Об утверждении Правил благоустройства, санитарной очистки и содержания объектов городской инфраструктуры на территориях города Лисаковска, поселка Октябрьский, села Красногорское Күшін жойған

Лисаков қаласының, Октябрь поселкесінің, Красногор селосының аумағындағы қалалық инфрақұрылым объектілерін көркейту, санитарлық тазалау және күту ережелерін бекіту туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабы 1-тармағының 8) тармақшасына, «Әкімшілік құқық бұзушылық туралы» Қазақстан Республикасы Кодексінің 387 және 543-баптарына «Қазақстан Республикасындағы сәулет, қала құрылысы және құрылыс қызметі туралы», «Тұрғын үй қатынастары туралы» Заңдарына және сәйкес, Лисаков қалалық мәслихаты ШЕШТІ:

1. Лисаков қаласының, Октябрь поселкесінің, Красногор селосының аумағындағы қалалық инфрақұрылым объектілерін көркейту, санитарлық тазалау және күту ережелері бекітілсін.

2. Осы шешімнің орындалуына бақылау заңдылық, азаматтардың құқықтарын және құқық тәртібін қорғау мәселелері жөніндегі тұрақты комиссия төрайымы Р.А. Дәурембековаға жүктелсін.

3. Лисаков қалалық мәслихатының «Сыртқы көркейту элементтерін, көгалдандыру мен тұрғын үй қорын ұстау және сақтау ережелерін бекіту туралы» 2000 жылғы 9 маусымдағы № 49 шешімінің күші жойылды деп танылсын.

4. Осы шешім Қостанай облысының әділет департаментінде мемлекеттік тіркеуден өткеннен кейін күшіне енеді.

Қалалық мәслихат сессиясының 2004 жылғы 16 наурыздағы № 42 шешімімен бекітілген Лисаков қаласының, Октябрь поселкесінің, Красногор селосының аумағындағы қалалық инфрақұрылым объектілерін көркейту, санитарлық тазалау және күту ережелері Осы Ережелер Лисаков қаласының әкімшілік аумағындағы, меншік нысанына қарамастан шаруашылық жүргізуші субъектілерінің, жалгерлердің, үй салушылардың, ғимарат, құрылыс және ғимарат иелерінің, сондай-ақ Лисаков қаласының, Октябрь поселкесінің, Красногор селосының тұрғындары үшін инфрақұрылым объектілерін көркейту, санитарлық тазалау, аумақ тазалығын сақтау, күту мен қорғау саласындағы жеке және заңды тұлғалардың қарым-қатынасын реттейді және жауапкершілігін анықтайды.

1. Жинау, көркейту үшін шаруашылық жүргізуші субъектілерге арнап қала аумағын бекітіп беру және қоқыстарды шығару мен пайдаға асыру ережелері

1. Шағын аудандардың (аулалардың) ішкі аумағын, аяқжолдарды жинау, көгалдандыру және көркейту жұмыстары үй-жай иелерінің кооперативтеріне; даңғыл көшелерді, жасыл желектер аймағын, бақша, саябақ соқпақтарын, тарихи және мәдени ескерткіштерді, және де басқа жалпы пайдаланымдағы орындарды мамандандырылған коммуналдық кәсіпорынға жүктеледі.

2. Өз аумағы мен офис, палатка, дүңгіршек, шағын дүкен және басқа да шағын және орта бизнес объектілердің, оқу орындардың, мектеп жасына дейінгі балалардың мекемелерінің, өнеркәсіп және өзге кәсіпорындардың, құрылыс алаңдарының, қоймалардың, санитарлық-сақтау аймағы радиусындағы базаларының және кіре берістердің, қарасты аумақты тазалау және жинау жұмысын аталған объектілердің иелері өз күштерімен, қаржысымен, мамандандырылған ұйымдармен шарт жасау бойынша қамтамасыз етеді, басқа аумақтық (стадиондар, базарлар, автомашиналар мен гараж құрылысы кооперативтерінің ашық тұрақтары, өздеріне қарасты аумақтармен бірге санитарлық-қорғау аймағы радиусте) тазалықты күту жауапкершілігі тиісті жер пайдаланушыларға жүктеледі. Жер қыртысы жамылғысын бүлдіруге байланысты өнеркәсіп немесе құрылысы жұмысын жүргізуші, құрылыспен айналысатын басқа да ұйымдар жердің құнарлы қыртысын көшет құрылысына пайдалану үшін алып қоюға және сақтауға міндетті, сондай-ақ құрылыс пен өндіріс бітісімен өндіріс жұмыстары кезінде бүлдірген жер учаскелері мен жас көшеттерді өз есебінен қалпына тез келтіреді.

