Об утверждении методики стоимости услуг казахстанских экспертов по проведению государственной научно-технической экспертизы, экспертизы проектов коммерциализации, оценки обоснованности суммы запрашиваемого объема финансирования
Деректемелер және дереккөз
- Толық атауы
- Об утверждении методики стоимости услуг казахстанских экспертов по проведению государственной научно-технической экспертизы, экспертизы проектов коммерциализации, оценки обоснованности суммы запрашиваемого объема финансирования
- Атауы (қаз.)
- Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесін бекіту туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 604
- Қабылданған күні
- 30.12.2024
- Көрсетілген редакция
- 30.12.2024 205380_767539.kaz
- Соңғы өзгеріс
- 30.12.2024
- Мәтін тілі
- қазақша
- НҚА мемлекеттік тіркеу нөмірі
- V2400035578
- ЭКБ идентификаторы
- 205380
- Редакция идентификаторы
- 205380_767539
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 06:34
0 Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесін бекіту туралы
«Ғылым және технологиялық саясат туралы» Қазақстан Республикасы Заңының 6-бабының 41) тармақшасына және «Қазақстан Республикасы Ғылым және жоғары білім министрлігінің кейбір мәселелері туралы» Қазақстан Республикасы Үкіметінің 2022 жылғы 19 тамыздағы №580 қаулысымен бекітілген Қазақстан Республикасы Ғылым және жоғары білім министрлігі туралы ереженің 15-тармағының 111-5) тармақшасына сәйкес БҰЙЫРАМЫН:
1 1. Қоса беріліп отырған Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесі бекітілсін.
2 2. Қазақстан Республикасы Ғылым және жоғары білім министрлігінің Ғылым комитеті Қазақстан Республикасының заңнамасында белгіленген тәртіппен:
1 1) осы бұйрықтың Қазақстан Республикасы Әділет министрлігінде мемлекеттік тіркелуін;
2 2) осы бұйрықты Қазақстан Республикасы Ғылым және жоғары білім министрлігінің ресми интернет-ресурсында орналастыруды қамтамасыз етсін.
3 3. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасының
Қаржы министрлігі
0 Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесі
Қазақстан Республикасының
Ғылым және жоғары білім министрі
2024 жылғы 30 желтоқсандағы
№ 604 Бұйрықпен
бекітілген
Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесі
1
1. Коммерцияландыру жобаларына мемлекеттік ғылыми-техникалық сараптама, сараптама жүргізу, сұралатын қаржыландыру көлемі сомасының негізділігіне бағалау жүргізу бойынша қазақстандық сарапшылар көрсететін қызметтер құнының әдістемесі «Ғылым және технологиялық саясат туралы» Қазақстан Республикасы Заңының 6-бабының 41) тармақшасына және «Қазақстан Республикасы Ғылым және жоғары білім министрлігінің кейбір мәселелері туралы» Қазақстан Республикасы Үкіметінің 2022 жылғы 19 тамыздағы №580 қаулысымен бекітілген Қазақстан Республикасы Ғылым және жоғары білім министрлігі туралы ереженің 15-тармағының 111-5) тармақшасына сәйкес әзірленді.
2
2. Қазақстандық сарапшылардың (бұдан әрі – Қызмет) сараптама жүргізу құны мемлекеттік ғылыми-техникалық сараптама (бұдан әрі – МҒТС) жүргізуге, коммерцияландыру жобаларына сараптама жүргiзуге, қаржыландырудың сұралатын сомасы көлемінің негізділігін бағалауға кеткен уақытқа байланысты 1, 2 формулалар бойынша айқындалады.
3 3. Көрсетілетін қызмет құны формула бойынша айқындалады:
Ққз = қа-к x Тж.б, (1)
мұндағы қа-к – бір адам-күннің құны, теңге;
Тж.б – қызмет бірлігін көрсетуге жұмсалған уақыт (МҒТС және МҒТС бір объектісін қаржыландырудың сұратылған көлемі сомасының негізділігін бағалау және ҒҒТҚН-ны коммерцияландыру жобасының сараптамасы), күнтізбелік күн.
Тж.б көрсеткіші Қазақстан Республикасы Ғылым және жоғары білім министрінің 2024 жылғы 7 қарашада № 517 бұйрығымен (Нормативтік құқықтық актілердің мемлекеттік тіркеу тізілімінде № 35344 болып тіркелген) бекітілген Мемлекеттік ғылыми-техникалық сараптаманы ұйымдастыру және жүргізу қағидалары негізінде белгіленген, ол күнтізбелік 7 күннен аспайды.
Ка-к - көрсеткіші Қазақстан Республикасының Үкіметінің 2015 жылғы 31 желтоқсандағы № 1193 «Мемлекеттік қызметшілердің, мемлекеттік бюджет есебінен қаржыландырылатын ұйымдардың қызметкерлерінің, мемлекеттік кәсіпорындар қызметкерлерінің еңбекақысын төлеу жүйесі туралы» Қаулысымен (бұдан әрі – Қаулы) белгіленген мемлекеттік қызметшілердің лауазымдық жалақыларын есептеуге арналған коэффициенті және Қазақстан Республикасының Еңбек және әлеуметтік қорғау министрлігі бекіткен жұмыс уақыты балансы көрсеткішіне, негізгі лауазымдық жалақыға (бұдан әрі – НЛЖ) негізделіп мына формула бойынша есептеледі:
Ка-к = БЛА х Как/Б ж.у. (2)
мұндағы БЛА – қаулымен белгіленген базалық лауазымдық айлықақы, теңге;
Ка-к – кем дегенде 5,09 жұмыс өтілі бар бас менеджерлер үшін Қаулымен бекітілген коэффициентке сәйкес есептелетін бір адам-күннің құнын есептеу коэффициенті (В функционалдық блогы, В1 звеносы, 2-қосымшаның 2-қадамы).
Б ж.у. – көрсеткіші 20,67 болып белгіленген жұмыс уақытының балансы.
Жалпы, Ка-к көрсеткіші 4 358 теңгені құрайды және қолданыстағы осы әдістеме мерзімінде өзгертілмейді.