Қазақстан Республикасы Жер кодексінің 18-бабының 5-1 тармақшасына, 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31-бабына сәйкес, «Қостанай қаласы әкімдігінің жер қатынастары бөлімі» мемлекеттік мекемесінің 2024 жылғы 27 мамырдағы № 247 бұйрығымен бекітілген жерге орналастыру жобасы негізінде Қостанай қаласының әкімдігі ҚАУЛЫ ЕТЕДІ:

1. «Қостанай қаласы әкімдігінің құрылыс бөлімі» мемлекеттік мекемесіне елді мекендердің жері санатынан «Қостанай облысы Қостанай қаласының Әуежай шағын ауданындағы 900 орынға арналған жалпы орта білім беретін мектепке сыртқы коммуникациялардың құрылысы, электрмен жабдықтау желілерін салу үшін» объектісі бойынша инженерлік коммуникацияларды жүргізу үшін Қостанай қаласы, Әуежай шағын ауданы мекенжайында орналасқан, жалпы алаңы 0,0633 гектар жер учаскесіне қауымдық сервитут белгіленсін.