3. Күрделі, ағымдағы жөндеуді жүргізуші құрылыс объектілеріне қарасты аумақты таза күту мен жинастыру жауапкершілігі жөндеу-құрылыс ұйымына немесе осы жұмысты атқаратын тұлғаларға жүктеледі.

4. Ғимараттар салу кезінде жаңадан тұрғызылып жатқан тұрғын үй алабын құрылыс қоқысынан тазартуды үйге тапсырыс беруші қамтамасыз етеді. Ғимарат пайдалануға берілген сүттен бастап оның иесі жүйелі түрде тазалық жүргізуді ұйымдастыруы тиіс.

5. Жекелеген объектілер, түрлі ведомстволарға, сондай-ақ тұрғын үй аумағына санитарлық тазалық жасау санитарлық-эпидемиологиялық қызметтердің бақылауымен мамандандырылған коммуналдық кәсіпорындармен және үй-жайлар иелерінің кооперативтерімен жасалған шарт немесе өз күштерімен жүргізіледі.

6. Қоқыстарды жоюды жүргізетін ұйымдар арасында жасалған шарттар мен кестелер бойынша тұрғын үй, өндірістік ғимараттар және басқа объектілердің иелерімен үнемі тазалау жүргізіледі.

7. Қатты және сұйық қоқыстарды зиянсыздандыру санитарлық нормаларда және қатты тұрмыстық қоқыстарды (ода әрі - ҚТҚ) пайдаға асыру үшін ережелерде баяндалған талаптар, зиянсыздандыру және қайта өңдеу бойынша арнайы бөлінген учаскелерде немесе ғимараттарда жүргізіледі. Қоқыстарды осы орындарға арналмаған басқа жерлерге шығаруға, сондай-ақ оларды қала мен поселкеге қарасты аумақта жағуға және көмуге тыйым салынады.

2. Жалпы пайдаланымдағы жерлерді жинау мен күту

8. Саябақтар аумағындағы, жағажай демалыс аймағындағы, көпшілік қыдыратын жерлердегі және басқа орындардағы тазалық 1 тарауындағы белгіленгендей талаптарға сәйкес күтіліп таза ұсталады.

9. Барлық алаңдар мен көшелерде, саябақтарда, базарларда, қалалық көлік аялдамаларында және басқа да орындарға жеткілікті етіліп урналар қойылуы керек. Урналардың ара қашықтығын магистралды (аумақ) пайдалану интенсивіне байланысты коммуналдық шаруашылық органдары анықтайды, бірақ ара қашықтық 50 метрден аспауы тиіс, ал кісілер аз жүретін жерлерге ара қашықтығы 100 метрден урналар қойылады. Урналар міндетті түрде қалалық көлік жүретін аялдамаларға орнатылуы тиіс.

10. Үйлердің және кеңселердің, сауда жасайтын жайлардың, палаткалардың, шағын дүкендердің, павильондардың, саябақтың, парктің, жағажайдың иелері қалдықтарға арнап урналар орнатады. Урналар түзу және таза ұсталуы тиіс, қоқыстың жинақталуына қарай урналар тазартылып ҚТҚ пайдаға асыру үшін қалдықтарға арналған орындарға шығарылады, үзбей жуылып және дезинфекция жасалады, жылына екі реттен кем емес сырланып отырылады.

11. Ыдыстарды және дүңгіршіктердің, палаткалардың, ұсақ бөлшек сауда жасайтын павильондардың, дүкендердің және басқа да кәсіпкерлер объектілерінің, сондай-ақ материалдардың құрылыс алаңынан тысқары үйілуіне тыйым салынады.

12. Тез бұзылмайтын тамақ тағамдарына, көкөністер мен жемістерге арнап палаткаларды, шағын дүкендерді, дүңгіршіктерді, жайма орындарды көшеде орнатуда санитарлық-эпидемиологиялық қадағалау органдармен және әкім аппаратының бас сәулетшісімен, шағын және орта бизнес бөлімімен келісім жасалуы тиіс.

