О некоторых вопросах Управления Делами Президента Республики Казахстан
Деректемелер және дереккөз
- Толық атауы
- О некоторых вопросах Управления Делами Президента Республики Казахстан
- Атауы (қаз.)
- Қазақстан Республикасы Президенті Іс Басқармасының кейбір мәселелері туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 940
- Қабылданған күні
- 30.12.2020
- Көрсетілген редакция
- 30.12.2020 152402_519160.kaz
- Соңғы өзгеріс
- 30.12.2020
- Мәтін тілі
- қазақша
- НҚА мемлекеттік тіркеу нөмірі
- P2000000940
- ЭКБ идентификаторы
- 152402
- Редакция идентификаторы
- 152402_519160
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 10:14
0 Қазақстан Республикасы Президенті Іс Басқармасының
кейбір мәселелері туралы
«Мемлекеттік мүлік туралы» 2011 жылғы 1 наурыздағы Қазақстан Республикасының Заңына сәйкес Қазақстан Республикасының Үкіметі ҚАУЛЫ ЕТЕДІ:
1 1. «Қазақстан Республикасы Президенті Іс Басқармасының инженерлік-техникалық орталығы» шаруашылық жүргізу құқығындағы республикалық мемлекеттік кәсіпорны (бұдан әрі – кәсіпорын) құрылсын.
2 2. Кәсiпорынды мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асыратын орган болып Қазақстан Республикасы Президентінің Іс Басқармасы (келісу бойынша) айқындалсын.
3
3. Кәсіпорын қызметінің негізгі нысанасы қызмет көрсетілетін мемлекеттік органдардың, сондай-ақ заңды тұлғалардың, оның ішінде Қазақстан Республикасы Президенті Іс Басқармасының қарамағындағы объектілерде орналасқан заңды тұлғалардың ақпараттық-коммуникациялық инфрақұрылым, ақпараттандыру объектілерін күтіп ұстау мен дамыту және олардың жүйелері мен технологияларының ақпараттық қауіпсіздігін қамтамасыз ету саласындағы шаруашылық қызметті жүзеге асыру болып айқындалсын.
4 4. Қазақстан Республикасы Президентінің Іс Басқармасы (келісу бойынша) заңнамада белгіленген тәртіппен:
1 1) кәсіпорынның жарғысын бекітсін;
2 2) кәсіпорынды тіркеуші органдарда мемлекеттік тіркеуді қамтамасыз етсін;
3 3) осы қаулыдан туындайтын өзге де шараларды қабылдасын.
5 5. «Қазақстан Республикасы Президенті Іс Басқармасының инженерлік-техникалық орталығы» акционерлік қоғамы таратылсын.
6
6. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен кредиторлардың талаптары қанағаттандырылғаннан кейін Қазақстан Республикасы Президенті Іс Басқармасының «Инженерлік-техникалық орталығы» акционерлік қоғамының қалған мүлкін кәсіпорын теңгеріміне берсін.
7 7. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтыру бекітілсін.
8 8. Осы қаулы қол қойылған күнінен бастап қолданысқа енгізіледі.
1 Қазақстан Республикасы Үкіметінің кейбір шешімдеріне енгізілетін өзгерістер мен толықтыру
Қазақстан Республикасы
Үкіметінің
2020 жылғы «__» ______
№ ___ қаулысымен
бекітілген
Қазақстан Республикасы Үкіметінің кейбір шешімдеріне енгізілетін өзгерістер мен толықтыру
1 1. «Қазақстан Республикасы Президентiнiң Iс Басқармасының мәселелерi туралы» Қазақстан Республикасы Үкiметiнiң 1996 жылғы 29 қарашадағы № 1455 қаулысында:
көрсетілген қаулыға 2-қосымшада:
акцияларының мемлекеттік пакеттерін, мемлекеттік қатысу үлесін иелену, пайдалану және басқару құқығы Қазақстан Республикасы Президентiнiң Iс Басқармасына берiлетiн акционерлік қоғамдардың, жауапкершілігі шектеулі серіктестердің тiзбесiнде:
«Инженер-техникалық орталығы» АҚ» деген жол алып тасталсын.
2 2. «Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы» Қазақстан Республикасы Үкіметінің 1999 жылғы 12 сәуірдегі № 405 қаулысында (Қазақстан Республикасының ПҮАЖ-ы, 1999 ж., № 13, 124-құжат).
көрсетілген қаулымен бекітілген мемлекеттік акциялар пакеттері мен қатысу үлестері республикалық меншіктегі акционерлік қоғамдар және шаруашылық серіктестіктердің тізбесінде:
«Нұр-Сұлтан қ.» деген бөлімде:
реттік нөмірі 21-102-жол алып тасталсын.
3 3. «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы № 659 қаулысында:
көрсетілген қаулымен бекітілген иелік ету және пайдалану құқығы салалық министрліктерге және өзге де мемлекеттік органдарға берілген республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:
«Қазақстан Республикасы Президентінің Іс Басқармасы» деген бөлімде:
реттік нөмірі 238-11-жол алып тасталсын.
4 4. «Қазақстан Республикасы Президенті Іс Басқармасының кейбір мәселелері туралы» Қазақстан Республикасы Үкіметінің 2003 жылғы 29 қарашадағы № 1212 қаулысында:
көрсетілген қаулыға қосымша мынадай мазмұндағы реттік нөмірі 8-жолмен толықтырылсын:
«8. «Қазақстан Республикасы Президенті Іс Басқармасының инженерлік-техникалық орталығы» шаруашылық жүргізу құқығындағы республикалық мемлекеттік кәсіпорны.».
____________________