Оқушы жастарды әлеуметтiк қорғау, олардың оқу және шығармашылық белсендiлiгiн арттыру мақсатында Қазақстан Республикасының Үкiметi қаулы етедi:

жастарды стипендиялық және материалдық қамтамасыз ету туралы Ереже
бекiтiлсiн.

"Оқушы жастарды әлеуметтiк қорғау туралы" Қазақстан Республикасы
Министрлер Кабинетiнiң 1993 жылғы 5 қаңтардағы N 9 қаулысы (Қазақстан
Республикасының ПҮАЖ-ы, 1993 ж., N 1, 15-құжат);
"Кәсiптiк-техникалық училищелердiң оқушыларын материалдық
қамтамасыз ету туралы" Қазақстан Республикасы Министрлер Кабинетiнiң
1994 жылғы 30 мамырдағы N 573 қаулысы (Қазақстан Республикасының
ПҮАЖ-ы, N 23, 248-құжат).

Қазақстан Республикасы
Үкiметiнiң
1997 жылғы 4 маусымдағы
N 920 қаулысымен
бекiтiлген
Қазақстан Республикасындағы оқушы жастарды
стипендиялық және материалдық қамтамасыз ету туралы
ЕРЕЖЕ

2. Оқушы жастарды стипендиялық қамтамасыз ету және басқа да әлеуметтiк қолдау нысандары оқу орнының бағыныстылығына қарай республикалық және жергiлiктi бюджеттердiң қаражатының есебiнен, сондай-ақ стипендиялық қорды үнемдеу есебiнен құрылатын Жоғары оқу орындарының әлеуметтiк көмек қорынан және басқа да (бюджеттен тыс) көздерден алынған қаражаттан жүзеге асырылады.

Мемлекет тапсырысының шеңберiнде оқитын адамдарға стипендияның мөлшерi жыл сайын "Республикалық бюджет туралы" Заңда белгiленедi.

4. Мемлекеттiк оқу орындары жоғары оқу орындарының докторанттарына, аспиранттарына, студенттерi мен магистранттарына, орта арнаулы оқу орындарының оқушыларына стипендия тағайындаудың тәртiбi Қазақстан Республикасы Қаржы министрлiгiнiң келiсiмi бойынша Қазақстан Республикасының Бiлiм және мәдениет министрлiгi бекiтетiн Нұсқаулықпен айқындалады.
Мемлекет тапсырысының негiзiнде оқитын докторанттарға стипендия алатын лауазымдық жалақысының мөлшерiнде тағайындалады, бiрақ бұл жоғары оқу орны доцентiнiң жалақысынан аспауы тиiс.
Өндiрiстен қол үзiп мемлекет тапсырысының негiзiнде оқитын аспиранттарға ай сайынғы стипендияның мөлшерi ғылыми дәрежесi жоқ кiшi ғылыми қызметкердiң лауазымды жалақысының деңгейiнде тағайындалады.
Оқушы жастардың жекелеген санаттары үшiн стипендияның мөлшерi 1-қосымшаға сәйкес өсiрiледi.
Заңды және жеке тұлғалармен тiкелей шарттар бойынша оқитын адамдарды стипендиялық қамтамасыз етудiң тәртiбi шартпен айқындалады.

5. Өз қарамағында оқу орындары бар министрлiктерге, сондай-ақ оқу орындарына республикадан тыс жерлерге оқуға жiберiлген жоғары оқу орындарының аспиранттарына, студенттерiне, магистранттарына және орта оқу орындарының оқушыларына қолда бар бюджеттiк және бюджеттен тыс қаражат шегiнде жылына бiр рет айлық стипендия мөлшерiнде материалдық көмек көрсету құқығы берiледi.

6. Күндiзгi бөлiмдерiнде оқитын жоғары оқу орындарының студенттерi мен магистранттарына, орта арнаулы оқу орындарының, сондай-ақ кәсiптiк-техникалық мектептердiң оқушыларына оқу орнының орналасқан жерiнен жолға шығуына байланысты, практиканың барлық түрiнен өту кезеңiнде және керi қайту жолын қоса алғанда, ұйымдар қызметкерлердiң iссапарларына байланысты әр күнге қосымша шығыстарды өтеу үшiн қолданылып жүрген заңдармен белгiленген тәулiктiк норманың 40 процентi мөлшерiнде тәулiкақы төленедi.
Оқу және өндiрiстiк практикаға жiберiлген адамдардың аталған санаттарына қалааралық темiржол, су және автомобиль көлiгiмен практикаға бару және керi қайту жолақысы толық төленедi.

