сервитутты белгілеу туралы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасының Жер Кодексінің 19,69 – баптарына сәйкес, «Мобайл Телеком – Сервис» ЖШС хатының негізінде Қарқаралы ауданының Қаракөл ауылдық округінің әкімі ШЕШТІ:

1. «Мобайл Телеком – Сервис» жауапкершілігі шектеулі серіктестігіне, Қарқаралы ауданы, Қаракөл ауылдық округі, Қаракөл ауылы жерінде талшықты – оптиқалық байланыс желісін (ТОБЖ) төсеу және пайдалану үшін, жалпы көлемі – 0,0440 га меншік иелері мен жер пайдаланушылардан жер учаскелерін алып қоймай, 5 жыл мерзімге қауымдық сервитут белгіленсін.

1) осы шешімге қол қойылған күннен бастап жиырма күнтізбелік күн ішінде оның көшірмесін электрондық түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнының Қарағанды облысы бойынша филиалына жіберуді;