Об утверждении Перечня обязательных услуг морского порта
Деректемелер және дереккөз
- Толық атауы
- Об утверждении Перечня обязательных услуг морского порта
- Атауы (қаз.)
- Теңiз портының мiндетті түрде көрсететiн қызметтерінің тізбесiн бекiту туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 193
- Қабылданған күні
- 24.02.2003
- Көрсетілген редакция
- 10.08.2015 AI14589_2.kaz
- Соңғы өзгеріс
- 10.08.2015
- Мәтін тілі
- қазақша
- НҚА мемлекеттік тіркеу нөмірі
- P030000193_
- ЭКБ идентификаторы
- 14589
- Редакция идентификаторы
- AI14589_2
- Бастапқы дереккөз
- ЭКБ zan.gov.kz (API)
- Деректер жаңартылды
- 04.08.2026 22:26
0 Теңiз портының мiндетті түрде көрсететiн қызметтерінің тізбесiн бекiту туралы
📌 Ескерту. Күші жойылды - ҚР Үкіметінің 10.08.2015 № 622 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
"Сауда мақсатында теңiзде жүзу туралы" Қазақстан Республикасының 2002 жылғы 17 қаңтардағы Заңына сәйкес Қазақстан Республикасының Yкiметi қаулы етеді:
1 1. Қоса берiлiп отырған Теңiз портының мiндеттi түрде көрсететiн қызметтерiнiң тiзбесi бекiтілсiн.
2 2. Осы қаулы қол қойылған күнiнен бастап күшiне енедi.
1 Теңiз портының мiндетті түрде көрсететiн қызметтерiнің тiзбесi
Қазақстан Республикасы Үкiметiнiң
2003 жылғы 24 ақпандағы
N 193 қаулысымен бекiтiлген
Теңiз портының мiндетті түрде көрсететiн қызметтерiнің тiзбесi
1 1. Теңiз портының күшiмен және құралдарымен орындалатын тиеу-түсiру жұмыстары.
2 2. Кеменiң теңiз портына, кейiннен порттан шыға отырып, жүк операцияларын жүргiзуге және/немесе өзге де мақсаттарда кiруi үшiн қызметтер (кеме кiрiсi):
1 1) корабельдік - кемеге теңiз портына кiрудi және одан шығуды ұсыну;
2 2) маяктік - кеменің порт айдынына кiруi кезiнде навигация және порт байланысы құралдарымен навигациялық қызметтер ұсыну;
3 3) арнамен өткен үшiн - кеменің айлаққа өтуi үшiн арнаны ұсыну;
4 4) айлақтық - кемелерге айлақтарда жүктік және көмекшi операциялар үшін тұрақтар ұсыну;
5 5) зәкiрлік - iшкi рейдте немесе рейдтiк айлақта кеме тұрағын ұсыну;
6 6) арқандап байлау - кеменiң арқандап байлау ұштарын тарату, айлақтан жылжу, кемелердi көшiру және қайта арқандап байлау, тiркеп сүйрегіштер жұмысы;
7 7) табиғат қорғау iс-шаралары саласында - портта тұрған уақытта болған ластанудың (балластық сулардан басқа) барлық түрлерiн кемеден қандай да бiр шектеусiз қабылдау;
8 8) карантиндiк - санитарлық-эпидемиологиялық қызметтiң және қамтамасыз ету бойынша теңiз портының қызметтер көрсетуі;
карантиндік жұқпалы ауруларды және жұқпалы ауру таратушы болуы мүмкiн адамдарды уақытша оқшаулау үшiн үй-жай ұсыну;
теңіз порты аумағы мен объектiлерiн тиiстi санитарлық жай-күйде ұстау;
көлiк кемелерiнде, порт объектiлерiнде санитарлық-эпидемиологиялық станциялардың күшiмен кемiргіштер мен жәндiктердi алдын-ала жою.