Қазақстан Республикасының 2003 жылғы 20 маусымдағы Жер кодексінің 17 бабының 1-1) тармақшасына, 69 бабының 4 тармағына және 71-1 бабының 2 тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына сәйкес, Хромтау ауданының әкімдігі ҚАУЛЫ ЕТЕДІ:

1. «Arm Wind» жауапкершілігі шектеулі серіктестігімен Бадамша-1 жел электр станциясымен Бадамша (2 Фаза) электр станциясы арасындағы байланысты қамтамасыз ету үшін қуаты 48 МВт Бадамша-1 электр станциясы алаңының, талшықты-оптикалық байланыс желісінің жерасты кәбілін төсеу үшін, Хромтау ауданы Тассай ауылдық округінің аумағында орналасқан, жалпы алаңы 0,4894 гектар жер учаскесіне жер пайдаланушылардан алып қоймай, қауымдық сервитуты белгіленсін.