7. Мемлекеттiк тапсырыс шеңберiнде оқитын жоғары оқу орындарының шет қалалардың студенттерiне, орта арнаулы оқу орындарының оқушыларына каникул уақытында (жылына екi рет) бару-қайту тиiстi бюджеттердiң қаражатының есебiнен қалааралық темiржол, су және автомобиль көлiгi қатынасындағы жолақысының 50 процентi мөлшерiнде жеңiлдiк жасалады.

Толық мемлекеттiк қамтамасыз етудегi оқушы жастардың осы санаты және жетiм балалар мен ата-аналарының қамқорлығынсыз қалған балалардың қатарындағы адамдар үшiн белгiленген стипендияның мөлшерiнiң 50 процентi мөлшерiнде қосымша стипендия төленедi.
Жетiм балалар және ата-анасының қамқорлығынсыз қалғандар қатарындағы кәсiптiк-техникалық мектептердiң оқушылары толық мемлекеттiк қамтамасыз етуге алынады. Оларға орта оқу орнының оқушыларына белгiленген стипендияның 50 процентi мөлшерiнде стипендия төленедi.

Кәсiптiк-техникалық мектептердiң директорлары оқушыларды тамақпен қамтамасыз етудiң мүмкiндiгi жоқ ерекше жағдайларда, отбасында тұратын оқушыларға, оқушылар мен олардың ата-аналарының өтiнiшi бойынша тамақтың орнына сауда үстемесiн қоспай тамақ рационының белгiленген құнының ақшалай өтемiн төлеуге құқылы. (Төлем оқушының сабақтарға себепсiз қатыспаған күндерiне төленбейдi).
Бұдан басқа дәл осы тәртiппен өндiрiстiк практикадағы, демалыс және мереке күндерiндегi кезең үшiн тамақтың орнына ақшалай өтем төленiле алады. Каникул уақытында оқу кезеңiндегi тамақ құнының 60 процентi мөлшерiнде, ақшалай өтем төленедi.
Айға есептегендегi ақшалай өтемнiң мөлшерi мемлекеттiк тапсырыс шеңберiнде мемлекеттiк жоғары оқу орындарында оқитын студенттерге айлық стипендиясы мөлшерiнiң 80 процентiнен аспауы тиiс.

Кәсiптiк-техникалық мектептердiң оқушыларына олардың өндiрiстiк оқу және өндiрiстiк практика кезеңiнде еңбекпен тапқан сомалары 100 процент төленедi.

13. Кәсiптiк-техникалық мектептердің оқушылары оқу орнында оқу кезеңiнде кiтапхана қорынан оқулықтармен және оқу құралдарымен, ал ата-аналарынан бөлек тұратын оқушылар, бұдан басқа N 3 қосымшаға орай белгiленген нормативтерге сәйкес жеке басының гигиена заттарымен қамтамасыз етiледi.
1-қосымша
Оқушы жастардың жекелеген санаттары үшiн

