Қазақстан Республикасы Жер кодексінің 71-1-бабы 2-тармағына, 140 - бабына сәйкес Жітіқара ауданының Тоқтаров ауылдық округінің әкімі ШЕШІМ ҚАБЫЛДАДЫ:

1. «Геологиялық – экологиялық комплексті экспедиция» жауапкершілігі шектеулі серіктестігіне қолданылу 2027 жылғы 17 маусымға мерзімге берілген геологиялық бөлу шегінде пайдалы қазбаларды барлау операцияларын жүргізу, бүлiнген жердi жаңғыртуға, оның құнарлылығын және жердiң басқа да пайдалы қасиеттерiн қалпына келтiру үшін Жітіқара ауданы Тоқтаров ауылдық округінің аумағында орналасқан ауданы 95 гектар, 216 гектар жер учаскелеріне қауымдық сервитут белгіленсін.
Жер учаскелерінің жалпы ауданы 311 гектарды құрайды.

1) осы шешімге қол қойылған күннен бастап бес жұмыс күні ішінде оның қазақ және орыс тілдеріндегі электрондық түрдегі көшірмесін Қазақстан Республикасының Нормативтік құқықтық актілердің эталондық бақылау банкіне ресми жариялау және енгізу үшін Қазақстан Республикасы Әділет министрлігінің Қостанай облысы бойынша «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнының филиалына жіберу;