларға, олардың филиалдары мен өкiлдiктерiне мемлекеттiк (есептiк) тiркеу (қайта тiркеу) туралы куәлiктiң телнұсқасын берген кезде заңды тұлғаларды мемлекеттiк тiркеу үшiн алым төлеу ставкасы 50 теңгенi құрайды.
📌 Ескерту. 4-тармақ жаңа редакцияда - ҚР Үкіметінің 2005.12.30. N 1324 (2006 жылғы 1 қаңтардан бастап қолданысқа енгiзiледi) қаулысымен.