13. Көлік құралдарын жөндеу және пайдалануға байланысты, қала мен село және кент аумағын ластауға, тұрмыс қалдықтарын механикаланған жинау мен шығаруға кедергі келтіретіндей, балалар ойнайтын алаңға, аула аумағының өтетін бөлігіне, көлік құралдарын қоюға, сондай-ақ жалпы пайдаланымдағы жерлерге бөлшектелген көлік құралдарын қоюға тыйым салынады.

3. Оқшауланған аумақтағы объектілерді жинау

14. Оқшауланған аумақтағы объектілерде (базар, жағажай, саябақ, емдеу-профилактикалық мекеме) санитарлық-эпидемиологиялық стансасының келісімінсіз санитарлық қондырғыларды салуға және қайта жабдықтауға, қалдықтарды жинауға, автокөлік жууға, осы мақсатқа бөлінбеген жерлерге ыдыс пен ағаш сақтауға тыйым салынады.

15. Жағажай. Техникалық жұмысшылар жағажай жабылған соң жағалауға, әжетханаларға киім шешетін жерлерге, көгалды аймақтарға, негізгі жинастыруы, ыдыстарды жуу және әжетханаларды дезинфекциялау жүргізуі тиіс. Күндіз патрульдік жинастыру жүргізіледі. Жиналған қалдықтарды шығаруға таңғы сағат 8.00-ге дейін рұқсат етіледі. Жас көшеттер алабынан 3-5 метр, ал су жиегінен 10 метрден кем емес жерге урналар қойылуы қажет. Жағажай аумағындағы 160 шаршы метр жерге біреуден есептеліп, урналар қойылуға тиіс. Жағажай аумағында бір орынға 75 рет кіріп-шығуға арналған қоғамдық әжетханалар орнатылуы қажет. Қоғамдық әжетханалардың арасы адамдар шомылатын жерге дейін 50 метрден кем емес және 200 метрден алыс болмауы тиіс. Киім шешетін ашық, жабық орындар, шешінетін павильондардың гардеробтары күнбе күн дезинфекцияланып жуылуы тиіс. Шомылуға арналған орындарда кір жууға және хайуанаттарды шомылдыруға тыйым салынады.

16. Базарлар. Базар аумағы (оның ішінде шаруашылық жүргізу алаңдары, кірер жер, кіре беріс жолдары) ағын су мен еріген қар ағып кетуге еңкіштеліп ыңғайланған қатты жамылғыда (асфальт, жұмыс тас) болуы тиіс. Базардың орналасуын тұрғын үйлерден санитарлық жағынан алғанда 50 метрден кем емес оқшауланған аумақта қарастыруы қажет. Базар аумағында канализация мен су құбыры болуы тиіс. Базарлардағы канализациясыз күресінің өткізбейтін қоғамдық әжетханалар сауда орнына 20 метрден кем емес қашықтыққа орнатылуы тиіс. Урналар санын анықтаған кезде базар алаңында әрбір 50 шаршы метрге есептеліп бір урна қойылуы керек. Базарлардың жұмыс уақытын басшылары (иелері) белгілейді. Базарлардың бүкіл аумағын, негізгі және қосалқы ғимараттарды, сауда орындарын, сөрелерді, столдарды, керек-жарақтарды жинау мен дезинфекциялау үшін аптасына бір рет санитарлық күн жарияланады.

17. Парктер мен саябақтар. Ондағы негізгі жиыстыру таңғы сағат 7-ден 11-ге дейін жүргізілуі тиіс. Ал қалған уақытта қалдықтарды жинауды, жинастыруды патруль жүргізеді, жас көшеттерді суарады.

4. Автожолдарды (өтетін жерлерді) күту мен жинастыру

18. Жолдарды (өтетін жер) жинау қоқыстарды сыпыру, қардан тазарту арқылы мамандандырылған кәсіпорындармен жүзеге асырылады.

19. Түнгі уақыттағы жұмыс кезінде шу болдырмау ережелері сақталуға тиіс. Жиып-жинастыратын машиналардың орын алмасуы кезінде де жол қозғалысы ережелері сақталғаны жөн.

