Об определении видов и порядка поощрений, а также размера денежного вознаграждения граждан, участвующих в обеспечении общественного порядка
Деректемелер және дереккөз
- Толық атауы
- Об определении видов и порядка поощрений, а также размера денежного вознаграждения граждан, участвующих в обеспечении общественного порядка
- Атауы (қаз.)
- Қоғамдық тәртiптi қамтамасыз етуге қатысатын азаматтарды көтермелеудiң түрлерi мен тәртiбiн, сондай-ақ оларға ақшалай сыйақының мөлшерiн айқындау туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 1271
- Қабылданған күні
- 28.11.2018
- Көрсетілген редакция
- 25.05.2026 126426_837842.kaz
- Соңғы өзгеріс
- 25.05.2026
- Мәтін тілі
- қазақша
- НҚА мемлекеттік тіркеу нөмірі
- V18L0006543
- ЭКБ идентификаторы
- 126426
- Редакция идентификаторы
- 126426_837842
- Бастапқы дереккөз
- ЭКБ zan.gov.kz (API)
- Деректер жаңартылды
- 18.09.2026 03:58
0 Қоғамдық тәртiптi қамтамасыз етуге қатысатын азаматтарды
көтермелеудiң түрлерi мен тәртiбiн, сондай-ақ оларға
ақшалай сыйақының мөлшерiн айқындау туралы
📌 Ескерту. Күші жойылды - Қызылорда облысының әкімдігінің 25.05.2026 № 94 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
«Қоғамдық тәртіпті қамтамасыз етуге азаматтардың қатысуы туралы» Қазақстан Республикасының 2004 жылғы 9 шілдедегі Заңының 3-бабы
3-тармағының 3) тармақшасына, «Құқық бұзушылық профилактикасы туралы» Қазақстан Республикасының 2010 жылғы 29 сәуірдегі Заңының 6-бабы
2-тармағының 3) тармақшасына сәйкес Қызылорда облысының әкімдігі ҚАУЛЫ ЕТЕДІ:
1. Осы қаулының қосымшасына сәйкес қоғамдық тәртiптi қамтамасыз етуге қатысатын азаматтарды көтермелеудiң түрлерi мен тәртiбi, сондай-ақ оларға ақшалай сыйақының мөлшерi айқындалсын.
2. Осы қаулының орындалуын бақылау Қызылорда облысы әкімінің орынбасары С.Ж. Сүлейменовке жүктелсін.
3. Осы қаулы алғашқы ресми жарияланған күнінен бастап қолданысқа енгізіледі.
«КЕЛІСІЛДІ»
«Қазақстан Республикасы Ішкі істер
министрлігі Қызылорда облысының
полиция департаменті» мемлекеттік
мекемесінің бастығы
__________________Қ. Мұхитов
2018 жылғы «27» қараша
4 Қызылорда облысы әкімдігінің
2018 жылғы «28» қарашадағы
№1271 қаулысына қосымша
Қоғамдық тәртiптi қамтамасыз етугеқатысатын азаматтарды
көтермелеудiң түрлерi мен тәртiбi,сондай-ақ оларға
ақшалай сыйақының мөлшерi
1. Көтермелеудiң түрлерi
1. Қоғамдық тәртiптi қамтамасыз етуге қатысатын азаматтарды көтермелеудiң түрлерi:
1) алғыс жариялау;
2) грамотамен марапаттау;
3) ақшалай сыйақы беру.
2. Көтермелеудiң тәртiбi
2. Қылмыстың алдын алуға және жолын кесуге жәрдемдескен қоғамдық тәртiптi қорғауға қатысатын азаматтарды көтермелеу мәселелерiн қала және аудандардың жергілікті атқарушы органдарықұратын комиссиялармен (бұдан әрi - комиссия) қаралады.
3. Комиссияның құрамына қалалық, аудандық жергiлiктi өкiлдi және атқарушы органдарының,полиция органдарының өкiлдерi енгiзiледi.
4. Қылмыстың алдын алуға және жолын кесуге, қоғамдық тәртiптi қорғауға, қоғамдық қауiпсiздiктi қамтамасыз етуге белсендi қатысатын азаматтарды көтермелеу жөнiндегi ұсыныстарды комиссияның қарауына қалалық, аудандық полиция органдары ұсынады.
5. Комиссия қабылдаған шешiм –көтермелеу үшiн, ал комиссия қабылдаған шешiмге сәйкес облыстық, аудандық полиция органдары бастықтарының бұйрықтары - көтермелеуге ақы төлеу үшiн негiз болып табылады.
6. Қоғамдық тәртiптi қамтамасыз етуге қатысқан азаматтарға көтермелеу шараларын облыстық, қалалық, аудандық полиция органдары салтанатты жағдайда жүзеге асырады.
3. Ақшалай сыйақының мөлшерi
7. Ақшалай сыйақының мөлшерiн комиссия қоғамдық тәртiптi қамтамасыз етуге көтермеленетiн адамның қосқан үлесiн және ол немесе оның қатысуымен жолы кесiлген құқыққа қарсы әрекеттiң нәтижесiнде келтiрiлуi мүмкiн залалдың көлемiн ескере отырып белгiлейдi және ол, әдетте, 10 есе айлық есептiк көрсеткiштен аспайды.