«Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасы Кодексінің 187-бабы 5-тармағының 4) тармақшасына және 204-бабы 4-тармағының 4) тармақшасына сәйкес БҰЙЫРАМЫН:

1. Өтініш иесінің пайдалы қатты қазбаларды барлау жөніндегі операцияларды жүргізу үшін жеткілікті қаржылық мүмкіндігінің болуын растау үшін ең төменгі рейтингтік баға Standard & Poor's агенттігінің халықаралық шкаласы бойынша «ССС» төмен болмайтын ұзақ мерзімді кредиттік рейтингі немесе басқа рейтингтік агенттіктердің бірінің ұқсас деңгейдегі рейтингі немесе Standard & Poor's ұлттық шкаласы бойынша «kzССС» төмен емес рейтингтік баға немесе Қазақстан Республикасында қызметін жүзеге асыратын, қатты қазбаларды барлау немесе өндіруге лицензия беруге арналған өтініш берілген күннің алдындағы жыл ішінде өтініш берушінің қаржылық мүмкіндігін растайтын, қор биржасы таныған рейтингтік агенттіктердің бірінің ұлттық шкаласы бойынша ұқсас деңгейдегі рейтінгі деңгейінде айқындалсын.

2. Өтініш иесінің пайдалы қатты қазбаларды өндіру жөніндегі операцияларды жүргізу үшін жеткілікті қаржылық мүмкіндігінің болуын растау үшін ең төменгі рейтингтік баға Standard & Poor's агенттігінің халықаралық шкаласы бойынша «В» төмен болмайтын ұзақ мерзімді кредиттік рейтингі немесе басқа рейтингтік агенттіктердің бірінің ұқсас деңгейдегі рейтингі немесе Standard & Poor's ұлттық шкаласы бойынша «kzВ» төмен емес рейтингтік баға немесе Қазақстан Республикасында қызметін жүзеге асыратын, қатты қазбаларды барлау немесе өндіруге лицензия беруге арналған өтініш берілген күннің алдындағы жыл ішінде өтініш берушінің қаржылық мүмкіндігін растайтын, қор биржасы таныған рейтингтік агенттіктердің бірінің ұлттық шкаласы бойынша ұқсас деңгейдегі рейтінгі деңгейінде айқындалсын.

2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

«КЕЛІСІЛДІ»
Қазақстан Республикасының
Қаржы министрі
________________ Б. Сұлтанов
2018 жылғы «___»__________
«КЕЛІСІЛДІ»
Қазақстан Республикасының
Ұлттық экономика министрі
________________ Т. Сүлейменов
2018 жылғы «___»__________