20. Қаладағы өтетін жолдарды қысқы кезіндегі жинастыру мамандандырылған коммуналдық кәсіпорындармен жүзеге асырылады. Табиғаттың қолайсыз және қар мен тайғақтықтан тазалау кезінде, жол қозғалысының тоқтамауы үшін, арнаулы машиналар тез арада жолға шығуға әзір болуы тиіс. Қар тазалайтын механизмдер өздерінің технологиялық маршрутын ең көп жол қозғалысы болатын жерлерден бастауы тиіс.

21. Төбедегі қар мен сүңгілерді тазалау ғимарат иесінің міндетіне кіреді және ондай кезде сақтық шаралары сақталуы тиіс (кезекшілер бөлу, тротуарды қоршау). Төбеден түсірілген бір жерге үйіледі және қажет жағдайда шығарылып тасталады.

22. Кәсіпорындардың және мекемелердің, үй-жай иелерінің кооперативтерінің тұрғын үй бөлімдері:

1) тұрмыс қалдықтарын әкетуді іске асыруға, қажет жағдайда шарт жасасуға;

2) елді мекендер аумағын күтудің санитарлық ережелерін сақтау жөніндегі шараларды орындау үшін халықты ұйымдастыру мен түсіндіру жұмыстарының жүргізуге;

3) үйлер мен ғимараттардың кіреберістерін, күнқағарларын, жертөлелерін, шатырларын қажетті өрттен қорғау мен санитарлық қалыпта күтуге;

4) тұрғындардың шу комфортын қамтамасыз ету үшін үй иелерінен сағат 7-ден аспай сағат 23-тен кешіктірілмей тұрмыстық қалдықтар шығарылуға тиіс.

23. Үйлер, ұйымдар, мекемелер мен кәсіпорындар аумағын жинайтын мамандандырылған кәсіпорындар бұл міндеттерін санитарлық нормалар мен ережелерге орай жүзеге асырылады:

1) қатты және сұйық тұрмыстық қалдықтарды деркезінде шығаруды (шартқа сәйкес) жүзеге асырады;

2) әрбір арнаулы машинаға қозғалыс схемасымен маршрут кестесі жасалынады;

3) пайдалану кезінде болатын өзгерістерге сәйкес маршрут кестесінің түзетілуі;

4) бекітілген маршрут кестесінің міндетті орындалуын қамтамасыз ету;

5) азаматтардың жеке меншігіне қарасты салынған үйлер маңын қатты тұрмыстық қалдықтардан жетісіне екі рет жоспарлы-жүйелі түрде үзбей тазалау жүзеге асырылады.

24. Әрбір елді мекендерде қатты тұрмыстық қалдықтардың әкетілу уақытын тиісті коммуналдық қызмет көрсету орнын белгілейді және де оған санитарлық-эпидемиологиялық қызметпен келісім жасалады.

5. Елді мекендер аумағында шағын сәулеттік нысандарды орнату мен күту тәртібі

25. Сыртқы көркейтудің барлық элементтері, оның ішінде, қасбеттерін өңдеу, аумақтық құрылысының тәртібін айқындайтындай ережелерге сәйкес жасалу керек.

26. Дуалдардың, шарбақтардың, дүңгіршіктердің, шатырлардың, павильондардың, шағын дүкендердің, жарнамалық стендтердің құрылысы мен орнатуына, маңдайшадағы түрлі көрнекілеу мен басқа да жайғастыруларды безендірулерге, парк орындықтарын орнатуға, тек белгіленген тәртіппен келісілгеннен кейін ғана рұқсат етіледі.

27. Шағын сәулеттік нысандардың барлық орнатулары түзу тәртіпте ұсталуға тиіс, олар кемінде жылына бір рет сырлануы керек.

28. Көше жарығының, жарнама мен маңдайшадағы жазулардың, кіре берістің шырақтарын қараңғы түскеннен кейін жағу керек.

29. Үй-жай иелері кооперативтері, қызмет, өндірістік және басқа ғимарат пен имараттардың иелері үйлердің нөмірлік белгісін, көше көрсеткіштерін дұрыс күйінде күтуге міндетті.

6. Инженерлік құрылыстарды, байланыс жолдарын, құрылыс объектілері мен автокөліктерді күтудің тәртібі

30. Жер асты желілерінің иелері қарауындағы газ люктерінің, канализацияның, су құбырларының, жаңбыр суы құйылатын және басқа да құдықтар қақпақтарының жол жамылғысы деңгейінде болуын, олардың үнемі дұрыс күйінде тұрақты күтілуін қадағалауға міндетті.

