О некоторых вопросах поощрения граждан, участвующих в обеспечении общественного порядка

Күшін жойған Қаулы № 445 21.09.2026 жағдай бойынша

Деректемелер және дереккөз

Толық атауы: О некоторых вопросах поощрения граждан, участвующих в обеспечении общественного порядка
Атауы (қаз.): Қоғамдық тәртiптi қамтамасыз етуге қатысатын азаматтарды көтермелеудiң кейбiр мәселелерi туралы
Акт түрі: Қаулы
Заңдық күші: Күшін жойған
Тізілімдегі мәртебе коды: yts
Нөмірі: 445
Қабылданған күні: 24.11.2017
Көрсетілген редакция: 14.05.2026 116764_832820.kaz
Соңғы өзгеріс: 14.05.2026
Мәтін тілі: қазақша
НҚА мемлекеттік тіркеу нөмірі: V17SH004417
ЭКБ идентификаторы: 116764
Редакция идентификаторы: 116764_832820
Бастапқы дереккөз: ЭКБ zan.gov.kz (API)
Деректер жаңартылды: 18.09.2026 03:59

Акт күшін жойған. Мәтін анықтама үшін берілген және қолданыстағы құқық болып табылмайды.

21.09.2026 жағдай бойынша қолданыста болған редакция: 14.05.2026. Бұл — корпустағы соңғы редакция.

0 Қоғамдық тәртiптi қамтамасыз етуге қатысатын азаматтарды көтермелеудiң кейбiр мәселелерi туралы

📌 Ескерту. Күші жойылды – Солтүстік Қазақстан облысы Қызылжар ауданы әкімдігінің 14.05.2026 № 127 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
«Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасының 2001 жылғы 23 қаңтардағы Заңының 31 бабы 2 тармағына, «Қоғамдық тәртiптi қамтамасыз етуге азаматтардың қатысуы туралы» Қазақстан Республикасының 2004 жылғы 9 шiлдедегi Заңының 3 бабының 2 тармағы 3) тармақшасына сәйкес, Солтүстік Қазақстан облысы Қызылжар ауданының әкімдігі ҚАУЛЫ ЕТЕДI:

1. Қосымшаға сәйкес қоғамдық тәртiптi қамтамасыз етуге қатысатын азаматтарды көтермелеудiң түрлерi мен мөлшерлерi айқындалсын.

2. Қоса берiлген Қоғамдық тәртiптi қамтамасыз етуге қатысатын азаматтарды көтермелеу қағидасы бекiтiлсiн.

3. Осы қаулының орындалуын бақылау Солтүстік Қазақстан облысы Қызылжар ауданы әкімінің жетекшілік ететін орынбасарына жүктелсін.

4. Осы қаулы оны алғаш ресми жариялаған күннен кейiн күнтiзбелiк он күн өткен соң қолданысқа енгiзiледi.

КЕЛІСІЛДІ:
«Қазақстан Республикасы
Ішкі істер Министрлігі
Солтүстік Қазақстан облысының
ішкі істер Департаменті Қызылжар
ауданының ішкі істер бөлімі»
мемлекеттік мекемесінің бастығы
____________Х.Ф. Байқадамов
2017 жылғы 24 қараша

5 Солтүстік Қазақстан облысы

Қызылжар ауданы әкiмдiгiнiң
2017 жылғы 24 қарашадағы
№ 445 қаулысына
қосымша
Қоғамдық тәртiптi қамтамасыз етуге қатысатын азаматтарды көтермелеудiң түрлерi мен мөлшерлерi

1. Қызылжар ауданы әкімінің Құрмет грамотасы.

2. 10 есептiк айлық есептiк көрсеткiштен аспайтын мөлшердегi ақшалай сыйақы.

3. Бағасы 10 есептiк айлық есептiк көрсеткiштен аспайтын құнды сыйлық.

9 Қоғамдық тәртiптi қамтамасыз етуге қатысатын азаматтарды көтермелеу қағидасы

Солтүстік Қазақстан облысы
Қызылжар ауданы әкiмдiгiнiң
2017 жылғы 24 қарашадағы
№ 445 қаулысымен
бекітілген
Қоғамдық тәртiптi қамтамасыз етуге қатысатын азаматтарды көтермелеу қағидасы
📌 Ескерту. Қағида жаңа редакцияда - Солтүстік Қазақстан облысы Қызылжар ауданы әкімдігінің 29.07.2019 № 224 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
Осы Қағида қоғамдық тәртiптi қамтамасыз етуге қатысатын азаматтарды көтермелеу тәртібін айқындайды.

1. Қоғамдық тәртiптi қамтамасыз етуге қатысатын азаматтарды көтермелеу мәселелерiн Қоғамдық тәртiптi қамтамасыз етуге қатысатын азаматтарды көтермелеу жөнiндегi аудандық комиссия (бұдан әрi – Комиссия) қарастырады.

2. Қоғамдық тәртiптi қамтамасыз етуге белсендi қатысатын азаматтарды көтермелеу туралы ұсынымды Комиссияға қарастыруға «Қазақстан Республикасының ішкі істер министрлігі Солтүстiк Қазақстан облысының полиция департаментiнің Қызылжар ауданының полиция бөлімі» мемлекеттiк мекемесi (бұдан әрi – Қызылжар ауданының ПБ) енгiзедi.

3. Комиссия қабылдайтын шешiм көтермелеу үшiн негiз болып табылады.

4. Комиссия көтермелеу түрлерiн, соның iшiнде ақшалай сыйақы мөлшерiн, көтермеленушiнiң қоғамдық тәртiптi қамтамасыз етуге қосқан үлесiн ескере отыра, белгiлейдi.

5. Ақшалай сыйақыны төлеу және құнды сыйлықты алу үшiн Комиссия қабылдайтын шешiмге сәйкес, қосымша Қызылжар ауданының ПБ бастығының бұйрығы шығарылады.

6. Қызылжар ауданының ПБ ақшалай сыйақыны төлеудi және құнды сыйлықты алуды облыстық бюджет қаражаты есебiнен жүргiзедi.

7. Көтермелеулердi төлеуге қаражат облыстық бюджетте, «Солтүстік Қазақстан облысының полиция департаменті» мемлекеттік мекемесінің 252 003 «Қоғамдық тәртiптi қамтамасыз етуге қатысатын азаматтарды көтермелеу» бюджеттiк бағдарламасымен көзделедi.

8. Қоғамдық тәртiптi қамтамасыз етуге қосқан үлесi үшiн азаматтарға Қызылжар ауданы әкімінің Құрмет грамотасын, ақшалай сыйақыны, құнды сыйлықты берудi Қызылжар ауданының ПБ салтанатты жағдайда жүзеге асырады.