Об утверждении Правил организации деятельности военных оркестров, военных дирижеров и музыкантов культурно-досуговых центров Вооруженных Сил Республики Казахстан

Қолданыста Бұйрық ·№ 744 · 14.08.2026 жағдай бойынша

Деректемелер және дереккөз

Толық атауы: Об утверждении Правил организации деятельности военных оркестров, военных дирижеров и музыкантов культурно-досуговых центров Вооруженных Сил Республики Казахстан
Атауы (қаз.): Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидаларын бекіту туралы
Акт түрі: Бұйрық
Заңдық күші: Қолданыста
Тізілімдегі мәртебе коды: new
Нөмірі: 744
Қабылданған күні: 02.09.2022
Көрсетілген редакция: 02.09.2022 171338_590223.kaz
Соңғы өзгеріс: 02.09.2022
Мәтін тілі: қазақша
НҚА мемлекеттік тіркеу нөмірі: V2200029462
ЭКБ идентификаторы: 171338
Редакция идентификаторы: 171338_590223
Бастапқы дереккөз: ЭКБ zan.gov.kz (API)
Деректер жаңартылды: 01.08.2026 00:20

0 Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидаларын бекіту туралы

Қазақстан Республикасы Үкіметінің 2022 жылғы 2 маусымдағы № 357 қаулысымен бекітілген Қазақстан Республикасының Қорғаныс министрлігі туралы ереже 15-тармағының 162) тармақшасына сәйкес БҰЙЫРАМЫН:

1 1. Қоса беріліп отырған Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидалары бекітілсін.

2

2. «Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидаларын бекіту туралы» Қазақстан Республикасы Қорғаныс министрінің 2020 жылғы 25 желтоқсандағы № 740 бұйрығының (Қазақстан Республикасының нормативтік құқықтық актілерін мемлекеттік тіркеу тізілімінде № 21963 болып тіркелген) күші жойылды деп танылсын.

3 3. Қазақстан Республикасы Қорғаныс министрлігінің Тәрбие және идеологиялық жұмыстар департаменті Қазақстан Республикасының заңнамасында белгіленген тәртіппен:

1 1) осы бұйрықты Қазақстан Республикасының Әділет министрлігінде мемлекеттік тіркеуді;

2 2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;

3 3) мемлекеттік тіркелген күннен бастап күнтізбелік он күн ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.

4 4. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін.

5 5. Осы бұйрық лауазымды адамдарға, оларға қатысты бөлігінде жеткізілсін.

6 6. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

0 Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидалары

Қазақстан Республикасы
Қорғаныс министрі
2022 жылғы 2 қыркүйектегі
№ 744 бұйрығымен
бекітілген
Қазақстан Республикасының Қарулы Күштері әскери оркестрлерінің,
әскери дирижерлері мен мәдени-демалыс орталықтары музыканттарының қызметін ұйымдастыру
қағидалары

1 1-тарау. Жалпы ережелер

1

1. Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру қағидалары (бұдан әрі – Қағидалар) Қазақстан Республикасы Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметі тәртібін айқындайды.

2 2. Әскери оркестрлердің кәсіби қызметіне жалпы басшылық жасауды бас әскери дирижер жүзеге асырады.

3

3. Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін жоспарлау бір жылға арналған Қазақстан Республикасы Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының жұмыс жоспары негізінде жүзеге асырылады.

2 2-тарау. Қазақстан Республикасының Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметін ұйымдастыру тәртібі

4 4. Қазақстан Республикасы Қарулы Күштері әскери оркестрлерінің, әскери дирижерлері мен мәдени-демалыс орталықтары музыканттарының қызметі:

1 1) әскери жоралғыларды, қоғамдық, мәдени-бұқаралық және спорттық іс-шараларды музыкалық қамтамасыз етуді;

2 2) концерттік-ағартушылық жұмысты жүргізуді;

3 3) саптық әндерді жаттау кезінде бөлімшелер командирлеріне әдістемелік көмек көрсетуді қамтиды.

5 5. Әскери оркестр репертуарының негізін әскери-патриоттық тақырыпқа туындылар құрайды.

6 6. Қазақстан Республикасы Қарулы Күштерінің әскери оркестрлерімен, әскери дирижерлерімен және мәдени-демалыс орталықтарының музыканттарымен арнайы даярлық ұйымдастырылады және жүргізіледі. Арнайы даярлық міндеттері мыналар болып табылады:

1 1) жеке құрамның бойында әскери борышы мен қызметтік міндеттерін орындау үшін жауапкершілік сезімін тәрбиелеу;

2 2) дирижерлердің, музыканттардың арнайы даярлығын жетілдіру және әскери оркестрдің жоғары орындаушылық шеберлігін қамтамасыз ету;

3 3) дирижерлердің, музыканттардың саптық дағдыларын, әскери оркестрдің саптық әндерді орындауын және саптық үйлесімділігін жетілдіру.

7 7. Қазақстан Республикасы Қарулы Күштерінің әскери оркестрлерін, әскери дирижерлері мен мәдени-демалыс орталықтарының музыканттарын даярлау арнайы бағдарлама бойынша жүзеге асырылады.

8 8. Оркестрлік, музыкалық-теориялық, жеке даярлық бойынша сабақтарды өткізу үшін арнайы жабдықталған үй-жайлар бөлінеді.

9 9. Әскери оркестрлерді сапалы даярлау мақсатында Қазақстан Республикасы Қарулы Күштерінің әскери дирижерлері мен мәдени-демалыс орталықтарының музыканттарын тәуліктік нарядта қызмет өткеруге тартуға жол берілмейді.

10 10. Әскери жоралғыларды, қоғамдық, мәдени-бұқаралық іс-шараларды қамтамасыз ету кезінде әскери оркестрлердің ойнау тәртібін әскери оркестрдің бастығы немесе әскери дирижер өткізілетін іс-шараға жауапты адаммен бірлесіп белгілейді.

11 11. Әскери жоралғыларды музыкалық қамтамасыз ету кезінде Қазақстан Республикасының Мемлекеттік Гимнін, шет мемлекеттердің гимндерін және қызметтік-саптық репертуар туындыларын әскери оркестрлер тік тұрып және жатқа орындайды.

Қызметтер

Навигация

Параметрлер

Аккаунт

2