31. Көшелер мен жолдардан, жер үсті мен жер асты суларын бұрып жіберуге арналған каналдар, құбырлар мен дренаждарды жинау мен тазалау, құйылу канализацияларының коллекторлары, су ағатын құдықтар қажетті көздеріне қарай тазаланып, оның қоқыстары сол бойда шығарылып отырылады. Қоймалардың, базарлардың, карьерлердің, құрылыс алаңдары мен басқа да объектілердің иелері:

1) көліктің бұрылуы үшін алаңдарды, кіре беріс жолдарын таза және жөндеп ұстауды. Көлік шығатын және іштей салынған жолдар қатты жамылғыда болуын;

2) көрсетілген объектілерден ластанған автокөлік пен құрылыс механизмдерінің көшеге шығуына жол бермеуді, көліктердің доңғалақтары мен шанағын жууды қамтамасыз етеді.

32. Құрылыс алаңдары белгіленген үлгідегі барлық периметр бойынша тығыз шарбақпен қоршалуы тиіс. Қоршауда көліктің ең аз шығып-кіруіне рұқсат етіледі және де олар жай көшелерге шығуы тиіс.

33. Көшелердегі, даңғылдардағы, кварталдың ішкі аумағындағы жөндеу-құрылыс өндірісі мен басқа да жер қазу жұмыстарын заңды және жеке тұлғалар уәкілетті орган келісімімен белгіленген тәртіпте жүзеге асырады.

34. Тізімдері автожолдарды пайдалану жөніндегі мамандандырылған қалалық кәсіпорындармен белгіленіп және қала әкімімен бекітілген ауыр техникалар мен ірі жүкті көліктердің белгілі бір уақыт ішінде қалаға кіруі мен болуына Қазақстан Республикасы Заңнамасында белгіленген тәртіпте жол полициясымен келісіледі. Айрықшалық ретіндегілерге, коммуналдық қызмет пен ұйымдардың, кәсіпорындардың шаруашылық жүргізуші субъектілермен шарт жасауы бойынша қаланың үйлер аумағынан маманданған үнемі ҚТҚ жиыстыруы мен үлкен емес және басқа қоқыстарды шығаратын көліктері жатады.

35. Көлік құралдарының иелері, жеке автокөлікті жүргізушілер көлік құралдарын таза ұстауға міндетті. Ластанған көлік құралдарымен қалада жүруге рұқсат етілмейді. Жалпы пайдаланымдағы немесе жолдың өтетін бөлігін ластауға жол берген шаруашылық жүргізуші субъектілердің басшылары немесе жеке тұлғалар ластарды жоюға (алып тастауға) немесе сол жерді пайдаланған ұйым келтірген шығын орнын толтыруға міндетті.

7. Осы Ережелер мен тыйым салынатын іс-әрекеттер

36. Төмендегі іс-әрекеттерге:

1) көшелерде, тротуарларда, көгалдарда, сондай-ақ үй қасбеттерінің қасында құрылыс материалдарын, ағаштарды көмірді, шөпті, сабанды және басқа да материалдарды жинап қоюға;

2) балконның (лоджия) сыртына қоқымдарды қағуға;

3) жолдың өтетін және жаяулар жүретін бөлігін, жағалаудың құрылыстан бос орны мен жас көшеттер отырғызылған аумақты, сондай-ақ жалпы пайдаланымдағы басқа жерлерді қоқыстың кез келген түрімен (темекі қалдықтары, шынылар, қағаздар) тұрмыс қалдықтарымен ластауға;

4) тұрғын үйлер жанында және көлік жағалаудың санитарлық аймағында көлік құралдарын, кірлерді жууға, хайуандарды суға түсіруге;

5) тротуарлар мен жолдың өтетін бөлігінде газ люктерін, канализацияларын, су құбырын, жаңбыр суы ағатын және басқа да құдықтарды қоршамай ашық қалдыруға;

6) көшелерге, гүл бағына, бақшаларға, орман-парктерге, стадиондарға, мектеп қасындағы учаскелерге және басқа да жалпы пайдалануындағы орындарға мал, құс шығару мен бағуға;

7) осы мақсатқа бөлінбеген аумақтарға иттерді қыдыртуға, иттердің жимай дәретін қалдыруға;

