О развитии транспортно-коммуникационной сферы в Западно-Казахстанской области Күшін жойған

Батыс Қазақстан облысында көлік-коммуникация саласын дамыту туралы 📌 Ескерту. Күші жойылды - Батыс Қазақстан облысы әкімдігінің 25.01.2005 № 24 қаулысымен. Қазақстан Республикасының "Қазақстан Республикасындағы жергiлiктi мемлекеттiк басқару туралы" 2001 жылдың 23 қаңтарындағы N 148, "Азаматтық авиацияны мемлекеттiк реттеу туралы" 2001 жылғы 15 желтоқсандағы N 271-II Заңдарын басшылыққа ала отырып, "2002 жылға арналған облыстық бюджет туралы" Батыс Қазақстан облыстық мәслихаттың 2002 жылғы 8 қаңтардағы N 17-2 шешiмiне өзгерiстер мен қосымшалар енгiзу туралы" облыстық мәслихаттың 2002 жылғы 1 ақпандағы N 18-1 шешiмiн орындау үшiн және халықтық әуе тасымалына деген қажетiн қанағаттандыру мақсатында облыс әкiмдiгi ҚАУЛЫ ЕТЕДI:

1. Жергiлiктi бюджеттен демеу қаржы берiлетiн авиамаршруттар тiзбесi Қазақстан Республикасы Көлiк және коммуникация министрлiгiнiң Азаматтық авиация комитетiнiң бекiтуiне енгiзiлсiн (N 1 қосымша).

2. Тұрақты әуе тасымалына жергiлiктi бюджет қаржысы есебiнен демеу қаржы берудiң уақытша Ережесi бекiтiлсiн (N 2 қосымша).

3. Әуе тасымалын қаржыландыру жөнiндегi бағдарлама әкiмшiсi - облыстық тұрғын үй-коммуналдық, жол шаруашылығы және көлiк басқармасы әуе тасымалына облыстық бюджетте қаралған қаржы шегiнде демеу қаржы берсiн.

4. Осы қаулының орындалуын бақылау облыс әкiмiнiң орынбасары С.П. Качалоға жүктелсiн.

Облыс әкiмдiгiнiң 2002 жылғы 12 мамырдағы №98 қаулысына N 1 қосымша 2002 жылы бюджет қаржысы есебiнен демеу қаржы берiлетiн маршруттардың ТIЗБЕСI

1. Орал - Астана - Орал

Облыс әкiмдiгiнiң 2002 жылғы 12 мамырдағы №98 қаулысына N 2 қосымша Орал - Астана - Орал бағыты бойынша тұрақты әуе тасымалына жергiлiктi бюджет есебiнен демеу қаржы берудiң уақытша ережесi

1. Жалпы ережелер

1) Тұрақты жолаушылар әуе тасымалына жергiлiктi бюджет есебiнен демеу қаржы берудiң осы ережесi (бұдан әрi - Ереже) Қазақстан Республикасының "Азаматтық авиацияны мемлекеттiк реттеу туралы" 2001 жылғы 15 желтоқсандағы Заңына сәйкес облыс әкiмдiгi бекiткен бюджеттiк бағдарламаны iске асыру мақсатында әзiрлендi.

2) Осы ереже авиамаршруттардың тиiмдi қызмет етуi және оны тиiстi дәрежеде орындауы үшiн қажеттi табыс деңгейiн қамтамасыз ете алмайтын тұрақты әуе тасымалдарына демеу қаржы берудiң жағдаяттарын реттейдi.

3) Жергiлiктi бюджет есебiнен демеу қаржы берiлетiн авиамаршруттардың тiзбесiн облыс әкiмдiгi жыл сайын қолданыстағы заңнамаларда белгiленген тәртiпте бекiтiп отырады.

4) Тиiстi жылға жергiлiктi бюджетте қаралған қаржы шегiнде және есебiнен авиамаршруттарға демеу қаржы беру төлемдер түрiнде жүргiзiледi.

5) Авиамаршруттар бойынша әуе тасымалын орындауға тiлек бiлдiрушi авиакомпаниялар төмендегiдей талаптарға сәйкес болуы тиiс: а) Қазақстан Республикасының резидентi болуы; б) Жолаушылар, қол жүгi, жүк, почта тасымалдау жөнiнде қызмет көрсету үшiн авиамаршруттарға арналған Азаматтық авиация комитетiнiң рұқсаты болуы.

2. Авиамаршруттарға демеу қаржы тағайындаудың және төлеудiң тәртiбi

1) Демеу қаржы беру тек қана 1-дәрежелi, бизнес - және эконом - дәрежелi әуе кемелерiмен әуе тасымалын орындайтын авиамаршруттар Тiзiмiне енгiзiлгендерге ғана қолданылады.

2) Авиамаршруттарға демеу қаржы беру авиамаршруттар бойынша жолаушылар тасымалын орындау барысында туындаған зиянның орнын толтыруға бағытталады.

3) Белгiленген тәртiпте бекiтiлген авиамаршруттар бойынша жолаушылар тасымалдауды жүзеге асыратын, көрсетiлген маршрутта қызмет көрсететiн авиакомпания мен әкiмдiк тағайындаған өкiлеттi орган арасында жасалған шарт болған жағдайда демеу қаржы авиакомпанияларға төленедi.

4) Әрбiр жекеленген авиамаршрутқа демеу қаржы беру көлемiн өкiлеттi орган қолданыстағы тариф пен әрбiр маршрут бойынша жолаушылар тасымалдау кезiнде қалыптасқан пайдалану шығындарының көлемi арасындағы айырманы жабу есебiнен белгiлейдi.

5) Өкiлеттi орган демеу қаржыны өтеу сомасы мен жолаушыларды әуемен тасымалдаудың нақты орындалған көлемiн куәландыратын акт тапсырылған күннен бастап 5 күннен кешiктiрмей ай сайын төлеудi жүзеге асырады.

6) Жергiлiктi бюджеттен авиамаршруттар бойынша демеу қаржы беру көлемi өкiлеттi органның өтiнімiне сәйкес бөлiнедi.

7) Демеу қаржы алуға құжаттар тапсырушы авиакомпаниялар ұсынатын құжаттардың дұрыстығына толық жауап бередi.