Об утверждении квалификационных требований к специализированным лабораториям
Деректемелер және дереккөз
- Толық атауы
- Об утверждении квалификационных требований к специализированным лабораториям
- Атауы (қаз.)
- Мамандандырылған зертханаларға қойылатын біліктілік талаптарын бекіту туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 38
- Қабылданған күні
- 27.01.2023
- Көрсетілген редакция
- 27.01.2023 178410_630042.kaz
- Соңғы өзгеріс
- 27.01.2023
- Мәтін тілі
- қазақша
- НҚА мемлекеттік тіркеу нөмірі
- V2300031802
- ЭКБ идентификаторы
- 178410
- Редакция идентификаторы
- 178410_630042
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 20:32
0 Мамандандырылған зертханаларға қойылатын біліктілік талаптарын бекіту туралы
«Асыл тұқымды мал шаруашылығы туралы» Қазақстан Республикасы Заңының 13-бабы 4-3) тармақшасына сәйкес БҰЙЫРАМЫН:
1 1. Қоса беріліп отырған мамандандырылған зертханаларға қойылатын біліктілік талаптары бекітілсін.
2 2. Қазақстан Республикасы Ауыл шаруашылығы министрлігінің Мал шаруашылығы департаменті заңнамада белгіленген тәртіппен:
1 1) осы бұйрықтың Қазақстан Республикасы Әділет министрлігінде мемлекеттік тіркелуін;
2 2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3 3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4 4. Осы бұйрық алғашқы ресми жарияланғаннан күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасы
Сауда және интеграция
министрлігі
0 Мамандандырылған зертханаларға қойылатын біліктілік талаптары
Қазақстан Республикасының
Ауыл шаруашылығы министрі
2023 жылғы 27 қаңтардағы
№ 38 бұйрығымен
бекітілген
Мамандандырылған зертханаларға қойылатын біліктілік талаптары
1 1. Осы мамандандырылған зертханаларға қойылатын біліктілік талаптары (бұдан әрі – біліктілік талаптары) «Асыл тұқымды мал шаруашылығы туралы» Қазақстан Республикасы Заңының 13-бабы 4-3) тармақшасына сәйкес әзірленді және мамандандырылған зертханаларға қойылатын біліктілік талаптарын айқындайды.
2 2. Осы біліктілік талаптарында мынадай ұғымдар пайдаланылады:
1 1) мамандандырылған зертхана – аккредиттелген заңды тұлға немесе оның атынан әрекет ететін оның құрылымдық бөлімшесі, сондай-ақ заңды тұлғаның молекулярлық генетикалық сараптаманы жүзеге асыратын аккредиттелген құрылымдық бөлімшесі;
2 2) молекулалық генетикалық сараптама – жануардың шығу тегінің дұрыстығын бағалау және (немесе) генетикалық ауытқуларды анықтау мақсатында жүзеге асырылатын оның биологиялық материалын зерттеу;
3 3. Мамандандырылған зертханаларға мынадай біліктілік талаптары қойылады:
1
1) «Cәйкестікті бағалау саласындағы аккредиттеу туралы» Қазақстан Республикасының Заңына және МЕМСТ ISO/IEC 17025 «Сынақ және калибрлеу зертханаларының құзыреттілігіне қойылатын жалпы талаптар» мемлекетаралық стандартына сәйкес молекулалық генетикалық сараптама жүргізуге мамандандырылған зертхананың құзыреттілігін куәландыратын аккредиттеу жөніндегі орган берген аккредиттеу аттестатының болуы;
2
2) басшылар мен мамандардың мынадай білікті құрамының болуы: «Биология», «Биотехнология», «Ветеринария», «Денсаулық сақтау» мамандықтары бойынша жоғары және (немесе) жоғары оқу орнынан кейінгі білімі, мамандығы бойынша кемінде 3 (үш) жыл практикалық жұмыс тәжірибесі бар басшы және «Биология», «Биотехнология», «Ветеринария» және «Денсаулық сақтау» мамандықтары бойынша жоғары және (немесе) жоғары оқу орнынан кейінгі білімі, мамандығы бойынша кемінде 1 (бір) жыл практикалық жұмыс тәжірибесі бар мамандар (кемінде 3 (үш) адам).