О внесении изменений в административно-территориальное устройство города Семей Восточно-Казахстанской области
Деректемелер және дереккөз
- Толық атауы
- О внесении изменений в административно-территориальное устройство города Семей Восточно-Казахстанской области
- Атауы (қаз.)
- Шығыс Қазақстан облысы Семей қаласының әкімшілік-аумақтық құрылысына өзгерістер енгізу туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 171
- Қабылданған күні
- 03.07.2017
- Көрсетілген редакция
- 03.07.2017 113733_206849.kaz
- Соңғы өзгеріс
- 03.07.2017
- Мәтін тілі
- қазақша
- НҚА мемлекеттік тіркеу нөмірі
- V17V0005137
- ЭКБ идентификаторы
- 113733
- Редакция идентификаторы
- 113733_206849
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 04:35
0 Шығыс Қазақстан облысы
Семей қаласының
әкімшілік-аумақтық
құрылысына өзгерістер
енгізу туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы 1-тармағының 4) тармақшасына, 27-бабының 2-тармағына, «Қазақстан Республикасының әкімшілік-аумақтық құрылысы туралы» Қазақстан Республикасының 1993 жылғы 8 желтоқсандағы Заңының 3, 8 және 11-баптарына сәйкес, «Шығыс Қазақстан облысы Семей қаласының кейбір елді мекендерін тарату және есепті деректерден шығару жөнінде ұсыныстар енгізу туралы» Семей қалалық мәслихатының 2014 жылғы 6 қарашадағы № 34/179-V шешімінің және Семей қалалық әкімдігінің 2014 жылғы 6 қарашадағы № 1782 қаулысының, «Шығыс Қазақстан облысы Семей қаласының Таңат ауылдық округін тарату және есепті деректерден шығару жөнінде ұсыныстар енгізу туралы» Семей қалалық мәслихатының 2014 жылғы 6 қарашадағы № 34/180-V шешімінің және Семей қалалық әкімдігінің 2014 жылғы 6 қарашадағы № 1783 қаулысының, «Шығыс Қазақстан облысы Семей қаласының Жазық ауылдық округін тарату және есепті деректерден шығару жөнінде ұсыныстар енгізу туралы» Семей қалалық мәслихатының 2016 жылғы 29 қарашадағы № 8/58-VІ шешімінің және Семей қалалық әкімдігінің 2016 жылғы 29 қарашадағы № 1811 қаулысының негізінде, Шығыс Қазақстан облыстық мәслихаты ШЕШТІ және Шығыс Қазақстан облысының әкімдігі ҚАУЛЫ ЕТЕДІ:
1 1. Шығыс Қазақстан облысы Семей қаласының әкімшілік-аумақтық құрылысына келесі өзгерістер енгізілсін:
1 1) Семей қаласы бойынша мынадай елді мекендер таратылсын және есепті деректерден шығарылсын: Алғабас ауылдық округінің Киікқашқан және Қызылжал ауылдары, Знаменка ауылдық округінің Сынтас және Көкен ауылдары, Новобаженово ауылдық округінің Талдықорған ауылы;
2 2) таратылатын ауылдардың аумақтары:
Алғабас ауылдық округінің Киікқашқан және Қызылжал ауылдары шекаралары өзгертіле отырып, Алғабас ауылдық округінің Алғабас ауылының құрамына;
Знаменка ауылдық округінің Сынтас ауылы шекаралары өзгертіле отырып, Знаменка ауылдық округінің Қыземшек ауылының құрамына;
Знаменка ауылдық округінің Көкен ауылы шекаралары өзгертіле отырып, Знаменка ауылдық округінің Знаменка ауылының құрамына;
Новобаженово ауылдық округінің Талдықорған ауылы шекаралары өзгертіле отырып, Новобаженово ауылдық округінің Бұлақ ауылының құрамына енгізілсін;
3 3) мынадай ауылдық округтер таратылсын және есепті деректерден шығарылсын: Таңат ауылдық округі және Жазық ауылдық округі;
4 4) таратылатын ауылдық округтердің аумақтары:
Таңат ауылдық округі шекаралары өзгертіле отырып, Ақбұлақ ауылдық округінің құрамына;
Жазық ауылдық округі шекаралары өзгертіле отырып, Знаменка ауылдық округінің құрамына енгізілсін.