Об утверждении Правил реализации пилотного проекта по оформлению (внесению) договоров в информационной системе «Электронные счета-фактуры»
Деректемелер және дереккөз
- Толық атауы
- Об утверждении Правил реализации пилотного проекта по оформлению (внесению) договоров в информационной системе «Электронные счета-фактуры»
- Атауы (қаз.)
- «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидаларын бекіту туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 885
- Қабылданған күні
- 27.12.2024
- Көрсетілген редакция
- 27.12.2024 205109_742478.kaz
- Соңғы өзгеріс
- 27.12.2024
- Мәтін тілі
- қазақша
- НҚА мемлекеттік тіркеу нөмірі
- V2400035547
- ЭКБ идентификаторы
- 205109
- Редакция идентификаторы
- 205109_742478
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 06:47
0 «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидаларын бекіту туралы
«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 68-бабының 1-1-тармағына сәйкес БҰЙЫРАМЫН:
1 1. Қоса беріліп отырған «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидалары бекітілсін.
2 2. Қазақстан Республикасы Қаржы министрлігінің Мемлекеттік кірістер комитеті Казақстан Республикасының заңнамасында белгіленген тәртіппен:
1 1) осы бұйрықтың Қазақстан Республикасының Әділет министрлігінде мемлекеттік тіркелуін;
2 2) осы бұйрық ресми жарияланғаннан кейін оны Қазақстан Республикасы Қаржы министрлігінің интернет-ресурсында орналастыруды;
3
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтердің Қазақстан Республикасы Қаржы министрлігінің Заң қызметі департаментіне ұсынылуын қамтамасыз етсін.
3 3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2025 жылғы 31 желтоқсанға дейін қолданылады.
0 «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидалары
Қазақстан Реcпубликасының
Қаржы министрі
2024 жылғы 27 желтоқсандағы
№ 885
бұйрықпен бекітілген
«Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидалары
1 1-тарау. Жалпы ережелер
1
1. Осы «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру қағидалары (бұдан әрі – Қағидалар) «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 68-бабы 1-1-тармағына сәйкес әзірленді және «Электрондық шот-фактуралар» ақпараттық жүйесінде (бұдан әрі – ЭШФ АЖ) Мемлекеттік сатып алу туралы шарттың (бұдан әрі – МСА туралы шарт) шегінде жұмыстарды орындау не қызметтер көрсету үшін тартылған өнім берушілер және (немесе) қосалқы мердігерлер (бірлесіп орындаушылар) МСА туралы шарттың деректерін енгізу жолымен, тауарларды, жұмыстар мен көрсетілетін қызметтерді жеткізуге арналған шарттарды (бұдан әрі – Шарт) ресімдеуді (енгізуді) көздейтін пилоттық жобаны (бұдан әрі – Пилоттық жоба) Қазақстан Республикасының аумағында іске асыру тәртібін айқындайды.
2 2. Осы Қағидалардың мақсатында МСА туралы шарттың нысанасы шегінде жұмыстарды орындау не қызметтер көрсету үшін тартылатын тұлға қосалқы мердігер (бірлесіп орындаушы) болып танылады.
Осы Қағидаларда пайдаланылатын өзге де ұғымдар Қазақстан Республикасының заңнамасында көзделген ұғымдарға сәйкес қолданылады.
3 3. Осы Пилоттық жобаға қатысу ерікті негізде жүзеге асырылады.
2 2-тарау. «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаға қатысушылар
4 4. Мыналар:
1 1) ЭШФ АЖ қатысушысы ретінде тіркелген салық төлеушілер болып табылатын өнім берушілер;
2 2) ЭШФ АЖ қатысушысы ретінде тіркелген салық төлеушілер болып табылатын қосалқы мердігерлер (бірлесіп орындаушылар);
3 3) мемлекеттік кірістер органдары Пилоттық жобаның қатысушылары болып табылады.
3 3-тарау. «Электрондық шот-фактуралар» ақпараттық жүйесінде шарттарды ресімдеу (енгізу) жөніндегі пилоттық жобаны іске асыру тәртібі
5
5. Шартты жасасу және бұзу кезінде, сондай-ақ Шартқа өзгерістер және (немесе) толықтырулар енгізу кезінде өнім беруші немесе қосалқы мердігер (бірлесіп орындаушы) ЭШФ АЖ-да «Электрондық шарттар» модулінің «Тауарларды, жұмыстар мен көрсетілетін қызметтерді жеткізуге арналған шарт» бөлімінде МСА туралы шарттың мынадай деректерін ресімдейді (енгізеді):
1 1) нөмірі;
2 2) жасалған күні.
«Тауарларды, жұмыстар мен көрсетілетін қызметтерді жеткізуге арналған шарт» бөлімі растау, қарау, редакциялау, бас тарту, Шартқа қол қою функцияларын көздейді.
Бұл ретте ЭШФ АЖ-дағы Шартқа тараптар электрондық цифрлық қолтаңба арқылы қол қояды.