Об утверждении Правил выдачи служебного удостоверения государственных служащих государственного учреждения «Аппарат Мартукского районного маслихата» и его описания
Деректемелер және дереккөз
- Толық атауы
- Об утверждении Правил выдачи служебного удостоверения государственных служащих государственного учреждения «Аппарат Мартукского районного маслихата» и его описания
- Атауы (қаз.)
- «Мәртөк аудандық мәслихатының аппараты» мемлекеттік мекемесінің мемелекеттік қызметшілерінің қызметтік куәлігін беру Қағидаларын және оның сипаттамасын бекіту туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 65
- Қабылданған күні
- 10.03.2017
- Көрсетілген редакция
- 07.07.2020 111067_471007.kaz
- Соңғы өзгеріс
- 07.07.2020
- Мәтін тілі
- қазақша
- НҚА мемлекеттік тіркеу нөмірі
- V17CH005401
- ЭКБ идентификаторы
- 111067
- Редакция идентификаторы
- 111067_471007
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 05:50
0 «Мәртөк аудандық мәслихатының аппараты» мемлекеттік мекемесінің мемелекеттік қызметшілерінің қызметтік куәлігін беру Қағидаларын және оның сипаттамасын бекіту туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 2015 жылғы 23 қарашадағы «Қазақстан Республикасының мемлекеттік қызметі туралы» Заңының 30 бабының 4 тармағына сәйкес, Мәртөк аудандық мәслихаты ШЕШІМ ҚАБЫЛДАДЫ:
1 1. Осы шешімге қоса беріліп отырған «Мәртөк аудандық мәслихатының аппараты» мемлекеттік мекемесінің мемелекеттік қызметшілерінің қызметтік куәлігін беру Қағидалары және оның сипаттамасы бекітілсін.
2 2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
3 2017 жылғы 10 наурыздағы № 65
Мәртөк аудандық мәслихаттың
шешімімен бекітілген
«Мәртөк аудандық мәслихатының аппараты» мемлекеттік мекемесінің мемелекеттік қызметшілерінің қызметтік куәлігін беру Қағидалары және оның сипаттамасы
1 1. Жалпы ережелер
1
1. Осы «Мәртөк аудандық мәслихатының аппараты» мемлекеттік мекемесінің мемлекеттік қызметшілерінің қызметтік куәлігін беру Қағидалары және оның сипаттамасы (бұдан әрі – Қағидалар) «Мәртөк аудандық мәслихатының аппараты» мемлекеттік мекемесінің (бұдан әрі – аппарат) мемлекеттік қызметшілеріне қызметтік куәлігін беру тәртібін айқындайды.
2 2. Мемлекеттік қызметшінің қызметтік куәлігі (бұдан әрі – қызметтік куәлік) оның мемлекеттік лауазымы мен лауазымдық өкілеттіктерін растайтын құжат болып табылады.
3 3. Тиісінше ресімделмеген, жарамдылық мерзімі өткен, түзетілген және тазартылған куәлік жарамсыз болып саналады.
2 2. Қызметтік куәлікті беру тәртібі
4 4. Қызметтік куәлік Мәртөк аудандық мәслихаты хатшысының (бұдан әрі – мәслихат хатшысы) қолы қойылып беріледі.
5 5. Қызметтік куәлік мемлекеттік қызметшіге лауазымға тағайындалған, лауазымы ауысқан, жоғалған, сондай-ақ бұған дейін берілген куәлік бүлінген жағдайда беріледі.
Мемлекеттік қызметші қызметтік куәлікті алу барысында осы Қағидаларға қосымшаға сәйкес нысан бойынша аппараттың мемлекеттік қызметшілеріне қызметтік куәлікті беруді есепке алу журналында қол қояды (бұдан әрі – есепке алу журналы).
6 6. Қызметтік куәліктер және есепке алу журналы аппараттың кадр жұмысына жауапты қызметкердің сейфінде сақталады.
7 7. Мемлекеттік қызметке алғаш қабылданған мемлекеттік қызметшіге қызметтік куәлікті тапсырған кезде пайдалану және оны сақтау тәртібі бойынша түсіндіру жүргізіледі.
Осы Қағидалардың 5-тармағында көзделген жағдайларда, қызметтік куәлікті ауыстыру кезінде, қызметтік куәлікті беруге жауапты, кадр жұмысына жауапты қызметкер бұрын берілген қызметтік куәлікті қайтарып алады.
3 3. Қызметтік куәліктің сипаттамасы
8 8. Қызметтік куәліктің мұқабасы көлемі 19 x 6,5 сантиметр (ашып көрсетілген түрінде), күрең қызыл түсті экобылғарыдан немесе жоғары сапалы жасанды былғарыдан тұрады.
9 9. Куәліктің сыртқы бетінің ортасында Қазақстан Республикасы Мемлекеттік Елтаңбасының алтын түсті бейнесі орналасқан, одан төмен типографиялық қаріппен «МӘРТӨК АУДАНДЫҚ МӘСЛИХАТЫНЫҢ АППАРАТЫ» мемлекеттік мекемесі» деген жазу жазылған.
