О введении запрета на вывоз отдельных видов непереработанной рыбы с территории Республики Казахстан
Деректемелер және дереккөз
- Толық атауы
- О введении запрета на вывоз отдельных видов непереработанной рыбы с территории Республики Казахстан
- Атауы (қаз.)
- Қазақстан Республикасының аумағынан өңделмеген балықтың жекелеген түрлерін әкетуге тыйым салуды енгізу туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 29
- Қабылданған күні
- 29.01.2025
- Көрсетілген редакция
- 29.01.2025 206893_749688.kaz
- Соңғы өзгеріс
- 29.01.2025
- Мәтін тілі
- қазақша
- НҚА мемлекеттік тіркеу нөмірі
- V2500035692
- ЭКБ идентификаторы
- 206893
- Редакция идентификаторы
- 206893_749688
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 06:16
0 Қазақстан Республикасының аумағынан өңделмеген балықтың жекелеген түрлерін әкетуге тыйым салуды енгізу туралы
«Сауда қызметін реттеу туралы» Қазақстан Республикасы Заңының 17-бабының 2-тармағына және 18-бабының 1-тармағына, «Еуразиялық экономикалық одақ туралы шартты ратификациялау туралы» Қазақстан Республикасының Заңымен ратификацияланған 2014 жылғы 29 мамырдағы Еуразиялық экономикалық одақ туралы шарттың (бұдан әрі – Шарт) 29-бабына, сондай-ақ Шартқа 7-қосымшаның 10-бөліміне сәйкес БҰЙЫРАМЫН:
1
1. Қазақстан Республикасының аумағынан, оның ішінде Еуразиялық экономикалық одаққа мүше мемлекеттерге көліктің барлық түрлерімен (автомобиль, су және темір жол көлігі) өңделмеген балықты: өзге де жаңа ауланған немесе салқындатылған балықты (көксерке) (Еуразиялық экономикалық одақтың сыртқы экономикалық қызметі тауар номенклатурасының (бұдан әрі – ЕАЭО СЭҚ ТН) 0302 89 107 0 кодынан), кларии (африкалық) жайынын қоспағанда, жаңа ауланған немесе салқындатылған жайынды (ЕАЭО СЭҚ ТН 0302 72 000 0 кодынан), кларии (африкалық) жайынын қоспағанда, мұздатылған жайынды (ЕАЭО СЭҚ ТН 0303 24 000 0 кодынан), өзге де тұщы су балықтарын, мұздатылған (көксеркені) (ЕАЭО СЭҚ ТН 0303 89 107 0 кодынан) әкетуге алты ай мерзімге тыйым салу енгізілсін.
2 2. Қазақстан Республикасы Ауыл шаруашылығы министрлігі заңнамада белгіленген тәртіппен осы бұйрықтың 1-тармағында көрсетілген тыйым салуды енгізу туралы Еуразиялық экономикалық комиссияны ол енгізілген күнге дейін күнтізбелік үш күннен кешіктірмей хабардар етсін.
3 3. Қазақстан Республикасы Ауыл шаруашылығы министрлігінің Балық шаруашылығы комитеті заңнамада белгіленген тәртіппен:
1 1) осы бұйрықтың Қазақстан Республикасы Әділет министрлігінде мемлекеттік тіркелуін;
2 2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
4 4. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
5 5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасы
Қаржы министрлігі
«КЕЛІСІЛДІ»
Қазақстан Республикасы
Сауда және интеграция министрлігі
«КЕЛІСІЛДІ»
Қазақстан Республикасы
Ұлттық қауіпсіздік комитеті
«КЕЛІСІЛДІ»
Қазақстан Республикасы
Ұлттық экономика министрлігі