Об определении отдельных категорий физических лиц, имеющих право на получение услуг по содействию предпринимательской инициативе
Деректемелер және дереккөз
- Толық атауы
- Об определении отдельных категорий физических лиц, имеющих право на получение услуг по содействию предпринимательской инициативе
- Атауы (қаз.)
- Кәсіпкерлік бастамаға жәрдемдесу жөніндегі көрсетілетін қызметтерді алуға құқығы бар жеке тұлғалардың жекелеген санаттарын айқындау туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 265
- Қабылданған күні
- 29.06.2023
- Көрсетілген редакция
- 29.06.2023 183395_655052.kaz
- Соңғы өзгеріс
- 29.06.2023
- Мәтін тілі
- қазақша
- НҚА мемлекеттік тіркеу нөмірі
- V2300032919
- ЭКБ идентификаторы
- 183395
- Редакция идентификаторы
- 183395_655052
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 18:08
0 Кәсіпкерлік бастамаға жәрдемдесу жөніндегі
көрсетілетін қызметтерді алуға құқығы бар жеке тұлғалардың
жекелеген санаттарын айқындау туралы
Қазақстан Республикасы Әлеуметтік кодексінің 110-бабының 1-тармағына сәйкес БҰЙЫРАМЫН:
1 1. Кәсіпкерлік бастамаға жәрдемдесу жөніндегі көрсетілетін қызметтерді алуға құқығы бар жеке тұлғалардың мынадай жекелеген санаттары:
1 1) қайтарымды негізде микрокредит беру, кәсіпкерлік негіздеріне оқыту үшін:
жұмыссыздар;
Қазақстан Республикасы Әлеуметтік кодексінің 207-бабының 1-тармағында белгіленген зейнеткерлік жасқа жетпеген қысқартылатын жұмыскерлер;
дара кәсіпкерлер ретінде тіркелмей кіріс алу мақсатында тауарларды, жұмыстар мен көрсетілетін қызметтерді өндіру (өткізу) жөніндегі қызметті дербес жүзеге асыратын адамдар және (немесе) әрекетсіз дара кәсіпкерлер;
отбасылық кәсiпкерлiкте еңбекақы төленбейтін қызметті дербес жүзеге асыратын адамдар;
жеке қосалқы шаруашылықта сату (айырбастау) үшін өнім өндіру жөніндегі қызметті дербес жүзеге асыратын, табысы ең төменгі күнкөріс деңгейiнен аз адамдар;
табысы ең төменгі күнкөріс деңгейiнен аз өндірістік кооператив мүшелері;
ісін жаңадан бастаған және/немесе жұмыс істеп жүрген дара кәсіпкерлер;
2) халықтың әлеуметтік осал топтарына жаңа бизнес идеяларды іске асыруға өтеусіз гранттар беру үшін, оның ішінде:
атаулы әлеуметтік көмек алушылар;
төрт және одан да көп бірге тұратын кәмелетке толмаған балалары бар көп балалы отбасыларға, оның ішінде жалпы орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысанында оқитын балаларға, олар он сегіз жасқа толғаннан кейін білім беру ұйымдарын бітірген уақытқа дейін ай сайынғы мемлекеттік жәрдемақы алушылар (бірақ жиырма үш жасқа толғанға дейін) және (немесе) оның жұбайы (зайыбы);
асыраушысынан айырылу жағдайы бойынша әлеуметтік төлем алушылар;
қоныс аударушылар;
қандастар;
еңбекке қарсы көрсетілімдері жоқ мүгедектігі бар адамдар;
мүгедектігі бар бала (мүгедектігі бар балаларды) тәрбиелеп отырған адамдар және (немесе) оның жұбайы (зайыбы) айқындалсын.
2 2. Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту департаменті заңнамада белгіленген тәртіппен:
1 1) осы бұйрықтың Қазақстан Республикасы Әділет министрлігінде мемлекеттік тіркелуін;
2 2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің ресми интернет-ресурсында орналастыруды;
3 3) осы бұйрық мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Еңбек және халықты әлеуметтік қорғау министрлігінің Заң қызметі департаментіне ұсынуды қамтамасыз етсін.
3 3. Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.
4 4. Осы бұйрық 2023 жылғы 1 шілдеден бастап қолданысқа енгізіледі және ресми жариялануға тиіс.
«КЕЛІСІЛДІ»
Қазақстан Республикасының
Ауыл шаруашылығы министрлігі
«КЕЛІСІЛДІ»
Қазақстан Республикасының
Қаржы министрлігі
«КЕЛІСІЛДІ»
Қазақстан Республикасының
Ұлттық экономика министрлігі