10
10. Куәліктің ішкі жағында ақ түс аясында шеңберде орналасқан күн мен қалықтаған қыранның жасырын формасын қолдана отырып көгілдір түсті қорғаныштық тангир бейнеленген. Жоғарғы бөлігінде «ҚАЗАҚСТАН РЕСПУБЛИКАСЫ», «РЕСПУБЛИКА КАЗАХСТАН» деген жазулар, одан төмен мәтіннен қызыл түсті үзік жолақпен бөлектелген «МӘРТӨК АУДАНДЫҚ МӘСЛИХАТЫНЫҢ АППАРАТЫ» мемлекеттік мекемесі, «Государственное учреждение «АППАРАТ МАРТУКСКОГО РАЙОННОГО МАСЛИХАТА» деген жазулар орналастырылған.
11 11. Сол жағында: көлемі 3х4 сантиметр фотосурет (қарсы алдынан түсірілген, түрлі-түсті), жанында қызметтік куәліктің нөмірі, аты, әкесінің аты (болған жағдайда), тегі, атқаратын лауазымы көрсетіледі. Мәтін мемлекеттік тілде басылады, мәслихат хатшысының қолымен және елтаңбалы мөрмен расталады.
12
12. Оң жағында: Қазақстан Республикасының Мемлекеттік Елтаңбасының бейнесі, елтаңбаның төменгі жағында көгілдір жасыл түсті «ҚАЗАҚСТАН» деген жазу, жанында қызметтік куәліктің нөмірі, тегі, аты, әкесінің аты (болған жағдайда), атқаратын лауазымы көрсетіледі. Мәтін орыс тілінде басылады. Одан төмен куәліктің берілген күні көрсетіледі.
4 4. Қорытынды ережелер
13 13. Кадр жұмысына жауапты қызметкер жыл сайын, 1 қаңтардағы жағдай бойынша, қызметтік куәліктердің есептік деректерге сәйкестігіне салыстырма тексеріс жүргізеді.
14 14. Қызметтік куәліктерді толтыру, рәсімдеу, есепке алу, беру, сақтау және жою тәртібін жалпы бақылауды аудандық мәслихат аппаратының басшысы жүзеге асырады.
15 15. Қызметтік куәлік жоғалған немесе бүлінген жағдайда, оның иесі дереу кадр жұмысына жауапты қызметкерге жазбаша (еркін) нысанда хабарлайды, бұқаралық ақпарат құралдарына хабарландыру береді.
16
16. Қызметтік куәлікті жоғалтудың, бүлдірудің, сондай-ақ оны басқа адамдарға берудің немесе мақсатқа сай пайдаланбаудың әрбір фактісі бойынша кадр жұмысына жауапты қызметкер қызметтік тексеру туралы өкім шыққан күннен бастап он жұмыс күні ішінде қызметтік тексеру жүргізеді, оның нәтижелері бойынша аппараттың тәртіптік комиссиясы кінәлі тұлғаларды тәртіптік жауапкершілікке тарту жөнінде мәселені қарайды.
17 17. Жоғалған қызметтік куәліктер бұқаралық ақпарат құралдары арқылы жарамсыз деп жарияланады, бұл туралы кадр жұмысына жауапты қызметкер хабардар етіледі.
Жоғалғанның орнына жаңа қызметтік куәлікті қызметтік тексеру жүргізілгеннен кейін кадр жұмысына жауапты қызметкер береді.
18 18. Жұмыстан босатылған кезде мемлекеттік қызметші қызметтік куәлікті кадр жұмысына жауапты қызметкерге тапсырады.
Куәлікті тапсырған кезде кету парағына қызметтік куәлікті беру үшін жауапты тұлғаның қолы қойылады.
19 19. Жұмыстан босатылған, не бүлінген кезде мемлекеттік қызметшілерімен тапсырылған қызметтік куәліктер еркін нысандағы жою туралы тиісті акт жасала отырып, бір жылда бір рет жойылуға жатады.
27 «Мәртөк аудандық мәслихатының
аппараты» мемлекеттік мекемесінің
мемелекеттік қызметшілерінің
қызметтік куәлігін беру Қағидаларына
және оның сипаттамасына
қосымша
Нысан
«Мәртөк аудандық мәслихатының аппараты» мемлекеттік мекемесінің мемелекеттік қызметшілерінің қызметтік куәлігін беру есепке алу журналы
№
Қызметтік куәліктің нөмірі
Тегі, аты, жөні
(болған жағдайда)
Атқаратын лауазымы
Берілген күні
Алынғаны жөнінде жеке қолы
Қызметтік куәлікті ауыстыруы және тапсырғаны, (тағайындалуы, лауазымының өзгеруі, мерзімінің өтуі, жұмыстан босатылуы, жоғалуы туралы белгі)
Қызметтік куәлікті жою (актінің нөмері мен күні)
Ескертпе
1
2
3
4
5
6
7
8
9
Ескертпе: Қызметтік куәліктерін беруді есепке алу журналы тігіліп, нөмірленіп кадр жұмысына жауапты қызметкерінің қолымен және елтаңбалы мөрмен расталады.