Об изменениях в административно-территориальном устройстве Костанайской области
Деректемелер және дереккөз
- Толық атауы
- Об изменениях в административно-территориальном устройстве Костанайской области
- Атауы (қаз.)
- Қостанай облысының әкімшілік-аумақтық құрылысындағы өзгерістер туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 4
- Қабылданған күні
- 31.10.2019
- Көрсетілген редакция
- 31.10.2019 135853_426441.kaz
- Соңғы өзгеріс
- 31.10.2019
- Мәтін тілі
- қазақша
- НҚА мемлекеттік тіркеу нөмірі
- V19N0008743
- ЭКБ идентификаторы
- 135853
- Редакция идентификаторы
- 135853_426441
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 18:01
0 Қостанай облысының әкімшілік-аумақтық құрылысындағы өзгерістер туралы
«Қазақстан Республикасының әкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 11-бабы 3) тармақшасына сәйкес және аудандық өкілді және атқарушы органдардың пікірін ескере отырып, Қостанай облысының әкімдігі ҚАУЛЫ ЕТЕДІ және Қостанай облыстық мәслихаты ШЕШІМ ҚАБЫЛДАДЫ:
1 1. Мыналар:
Қостанай ауданы Владимиров ауылдық округінің Янушевка ауылы Қостанай ауданы Владимиров ауылдық округінің Владимировка ауылының құрамына;
Денисов ауданы Тельман ауылдық округінің Шыбынды ауылы Денисов ауданы Тельман ауылдық округінің Антоновка ауылының құрамына;
Әулиекөл ауданы Құсмұрын кентінің Киров ауылы Әулиекөл ауданы Құсмұрын кентінің құрамына;
Қарасу ауданы Железнодорожный ауылдық округінің Братское ауылы Қарасу ауданы Железнодорожный ауылдық округінің Железнодорожное ауылының құрамына;
Қарасу ауданы Железнодорожный ауылдық округінің Күленсай ауылы Қарасу ауданы Железнодорожный ауылдық округінің Теректі ауылының құрамына енгізіле отырып, таратылсын.
2 2. Мыналар:
Қарасу ауданының Целинный ауылдық округі Целинный ауылы және Прогресс ауылы болып;
Қарасу ауданының Новоселов ауылдық округі Новоселовка ауылы және Құндызды ауылы болып;
Қарасу ауданының Восток ауылдық округі Восток ауылы, Жұмағұл ауылы, Майское ауылы және Тімтуір ауылы болып;
Қарасу ауданының Железнодорожный ауылдық округі Железнодорожное ауылы, Теректі ауылы және Жекекөл ауылы болып қайта құрылсын.
3 3. Мыналардың:
Қарасу ауданының Шолақашы ауылдық округінің құрамына енгізіле отырып, Целинный ауылы және Прогресс ауылының;
Қарасу ауданының Ильичев ауылдық округінің құрамына енгізіле отырып, Новоселовка ауылы және Құндызды ауылының;
Бейімбет Майлин ауданы Павлов ауылдық округінің құрамына енгізіле отырып, Евгенов ауылының;
Бейімбет Майлин ауданы Белинский ауылдық округінің құрамына енгізіле отырып, Мақсұт ауылының;
Әулиекөл ауданы Диев ауылдық округінің құрамына енгізіле отырып, Қосағал ауылының және Қ.Тұрғымбаев ауылының бағыныстылығы өзгертілсін.
4 4. Мыналар:
құрамында Жамбыл ауылы және Павловское ауылы бар Қарасу ауданының Жамбыл ауылдық округі;
құрамында Қарасу ауылы, Восток ауылы, Жұмағұл ауылы, Майское ауылы және Тімтуір ауылы бар Қарасу ауданының Қарасу ауылдық округі;
құрамында Октябрь ауылы, Железнодорожное ауылы, Теректі ауылы және Жекекөл ауылы бар Қарасу ауданының Октябрь ауылдық округі;
құрамында Милісай ауылы және Шилi ауылы бар Жангелдин ауданының Шилi ауылдық округі құрылсын.