Об утверждении Правил исчисления стажа работы по специальности для работников государственных учреждений Министерства сельского хозяйства Республики Казахстан, не являющихся государственными служащими

Күшін жойған Бұйрық ·№ 92 · 11.08.2026 жағдай бойынша

Деректемелер және дереккөз

Толық атауы: Об утверждении Правил исчисления стажа работы по специальности для работников государственных учреждений Министерства сельского хозяйства Республики Казахстан, не являющихся государственными служащими
Атауы (қаз.): Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің мамандығы бойынша жұмыс стажын есептеудің ережесін бекіту туралы
Акт түрі: Бұйрық
Заңдық күші: Күшін жойған
Тізілімдегі мәртебе коды: yts
Нөмірі: 92
Қабылданған күні: 27.03.2002
Көрсетілген редакция: 15.07.2008 AI12063_2.kaz
Соңғы өзгеріс: 15.07.2008
Мәтін тілі: қазақша
НҚА мемлекеттік тіркеу нөмірі: V020001845_
ЭКБ идентификаторы: 12063
Редакция идентификаторы: AI12063_2
Бастапқы дереккөз: ЭКБ zan.gov.kz (API)
Деректер жаңартылды: 04.08.2026 23:12

0 Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің мамандығы бойынша жұмыс стажын есептеудің ережесін бекіту туралы

Күші жойылды - ҚР Ауыл шаруашылығы министрінің 2008.07.15 N 438 бұйрығымен .

2

Қазақстан Республикасы Үкіметінің "Мемлекеттік мекемелердің мемлекеттік қызметшілер болып табылмайтын қызметкерлеріне еңбекақы төлеу жүйесі туралы" 2002 жылғы 11 қаңтардағы N 41 қаулысын іске асыру және Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің стажын есептеу кезінде бірыңғай тәсілді қолдану мақсатында
БҰЙЫРАМЫН:

1 1. Қоса беріліп отырған Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің мамандығы бойынша жұмыс стажын есептеудің ережесі бекітілсін.

2 2. Құқық және ұйымдастыру департаменті заңда белгіленген тәртіппен осы бұйрықтың мемлекеттік тіркелуін қамтамасыз етсін.

3 3. Осы бұйрық мемлекеттік тіркелген сәттен бастап күшіне енгізіледі және 2002 жылғы 1 қаңтардан бастап туындаған еңбек қатынастарына қолданылады.

5 Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің мамандығы бойынша жұмыс стажын есептеудің

"Келісілген"
Қазақстан Республикасы
Еңбек және әлеуметтік
қорғау министрлігі
17.04.2002 ж.
Қазақстан Республикасы
Ауыл шаруашылығы Министрінің
2002 жылғы 27 наурыздағы N 92
бұйрығымен бекітілген
Қазақстан Республикасы Ауыл шаруашылығы министрлігі
мемлекеттік мекемелерінің мемлекеттік қызметшілер болып
табылмайтын қызметкерлерінің мамандығы бойынша
жұмыс стажын есептеудің
ЕРЕЖЕСІ

1 1. Осы Ереже Қазақстан Республикасы Ауыл шаруашылығы министрлігі мемлекеттік мекемелерінің мемлекеттік қызметшілер болып табылмайтын қызметкерлерінің мамандығы бойынша жұмыс стажын есептеудің тәртібі мен шартын реттейді.

2 2. Мамандығы бойынша жұмыс стажына Қазақстан Республикасы Ауыл шаруашылығы министрлігі мемлекеттік мекемелерінде және меншіктің құқықтық-ұйымдастыру нысанына қарамастан басқа ұйымдарда, сондай-ақ:

1 1) сол мамандық бойынша мемлекеттік қызметте болған уақыт;

2

2) теріс себептермен қызметтен шығарылған адамдардан басқа, офицерлік құрамдағы адамдардың, прапорщиктердің, мичмандардың, мерзімнен тыс қызметтегі әскери қызметшілердің Қарулы Күштерде, Ішкі, шекара әскерлерінде, Қазақстан Республикасы мен бұрынғы КСР Одағының азаматтық қорғаныс басқармасы органдары мен бөлімшелерінде, Қазақстан Республикасының Ұлттық қауіпсіздік комитеті мен КСРО Мемлекеттік қауіпсіздік комитеті органдары жүйесінде, Қазақстан Республикасы Президентінің Күзет қызметінде және Қазақстан Республикасының ұланында міндетті әскери қызмет өткерген, сондай-ақ интернационалдық борышын орындаған, соның ішінде әскери комиссариаттың анықтамасы болғанда әскери қызметшінің тұтқында болған уақыты;

3 3) жүктілігі және босануы бойынша демалыс, сондай-ақ заңнамаға сәйкес берілген баланы күту жөнінде жалақысы сақталмайтын қосымша демалыс уақыты;

4 4) Қазақстан Республикасы парламенті депутатының, маслихат депутатының өкілеттіктерін жүзеге асырған уақыты;

5 5) егер қызметкер шетелге кетер алдында мамандығы бойынша мемлекеттік мекемелерде жұмыс істесе және жолға кеткен уақытын есептемегенде шетелден қайтып келген күнінен бастап екі ай ішінде мемлекеттік мекемеге жұмысқа орналасса, шетелде жұмыс істеген уақыты;

6 6) жұмыстан заңсыз босатылып, кейіннен жұмысқа қайта орналастырылғанда еріксіз жұмыста болмаған уақыты;

7 7) мемлекеттік мекеменің жолдамасы бойынша кадрларды даярлау, қайта даярлау және біліктілігін арттыру курстарында жұмыстан қол үзіп оқыған уақыты;

8 8) ұйымдарда мамандық бейіні бойынша ғылыми жұмыс істеген уақыты;

9 9) өзінің еңбек қызметі өткен қызмет саласына қарамастан мамандығына ұқсас лауазымдарда жұмыс істеген уақыты енеді.

3 3. Осы Ережеге сәйкес есептелетін мамандығы бойынша жұмыс стажы күнтізбелік есептеу бойынша есепке алынады.

4 4. Күнтізбелік ай ішінде лауазымдық жалақысын арттыру құқығы пайда болған қызметкерлерге лауазымдық жалақы осындай құқық пайда болған күннен бастап еңбек стажы ескеріле отырып есептеледі.

5 5. Мамандығы бойынша жұмыс стажын және мамандықтардың сәйкестігін мемлекеттік мекеменің еңбек стажын белгілеу жөніндегі комиссиясы айқындайды, оның құрамын тиісті мемлекеттік мекеменің басшысы бекітеді.

6 6. Комиссияның мамандығы бойынша жұмыс стажын белгілеу туралы шешімі хаттамамен ресімделеді. Шешімнің көшірмесі екі данада жасалады, бір нұсқасы - кадр бөліміне, екіншісі бухгалтерияға беріледі.

7 7. Еңбек кітапшасы (ол болған ретте) немесе жеке еңбек шарты не жұмысқа қабылдау және жұмыстан шығару туралы бұйрықтан үзінді қызметкердің мамандығы бойынша жұмыс стажын анықтау үшін еңбек қызметін растайтын құжаттар болып табылады.

Қызметтер

Навигация

Параметрлер

Аккаунт

2