Аудан әкімияты жанынан діни бірлестіктермен байланыстар жөніндегі Кеңесін құру туралы от 24.11.2003 г. № 174 (Аудан әкімияты жанынан діни бірлестіктермен байланыстар жөніндегі Кеңесін құру туралы)

Аудан әкімияты жанынан діни бірлестіктермен байланыстар жөніндегі Кеңесін құру туралы
Қазақстан Республикасы Үкіметінің 2000 жылғы 6 мамырдағы № 683 "Діни бірлестіктермен байланыстар жөніндегі Кеңесті құру туралы" қаулысын басшылыққа алып, Қазақстан Республикасының "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы № 148-ІІ Заңының 31 бабының 1 тармағының 17 тармақшасына сәйкес, ауданда діни бірлестіктермен жұмысты нақтылау, олармен байланыстарды күшейту мақсатында аудан әкімияты ҚАУЛЫ ЕТЕДІ:

1. Діни бірлестіктердің жұмыстарын реттеу мен бақылау мақсатында аудан әкімияты жанынан діни бірлестіктермен байланыстар жөніндегі Кеңес құрылсын және Кеңестің құрамы аудандық мәслихат сессиясының бекітілуіне ұсынылсын.

2. Аудан әкімияты жанындағы діни бірлестіктермен байланыстар жөніндегі Кеңесінің Ережесі ұсынылып отырған қосымшаға сәйкес бекітілсін (жалғанды).

3. Аудан әкімінің 2001 жылғы 2 наурыздағы "Аудан әкімі жанындағы діни бірлестіктермен байланыс жөніндегі құрамы мен Ережені бекіту туралы" № 39 шешімі жойылды деп танылсын.

4. Осы қаулының орындалуын бақылау аудан әкімінің орынбасары С. Ғ. Шәуеновке жүктелсін.

Аудандық әкімияттың
2003 жылғы 24 қарашадағы
№ 174 қаулысына № 1 қосымша
Аудан әкімияты жанынан діни бірлестіктермен
байланыстар жөніндегі Кеңес туралы
ЕРЕЖЕ

І. Жалпы ережелері

1. Діни бірлестіктермен байланыстар жөніндегі кеңес (бұдан әрі - Кеңес) аудан әкімияты жанындағы нұсқамалық-кеңесші орган болып табылады.

2. Кеңестің өз қызметінде Қазақстан Республикасының Конституциясын, Заңдарын, Қазақстан Республикасының Президенті мен Үкіметінің нормативтік құқықтық актілерін, сондай-ақ осы Ережені басшылыққа алады.

3. Кеңес өз қызметін мемлекеттік органдармен, діни мен аймақтағы қоғамдық бірлестіктермен өзара іс-қимылда жүзеге асырады.

4. Кеңестің шешімдері ұсынымдық сипатқа ие.

ІІ. Кеңестің мақсаты, міндеттері мен функциялары

1. Кеңестің мақсаты - Қазақстан Республикасы азаматтарының дін ұстану бостандығы құқықтарын қамтамасыз ету саласындағы мемлекеттік саясат, қоғамдағы діни келісімді нығайту және конфессиялық қатынастар үндестігі мәселелер жөнінде ұсыныстар мен ұсынымдар әзірлеу болып табылады.

2. Кеңестің негізгі міндеттері төмендегідей:
аймақта діни жағдайды және оның даму тенденцияларын жан-жақты жинақтап қорыту және талдау;
ішкі саясат саласында қоғамдық басымдық мәселесін, азаматтар құқығын қамтамасыз ету еркіндігін жүзеге асыру;
діни бірлестіктер арасындағы өзара түсіністік пен төзімділікті нығайту және оларға Қазақстан Республикасының заңнамаларына сәйкес нұсқамалық-көмек көрсету болып табылады.

3. Кеңес өзіне жүктелген міндеттерге сәйкес заңнамада белгіленген тәртіппен мынандай функцияларды жүзеге асырады:
ішкі саясат саласында негізгі құрылымдарға қатынасу, дінге сену еркіндігінде азаматтар құқығын қамтамасыз ету және дінге сену бірлестіктерімен бірлесе атқарады;
ақпараттық насихаттық іс-шараларды жүзеге асырады.

ІІІ. Кеңестің қызметін ұйымдастыру және оның жұмыс тәртібі

1. Кеңесті аудан әкімінің орынбасары басқарады. Кеңестің мәжілістері үш айда кемінде бір мәрте өткізіледі. Кеңестің кезектен тыс мәжілісі Кеңес төрағасының жеке бастамасы бойынша немесе кеңес мүшелерінің жалпы санының кемінде үштен бірінің өтініші бойынша шақырылады.

2. Кеңес мәжілісі, егер оның жұмысында Кеңес мүшелерінің жалпы санының жартысынан астамы қатысса, заңды болып есептелінеді. Кеңестің шешімдері мәжіліске қатысқан Кеңес мүшелері жалпы санының көпшілік даусымен қабылданады. Дауыстар тепе-теңдігі кезінде Кеңес төрағасының дауысы шешуші болып табылады.

3. Кеңес өзіне жүктелген міндеттерді жүзеге асыру үшін заңнамаларда белгіленген тәртіппен мыналарға:
мемлекеттік органдардан, діни ұйымдар мен жеке тұлғалардан Кеңес құзыретіне жататын мәселелер бойынша қажетті ақпарат сұратуға;
Кеңес құзыретіне қатысты мәселелер бойынша ресми түсініктемелер беруге;
Заңнамаға сәйкес өзге де өкілеттіктерді жүзеге асыруға құқылы.

ІV. Кеңестің қызметін қамтамасыз ету

1. Кеңестің дербес құрамын аудандық мәслихат бекітеді.

2. Төрағасы болмағанда оның міндетін төрағаның орынбасары атқарады. Кеңес аудан аумағындағы жетекші конфессиялар, жергілікті мемлекеттік басқару органдарының қызметкерлері қатарынан жасақталады. Кеңес мүшелері өз міндеттерін қоғамдық негізде жүзеге асырады.

3. Кеңестің ұйымдастыру-бақылау қызметін қамтамасыз етуге Кеңестің барлық мүшесі қатыстырылады.

4. Кеңес хатшысы өзіне жүктелген міндеттерді орындау үшін заңнамада белгіленген тәртіппен:
қызметін ұйымдастырушылық, ақпараттық-талдамалық, әдістемелік және өзге де қамтамасыз етуді жүзеге асырады;
Кеңес мәжілісінде қабылданатын және оның төрағасы бекітетін жұмыс жоспары жөніндегі ұсыныстарды Кеңес қарауына енгізеді;
Кеңес мәжілістерінің күн тәртібін құрайды;
Кеңестің қызметі туралы есеп дайындайды;

V. Кеңестің қызметін тоқтату тәртібі

1. Кеңес өз қызметін Заңнамалар негізінде тоқтатады.