8) қала көшелерімен шынжыр табанды көліктердің жүруіне;

9) көкөністерді және басқа ауыл шаруашылығы дақылдарын отырғызу үшін көпшіліктің пайдалануындағы жас көшеттер аумағын пайдалануға;

10) жабылмаған әрі бұзылған шанақта және жабдықталмаған тіркемелері бар автомашиналарда сусымалы және сұйық жүкті тасымалдауға;

11) жол мен жер қазу жұмыстарының өндірісі кезінде жұмыс істеп тұрған құрылыстарды (жол жабу, жиектеме, қоршау, құдықтардың люгі, су ағызаты тор, науа мен кюветтер, қайта жіберетін құбырлар мен дренаждарды және басқа), жас көшеттерді бүлдіруге, сондай-ақ топырақпен жабуға, жылу берумен, сумен жабдықтау және канализацияның бұзылған жүйелерін жөндеуде, тікелей тротуарларға, көгалдарға және көшенің жүріп өтетін бөлігіне су кететіндей ретпен апат жұмыстарын жүргізуге;

12) кәсіпорын, ұйым аумағында, тұрғын үй кварталдарының көшелері мен көгалдарында, жеке учаскелерде қоқыс, жапырақ жағуға;

13) көше және аула аумақтарын, дүңгіршек, павильондар маңындағы аумақтарын, сауда және қоғамдық тамақтану объектілерін қоқырлану және ластануға;

14) «Прогресс» қоғамының, гараж кооперативтерінің, бақша қоғамдарының және аулалардың азаматтардың қоқыстармен, өлген жануарлардың өлімтегілерімен, қилармен ластауға;

15) хабарландыру, жарнама, құлақтандыру, хабарлама және тағы басқаларды өз бетімен жабыстыруға тыйым салынады.

8. Қалалық инфрақұрылым аумағын көгалдандыру мен санитарлық күту, объектілерді ұстау жөніндегі уәкілетті органдар мен қызмет орнының міндеттері

37. Қазақстан Республикасының денсаулық сақтау туралы заңнамалары негізіне сәйкес көшелерді, аулаларды және елді мекендер мен қаланың басқа аумағын, сондай-ақ жағажай мен қоғамдық пайдалану орындарын күтудің санитарлық ережелерін сақтауда, қадағалау жасауды ішкі істер органдары, экологиялық, өрттен қорғау, санитарлық және сәулет құрылысын қадағалаушылар жүзеге асырады.

38. Қалалық ішкі істер бөлімінің учаскелік инспекторлары көркейту мен көгалдандыру тәртібін бұзушы адамдарды айқындау және оларға материалдар жинап белгіленген тәртіпте тиісті органдарға беруге міндетті.

39. Санитарлық-эпидемиологиялық қадағалау мекемесінің мамандары төмендегі міндеттердің орындалуын қамтамасыз етуге;

1) елді мекендерде көркейту және санитарлық тазартуды ұйымдастыру бойынша жергілікті басқару органдары шешімдерінің жобасын әзірлеуге қатысуға;

2) қала мен селолық елді мекендерді санитарлық тазартудың схемасын, өнеркәсіптік және қатты тұрмыстық қалдықтар алаңын жобалау мен орналастыру жөніндегі материалдарды қарау мен мақұлдауға;

3) елді мекендердің санитарлық жағдайына байланысты, тұрғындардың науқастығын білуге және талдауға;

4) эпидемиологиялық жағдайға байланысты аумақтардың жиналуы мен тазалығына тексеру рейдін жүргізу туралы тұрғын үй коммуналдық шаруашылық органдар басшыларына ұсыныстар беруге;

5) жылына бір рет, ал қажетті жағдайда және одан да жиірек эпидемиологиялық жағдайды есепке ала отырып, қалдықтарды жою мен шығару, жинау жүйесін ұйымдастыру жөніндегі арнайы тұрғын үй органдары мен кәсіпорындары үшін санитарлық минимум бойынша нұсқаулық беру және сабақтар өткізу.

9. Ережелерді бұзған үшін жеке және заңды тұлғалардың жауапкершілігі

40. Қазақстан Республикасының «әкімшілік құқық бұзушылық туралы» Кодексіне сәйкес, осы Ережелерді бұзған кінәлі жеке және заңды тұлғалар жауапқа тартылады.