белгiленген стипендиясына үстеме
____________________________________________________________________
  N  |        Стипендиаттардың тiзбесi          |  Стипендияларды
     |                                          |өсiру, проценттерде
_____|__________________________________________|___________________
  1                         2                            3
_____|__________________________________________|___________________
     |                                          |
  1  | Жауынгерлiк iс-қимылдарға немесе өзге де |
     | қызметтiк мiндеттерiн орындау кезiнде    |
     | жараланудың, контузияға ұшыраудың,       |
     | зақымданудың немесе науқастанудың салда. |
     | рынан, Чернобыль АЭС-да болған апаттың   |
     | және азаматты немесе әскери мақсаттағы   |
     | басқа да объектiлерде болған басқа да    |
     | радиациялық апаттар мен авариялардың,    |
     | ядролық қаруды сынаудың салдарынан       |
     | мүгедек болған немесе олардың мүгедектiгi|
     | ата-аналарының бiреуiнiң радиация сәуле  |
     | алуымен генетикалық байланысты болған    |
     | жағдайда жоғары оқу орындарының студент. |
     | терiне, магистранттарына және орта       |
     | арнаулы оқу орындарының (колледждердiң)  |
     | оқушыларына                              |      50
     |                                          |
   2 | Жоғары оқу орындарының соқыр немесе      |
     | мылқау студенттерiне, магистранттарына   |
     | және орта арнаулы оқу орындарының        |
     | (колледждердiң) оқушыларына              |      75
     |                                          |
   3 | Жетiм балалар және ата-аналарының        |
     | қамқорлығынсыз қалған, балалардың        |
     | арасындағы, бiрақ азаматтардың қамқор.   |
     | лығындағы жоғары оқу орындарының         |
     | студенттерi, магистранттары мен орта     |
     | арнаулы оқу орындарының (колледждердiң)  |
     | оқушыларына                              |      30
     |                                          |
   4 | Жоғары оқу орындарының отбасылы студент. |
     | терi мен магистранттарына және орта      |
     | арнаулы оқу орындарының оқушыларына      |      25
     |                                          |
   5 | Қазақстан Республикасы Үкiметiнiң шешiм. |
     | дерiмен белгiленген белгiлi ғылым,       |
     | техника және мәдениет қайраткерлерi      |
     | атындағы стипендияны алушы жоғары оқу    |
     | орындарының студенттерi мен магистрант.  |
     | тарына, арнаулы оқу орындарының          |
     | оқушыларына                              |      45
     |                                          |
   6 | Жоғары оқу орны Ғылым Кеңесiнiң жеке     |
     | пәндi зерделеудегi ерекше табыстары      |
     | мен ғылыми-техникалық шығармашылығы      |
     | үшiн дербес стипендия белгiленген жоғары |
     | оқу орындарының студенттерi мен          |
     | магистранттарына (жоғары оқу орнында     |
     | 7-ден аспайтын стипендия)                |      30
     |                                          |
   7 | Емтихан сессиясының нәтижелерi бойынша   |
     | (жоғары оқу орындарының атаулы және      |
     | Қазақстан Республикасының Президентiнiң  |
     | стипендияларын алатын студенттерден      |
     | басқа) тек "өте жақсы", "жақсы" және     |      30
     | "өте жақсы" деген бағаға ие болған       |      15
     | жоғары оқу орындарының студенттерi мен   |
     | магистранттарына және орта арнаулы оқу   |
     | орындарының оқушыларына                  |
2-қосымша
Кәсiптiк-техникалық мектептiң бiр оқушысына

арналған тамақтанудың натуральды нормасы
(азық-түлiктiң тәулiктiк жиынтығы)
____________________________________________________________________
                                          |Азық-түлiктiң грамдағы бiр
              Азық-түлiк атауы            | күнге арналған мөлшерi
__________________________________________|_________________________

     Бидай наны                                      280
     Қара бидай                                      170
     Макарон өнiмдерi                                 20
     Жармалар                                         60
     Бұршақ өнiмдерi                                   8
     Бидай ұны                                        50
     Кепкен бидай наны                                10
     Крахмал                                           3
     Қант                                   75+5 кондитер тағамдары
     Ет                                              160
     Шұжық тағамдары                                  10
     Қосалқы өнiмдер (өкпе, бауыр, жүрек)             30
     Балық                                            70
         оның iшiнде майшабақ                          5
     Жұмыртқа                                      28 (0,7 тал)
     Сүт және сүт өнiмдерi                           300
     Жартылай майлы сүзбе                             60
     30 процент майлылықты қаймақ                     15
     Iрiмшiк                                          15
     Сары май                                         25
         оның iшiнде порциялығы                       20
     Маргарин                                         30
     Өсiмдiк майы                                     15
     Картоп                                          300
     Көкөнiстер                                      350
     Томат-пюре                                       10
     Жемiс-жидектер немесе шырын                      85
     Кептiрiлген жемiс-жидектер                       15
     Кофе сусыны                                       2
     Шай                                               2
     Какао                                             1
     Дәмдегiштер                                       2
     Тұз                                              10
     Ашытқы                                            1
3-қосымша
Кәсiптiк-техникалық мектептiң жатақханада

тұратын бiр оқушысына арналған жеке басының гигиена
заттарының мөлшерi
____________________________________________________________________
                                     |       |      |Берiлу мөлшерi
   Жеке басының гигиена заттарының   | Өлшем |Мерзiм|_______________
                   атауы             |бiрлiгi| (ай) |ер ба. |қыз ба.
                                     |       |      |лалар  |лалар
_____________________________________|_______|______|_______|_______

     Жеке пайдалануға арналған сабын   грамм     1     150     200
     Моншада жуынуға арналған сабын    грамм     1     100     100
     Тiс щеткасы                       дана      3      1       1
     Тiс пастасы                       дана      1      2       2
     Тiс ұнтағы                        грамм     -     100     100
     Гигиенаға қажеттi мақта           грамм     1      -      250
     Тарақ                             дана      6      1       1
     Тұрмыстық бөлмедегi киiм щеткасы  дана      6   25 оқушыға 1 дана
                                                         есебiнен
     Жуыну жөкесi                      дана      3      1       1
     Кiр жуатын ұнтақ                  грамм     1     250     250
     Оқу-өндiрiстiк шеберханаларына
     арналған сабын                    грамм     1     100     100